Versículos más leídos de la Biblia Matiw 18

Compartir

“Avanuy kwatuyouns amiteiy o amiteitoun silma̱nin gunawotet, simiy yey mo bitasesus, yey agugwamag yakamiy.”

“Vayuwein adibakeimiy, kukin amiteiy ven watinow kusesus, igaw bukutams aw-youd bukunitougs waseg Tamag walba̱lab Tamag mo beitam, bisekeimiy youd towen.

Mapuna Yeisuw idouw gwad teitan beim. Im to gwad, Yeisuw itamnow gwad towen wanuwein, ilana, “Mounid adibakeimiy, kukin bikanavin ninoumiy bukumlavags ma̱wana gwad towen mo bukusiws wanuwan Yowbad nakaleiwag. Kukin gog nag, bo nag.

“Kal yak bukuma̱num ma̱wana gwad towen, igaw bukumug Yowbad nakaleiwag wanuwan.

“Kukin bukuleb gwad teitan nisimounid waseg yey, magina bo kulabeig yey.

“Mounid adibakeimiy tayakelesiys yakamiy, aveiyag bukuyawanis ven watinow waseg, Yowbad mo biyawen walba̱lab. Aw-kaleiwag bukulikus ven watinow, Yowbad mo bilik walba̱lab.

“Tamag walba̱lab ansinap ma̱wan. Kal yak wananoum ta-bukuwid simwey sikalbaleb waseg yak, Yowbad bo bimop amsinap kalbakeb ya̱koum.”

“Gamagal tasiyas isimounids waseg yey, kukin kal bikatsilakes silma̱nin bikakins sinap kalbaleb, singay kalbaleb bilouvat gamag towen. Kukin gamag mwasanin bikawes dakul avakaein biyawanis kayon bo bilaves bein wabwanit, biwgwel, nakalbaleb towen kalamwey; tage kukin bisesuna ee... bikatsilek teitan gwad, singaya kalbaleb mo bilouvat.

“Kuninuways kavel alen sip lakatutan, mwantanok gog bilasisul ked bikanig, adok tanuwagan mtowen tamtakavatein bilisawes mansiyas sip sinawanim sinawavas mwananim mwanavas wa̱koy bisesus, binineiv gog mana̱wen nikanig. Igaw biban, mounid bimwa̱saw avakaein silma̱nin; tage inamwa̱saw kakit wasigeis mansiyas sip nisesus bwein wa̱koy. Tanuwagan nag ivag sivinan biyamkwen mwantanok sip.