Versículos más leídos de la Biblia Salmos 90

Compartir

Apuru jumchik musach iwiaaku pujarme tusam nintimtikiartukta. Nu turakmin nekasar paan nintimratnuitji.

Apuru ii Yusri asam, ame pengkeerum sukartusta. Tura ii takatrin takakmakur pujakrincha, nekasam pengker awajkartusta tusan seajme.

Ame anengkratairum kashik ii nintin piaku ati tusam wakeruku ata. Turakmin iisha tuke warasar kantamatatji.

Ameka mash najanchayatmek, tura murasha mash najanchayatmek, Yus asam tuke pujayame, tura tuke pujustinuitme.

Apuru ameka tuke iin ejakratin ayame.

Ame aintsti pachisam chichaakum: Ataksha nungka ati takumningkia, ataksha nungka wajastinuitji. Ameka mil (1,000) musach wainiatum, kinta yaau nangkamarua tumau nintime. Tura mil (1,000) musach wainiatum, jumchik hora tumau wári nangkamartin ainawai, tu nintime.