Versículos más leídos de la Biblia Salmos 27

Compartir

Tura asan mash aints ainautirmin tajarme: Atumsha Apuram nintimtustaram. Tura kakartaram, turasha atsantrataram. Nekasan tajarme: Apuram nintimtustaram.

Wina Apurnaka kichkinak seayajai. Tura wi seayaja nuka nuwaitai: Iwiaaku pujaknaka wikia aints Yuse jeen pujawa nunisnak kintajai metek Yusen maaketai titasan, tura ni pengkerin wainkatasan tuke wakerajai.

Wina Apurka wina paantruitai. Tura wina uwemtikrurtinuitai. Tura asamtai ¿yanak shamkataj? Wina Apurka wina ayamrutkatin asamtai ¿warinak shamkataj?

Antsu wikia iwiaaku pujaknaka, Apuru ami pengkeerumin nekasnapi wainkatnuitja tusan nekajai.

Itiurkachminum pujamtaisha wina Apurka winaka ejarkatnuitai. Tura ni jeen jeamtaisha winaka pengker nintimtursatnuitai. Wina Apurka tuke pujú asa, pampa nunisketai. Tumau asamtai wikia Apurun nintimsan aints pampanam yakí wajawa nunisnak uwemran angkan pujustinuitjai.