Versículos más leídos de la Biblia Waazukaa 8

Compartir

Woo se ay ɲaali ka zanzaŋ, zama haya henna kul sii adamize se waynaa cire, nda manʼti a ma ŋaa, a ma haŋ ka ɲaali, woo ti haya kaŋ ga hima ka hanga a nga taabiyanoo, zaarey waatoo ra kaŋ Irkoy nʼa noo a se waynaa cire.

Zunubante ga hin ka ifutu tee cee zangu (100), amma a ga duu aloomur kuku, amma ay ga bay kaŋ gomni goo borey se kaŋ ga hunbur Irkoy, zama nga hunburaa goo biney ra.

Haya foo kul nda nga waatoo nda nga ciitoo, ifutu ga adamize tiŋandi.

Boro kul si nga hundoo may kʼa ganji a ma hun, boro kul sii nda hini nga buuyanoo zaaroo se. Wongu no kaŋ boro si hun a ra. Goyfutu teekaw goyfutaa si hin kʼa kaa.

Ciiti kaŋ dunbandi goy futu ga, de nga zukandoo mana kaŋ tanba, ga kate adamize binoo ga too met nda goy futu teeyan alhawaa.

Haya yaada foo ne kaŋ ga tee laboo ga, boro šerranteyaŋ goo no kaŋ ngi kokoroo ga hima nda boro futawey goyoo, boro futuyaŋ goo no kaŋ ngi kokoroo ga hima nda boro šerrantey goyoo. Ay nee kaŋ woo mo sii nda addalil.

Adamize si haya bay kaŋ ga kaa kʼa tee, may no ma hin ka takaa har a se kaŋ nda a ga tee?