Versículos más leídos de la Biblia Waazukaa 3

Compartir

Haya foo kul nda nga waatoo, haya kul kaŋ goo beenaa cire goo nda nga waatoo

hayyan waati goo no, buuyan waati goo no, dumayan waati goo no, haya kaŋ dumandi doguyanoo waati goo no, wiiyan waati goo no, safaryan waati goo no, kayriyan waati goo no, cinayan waati goo no

hẽeniyan waati goo no, haaruyan waati goo no, binehẽeni waati goo no, ganyan waati goo no, tondi warrayan waati goo no, tondi kurmayan waati goo no, ka boro dii ni gandey ra waati goo no, masi boro dii ni gandey ra waati goo no

ka haya kottu waati goo no, ka haya taa waati goo no, ka dangay waati goo no, ka šelaŋ waati goo no, baji waati goo no, konnaray waati goo no, wongu waati goo no, alaafiya waati goo no.

ka haya ceeci waati goo no, haya ma dere waati goo no, ka haya dii waati goo no, ka haya warra waati goo no

Ay yadda kaŋ haya kul kaŋ Irkoy nʼa tee ga cindi abada. Boro si haya tonton a ga, boro si haya kaa a ra. Irkoy nka woo tee hala borey ma hunbur nga.

Ay nee ay boŋ se: «Irkoy ga boro šerrante nda ifutu ciiti, zama a na haya foo kul kayandi kʼa tee nga waatoo ra, teegoy foo kul nda nga ciitoo.»