Versículos más leídos de la Biblia Ba-Loma 6

Compartir

Lacina mpuci en’aoyi’owe eyali nk’ewedi, koko nganji ona Yakomba eyali nko liiko lonelofakale eneyali Masiya Yesu Nkolo eniso.

Lacin’oka bowe bofaataki locili lona lifoka eneyalino; lacina ino bofayali ena lifoka lina basangya; boyali ena lifoka lin’isei.

Lacin’eho, tokunjama-ki l’ende l’inamelo en’ewedi; lacina yok’onoki Masiya oetwaka enek’anawaki la bokonde bona Bafango, nk’osamb’oho iso tokende ena liiko lone lototo.

ko botalekyake bilama binino eneyali bowe yoke bimunyi bina baoyi baninda mbongi; ohonde boyolekyak’inoamene eneyali Yakomba, yona bato banayaike eneyali banawaki, ko bilama binono yoka bimunyi bina mbongi eneyali Yakomba.

Tey’oka boto’oniso onoki’oso aakamaki l’ende en’ekulusu, lacin’eho yonge lin’owe liyakame, lacin’iso tofayalame lakina ena yombo lin’owe

Nk’osamb’oho, boyota ng’inoamene nk’anawaki eneyali bowe, koko banayaike eneyali Yakomba la Masiya Yesu.

Yok’oho, iso tongil’oya? Tomboyala nde en’owe lacin’eho isei ifule? Efana! is’anawaki eneyali bo-we, tongutwa lakina en’owe yok’osamb’oya?

Bofey’okanko boyoleky’inoamene eneyali boto yoka baombo lacina bofik’ende mpika, bomoyalama baombo ban’oto’oho onafik’ino mpika yombo ban’owe bonokoyedya en’ewedi, yombo ban’imeedyo ina mpika inakoyedya ena mbongi?

Koko tokanga Yakomba lokangolacin’oka kang’ino boyaaki baombo ban’owe, bomofika bokotu’oho bona lilako bonok’in’olakamaka; ko enek’in’otungwaka en’owe, boyalamaki baombo bana mbongi.