Versículos más leídos de la Biblia မတ်ႈ 27

Compartir

မိူဝ်ႈ​ၶိင်ႇ​ဝၢႆးဝၼ်း​သၢမ်​မွင်း​ၸမ်​ၸမ်​ၼၼ်ႉ၊ ၸဝ်ႈ​ယေႇသု၊ ပၢဝ်ႇ​သႅၼ်ႇ​တင်း​သဵင်​ဢၼ်​ယႂ်ႇ​ၼႃႇ​လႄႈ​ဝႃႈ၊ “ဢေးလိ၊ဢေးလိ၊လႃးမႃး၊သႃႇပၵ်ႉသၼိ၊” ဢၼ်​ပွင်ႇဝႃႈ၊ၽြႃး​ၵဝ်ၶႃႈ၊ၽြႃး​ၵဝ်ၶႃႈ၊ႁဵတ်းသင်​လႄႈ​ၸုၼ်ႉပႅတ်ႈ​ၵဝ်ၶႃႈ​ၸိူဝ်ႉ​ၼင်ႇ​ႁိုဝ်​တီႈၶႃႈ​ဝႃႈ​ၼင်ႇ​ၼႆ​ဢေႃႈ။

မိူဝ်ႈ​ၶိင်ႇ​ယၢမ်း​ၼၼ်ႉ၊ၽႃႈၵင်ႈ​ၵျွင်း​ပိၵ်ႈမၢၼ်ႇ​ၸဝ်ႈ​သိၵ်ႇ​ၶၢတ်ႇ​ၵႂႃႇ​ၸႃႉၸဵမ်​ႁူဝ်​တေႃႇ​ႁွတ်ႈ​တိၼ်​လႄႈ​ပဵၼ်​သွင်​ၽၢၵ်ႇ​ၵႂႃႇ​ဢေႃႈ။ ဢိင်ႇသၼ်ႇ​ၼႃႇ​လူင်လၢင်​လႄႈ​မၢၵ်ႇႁိၼ်​လူင်​တင်းလၢႆ တႅၵ်ႇ​ဢႃႈ​ငၢၵ်ႈ​ၵႂႃႇ၊- ၶုမ်ပႃႇႁဵဝ်ႈ​တင်းလၢႆ​ၵေႃႈ​ၽုၺ်ႇ​ပိုတ်ႇ​လႄႈ​တူဝ်တၢႆ​ၵူၼ်း​ၽြႃးပဵၼ်ၸဝ်ႈ​ၼမ်ၼႃႇ​လုၵ်ႉ​ၶိုၼ်းလိပ်း​ဢေႃႈ။

ၸဝ်ႈ​ယေႇသု၊ သမ်ႉ​ႁဵတ်း​သဵင်​ဢၼ်​ယႂ်ႇ​ၼႃႇ​ႁွင်ႉသႅၼ်ႇ​သေယဝ်ႉ၊ထွတ်ႇ​ၸႂ်​မၼ်းၸဝ်ႈ​ၵႂႃႇ​သေ​ဢေႃႈ။

မိူဝ်ႈ​ဢၼ်​ၶုၼ်သိုၵ်းလူင်​ဢိၵ်ႇတင်း​ၵူၼ်းသိုၵ်း​ၸိူဝ်း​ဢၼ်​ပႂ်ႉ​တူၺ်း​ ၸဝ်ႈ​ယေႇသု၊ ၼၼ်ႉ၊လႆႈ​ႁၼ်​ဢိင်ႇသၼ်ႇ​ဢိၵ်ႇတင်း​လွင်ႈတၢင်း​ဢၼ်​ပဵၼ်​မႃး​ၵူႈၸိူဝ်ႉၵူႈပိူင်​ၸိူဝ်း​ၼၼ်ႉ​ၸိုင်၊တူၵ်းၸႂ်​ၼႃႇ​လူင်လၢင်​လႄႈ​လၢတ်ႈ​ဝႃႈ၊ “ၸႂ်ႈ​တႄႉ​ယဝ်ႉ။ ၵေႃႉ​ၼႆႉ​ပဵၼ်​လုၵ်ႈၽြႃးပဵၼ်ၸဝ်ႈ​တႄႉ​ယဝ်ႉ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၸႃႉၸဵမ်​ၶိင်ႇ​ၵၢင်ဝၼ်းတဵင်ႈ​တေႃႇထိုင်ႁွတ်ႈ​ဝၢႆးဝၼ်း​သၢမ်​မွင်း​ၸိုင်၊လပ်းသိင်ႇ​ႁူမ်ႇ​သုမ်ႇ​လိၼ်မိူင်း​ၵႂႃႇ​ဢေႃႈ။

ၶုၼ်​သမ်ႉ​ထၢမ်​ထႅင်ႈ​လႄႈ​ဝႃႈ၊ “ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊တီႈ​ ယေႇသု၊ ဢၼ်​လႆႈ​ႁွင်ႉ​ႁဵၵ်ႈ​ၸိုဝ်ႈ​ ၶရိၸ်ႈ၊ ၼၼ်ႉ​ၵဝ်​တၵ်း​လႆႈ​ႁဵတ်း​ၸိူဝ်ႉ​ၼင်ႇ​ႁိုဝ်၊” မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ၶဝ်​ၽွမ်ႉၵၼ်​လၢတ်ႈ​သဵင်​လဵဝ်​လႄႈ​ဝႃႈ၊ “ဢဝ်​မၼ်း​တွၵ်ႇၸပ်း​ၵႃႈၼိူဝ်​သဝ်မႆႉဝႃးမိုဝ်း​သေၵမ်း​ၶႃႈ၊” ဝႃႈ​ၼင်ႇ​ၼႆ​ဢေႃႈ။ ၶုၼ်​ၶိုၼ်း​ထၢမ်​လႄႈ​ဝႃႈ၊ “ၵွပ်ႈသင်၊မၼ်း​လႆႈ​ႁဵတ်း​ဢပျတ်ႈ​သင်​ယဝ်ႉ၊” ဝႃႈ​ၼင်ႇ​ၼႆ​သေၵေႃႈ​ၶဝ်​ယဵင်ႈၶႅၼ်း​ၵိဝ်သဵင်​ႁွင်ႉသႅၼ်ႇ​လႄႈ​ဝႃႈ၊ “ဢဝ်​မၼ်း​တွၵ်ႇၸပ်း​ၵႃႈၼိူဝ်​သဝ်မႆႉဝႃးမိုဝ်း​သေၵမ်း​ၶႃႈ၊” ဝႃႈ​ၼင်ႇ​ၼႆ​ဢေႃႈ။