Versículos más leídos de la Biblia မတ်ႈ 9

Compartir

မၼ်းၸဝ်ႈ​ၸင်ႇ​လၢတ်ႈ​တီႈ​တပႄးၸဝ်ႈ​တင်းလၢႆ​လႄႈ​ဝႃႈ၊ “ၶဝ်ႈ​ဢၼ်​လီ​ပၢတ်ႇ​မီး​ၼမ်ၼႃႇ​ဢေႃႈ။ ၵူၺ်းၵႃႈ၊ၵေႃႉ​ဢၼ်​ပၢတ်ႇ​မၼ်း​ၼၼ်ႉ​မီး​ၵေႇ​ၼႃႇ​ဢေႃႈ။- ပိူဝ်ႈ​ၼႆ​လႄႈ​လဝ်ႈ​ယွၼ်း​တီႈ​ၸဝ်ႈၼႃး​ႁႂ်ႈ​မၼ်း​ပွႆႇၸႂ်ႉ​ၵူၼ်း​ႁဵတ်းၵၢၼ်​မႃး​ၼမ်​ၼမ်၊ပုၼ်ႈ​ဢၼ်​တၵ်း​ပၢတ်ႇ​ၶဝ်ႈ​ၸိူဝ်း​ၼႆႉ​တႃႉ၊” ဝႃႈ​ၼင်ႇ​ၼႆ​ဢေႃႈ။

ၵႂၢမ်း​ၵျၢမ်းလိၵ်ႈ​ဢၼ်​ဝႃႈ၊ ‘ၵဝ်​ၵျိူၵ်ႈ​တၢင်းႁၵ်ႉ​ၵရုၼႃႇ​လိူဝ်တွၼ်း​ၼႃႇ​သေ​တၢင်းလူႇ​တၢင်းတၢၼ်း​ဢေႃႈ၊’ ဝႃႈ​ၼင်ႇ​ၼႆ​ၼၼ်ႉ​ၶႂ်ႈဝႃႈ​ဢီႈသင်​ၸိုင်၊ၵႂႃႇ​သွၼ်​ဢဝ်​လူးၵွၼ်ႇ​တႃႉ။ ၵွပ်ႈသင်​လႄႈ​ဝႃႈၼႆ​ၸမ်ႉ၊ၵဝ်​မႃး​ႁႂ်ႈလႆႈ​ႁွင်ႉ​ဢဝ်​ၵူၼ်း​သိုဝ်ႈတေႃႇ​တင်းလၢႆ​ဢမ်ႇၸႂ်ႈ။ မႃး​ပုၼ်ႈတႃႇ​ႁႂ်ႈလႆႈ​ႁွင်ႉ​ဢဝ်​ၵူၼ်း​ၸိူဝ်း​ဢၼ်​မီး​ဢပျတ်ႈ​တင်းလၢႆ​ၼၼ်ႉ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

မိူဝ်ႈ​ဢၼ်​မၼ်းၸဝ်ႈ​ႁၼ်​ၵူၼ်း​ၸု​ၵူၼ်း​တုမ်​ၼမ်ၼႃႇ​ၼၼ်ႉ​ၸိုင်၊မၼ်းၸဝ်ႈ​ဢဵတ်းလူ​ၶဝ်​ၵွပ်ႈပိူဝ်ႈ​ၶဝ်​ၸိူဝ်း​ၼၼ်ႉ​ယၢပ်ႇၸႂ်​ၶၢၼ်ၸႂ်​လႄႈ​ၶၢမ်ႇ​တၢင်း​ဢၼ်​ပႅတ်ႈ​ဝႆႉ​မိူၼ်​ၸိူဝ်ႉ​ၼင်ႇ​ၽုင်​သူဝ်း​ဢၼ်​ဢမ်ႇ​မီး​ၵူၼ်း​လဵင်ႉလူ​ၼၼ်ႉ​ဢေႃႈ။

ၸဝ်ႈ​ယေႇသု၊ လႆႈ​ငိၼ်း​လႄႈ​ၶိုၼ်း​လၢတ်ႈ​လႄႈ​ဝႃႈ၊ “ၵူၼ်း​ယူႇ​လီ​ဢမ်ႇ​လူဝ်ႇ​သြႃႇ​မေႃယႃ။ ၵူၼ်းၶႆႈၵူၼ်းပဵၼ်​ၵူၺ်း​လူဝ်ႇ​သြႃႇ​မေႃယႃ​ဢေႃႈ။

ၸဝ်ႈ​ယေႇသု၊ လႄႇ​လဵပ်ႈ​ၵႂႃႇ​ထိုင်​ၵူႈ​ဝၢၼ်ႈ​ၵူႈ​ဝဵင်း၊ ၵႃႈမီး​တင်းသဵင်ႈတင်းလူင်​လႄႈ​သင်ႇ​သွၼ်ပၼ်​ၵႃႈၼႂ်း​ၸရွပ်ႈ​ႁေႃးတြႃး​လႂ်၊ႁေႃး​လွင်ႈ​ၶၢဝ်ႇငၢဝ်း​သတၢင်း​သိူဝ်းပျေႃႇ​လွင်ႈ​ဝၢၼ်ႈမိူင်း​ၸဝ်ႈ​လႂ်၊ဢိၵ်ႇတင်း​ႁဵတ်း​ႁႂ်ႈ​တၢင်းၶႆႈ​တၢင်းပဵၼ်​ၵူႈၸိူဝ်ႉၵူႈပိူင်​ႁၢႆ​ဢေႃႈ။