Versículos más leídos de la Biblia မတ်ႈ 25

Compartir

မိူဝ်ႈ​ၼၼ်ႉ၊ၶုၼ်ႁေႃၶမ်း​ၵေႃႈ​တၵ်း​ၶိုၼ်း​လၢတ်ႈ​လႄႈ​ဝႃႈ၊ ‘ၵဝ်​ဝႃႈ​တီႈ​ၸိုဝ်ႈၸႂ်ႈ​မၼ်း​တီႈ​သူ​ၸမ်ႉ၊မိူဝ်ႈလႂ်​သေဢမ်ႇဝႃႈ၊ တၢင်း​ဢၼ်​သူ​ႁဵတ်း​ၵႃႈတီႈ​သေၵေႃႉသေၵူၼ်း​ဢၼ်​လဵၵ်ႉ​သေပိူၼ်ႈ၊ၵႃႈၼႂ်း​ပီႈၼွင်ႉ​ၵဝ်​တင်းလၢႆ​ၼၼ်ႉ၊ပဵၼ်​ဢၼ်​သူ​လႆႈ​ႁဵတ်း​ပၼ်​ၵႃႈတီႈ​ၵဝ်​ယဝ်ႉ၊’ ဝႃႈ​ၼင်ႇ​ၼႆ​ဢေႃႈ။

ၸဝ်ႈ​မၼ်း​ၶိုၼ်း​လၢတ်ႈ​လႄႈ​ဝႃႈ၊ ‘လီ​ယဝ်ႉ။ ၶႃႈ​ဢၼ်​လီ​လႄႈ​မီး​သဵတ်ႈၸႃႇ​ၼႆႉ႟။ မႂ်း​ႁဵတ်း​သဵတ်ႈၸႃႇ​ၵႃႈၼိူဝ်​တၢင်း​ဢၼ်​လဵၵ်ႉ​ဢၼ်​ၼွႆႉ​ၼႆႉ​ယဝ်ႉ။ ၵဝ်​တၵ်း​ယုၵ်ႉ​တၢင်ႇ​ႁႂ်ႈ​မႂ်း​လႆႈ​ဢုပ်ႉ​ထိင်း​ၵႃႈၼိူဝ်​ဢၼ်​ယႂ်ႇ​ဢၼ်​လူင်​ဢေႃႈ။ မႃး​တႃႉ၊ၶဝ်ႈ​လႄႈ​ၸွၼ်ၸူမ်း​ၸွၼ်သိူဝ်း​လူၺ်ႈ​ၵၼ်​တင်း​ၵဝ်​တႃႉ၊’ ဝႃႈ​ၼင်ႇ​ၼႆ​ဢေႃႈ။

ၵွပ်ႈ​လွင်ႈတၢင်း​ၼႆႉ​လႄႈ​တီႈ​ၵူႈ​ၵေႃႉ​ဢၼ်​ၸၢင်ႈ​မီး​ၼၼ်ႉ​တၵ်း​ပၼ် ထႅင်ႈ​လႄႈ​မၼ်း​တၵ်း​မီး​ပေႃး​လူၼ်ႉ​ပေႃး​လိူဝ်​ဢေႃႈ။ ၵူၺ်းၵႃႈ၊ တီႈ​ၵေႃႉ​ဢၼ်​ဢမ်ႇ​ၸၢင်ႈ​မီး​ၵႃႈသင်​ၼၼ်ႉ​ၸမ်ႉ၊ပိၵ်ႉသမ်ႉ​မၼ်း​မီး​ဢိတ်းဢွၼ်ႇ​ၼိုင်ႈ​သေၵေႃႈ၊ယင်း​တေ​ၼုၵ်ႈ​ဢဝ်​တင်းသဵင်ႈတင်းမူတ်း​လူးၵွၼ်ႇ​ဢေႃႈ။

ၸဝ်ႈ​ယေႇသု၊ သိုပ်ႇ​လၢတ်ႈ​လႄႈ​ဝႃႈ၊ “ၵွပ်ႈၼႆ​လႄႈ​ပိူဝ်ႈ​ဢၼ်​သူ​ဢမ်ႇ​ႁု​ၶိင်ႇ​ၼႃႇရီႇ​ဝၼ်း​မၼ်း​လႄႈ​ပႃး​တင်း​သတိ​လႄႈ​ပႂ်ႉထႃႈ​ယူႇ​တႃႉ။”

မိူဝ်ႈ​ဢၼ်​ၵဝ်​တွင်ႉမႆႈ​ၼၼ်ႉ​သူ​လဵင်ႉလူ​ၵဝ်​ဢေႃႈ။ ၵဝ်​ယၢၵ်ႇၼမ်ႉ​ၵေႃႈ၊သူ​ပၼ်​ၼမ်ႉၵိၼ်​တီႈ​ၵဝ်​ဢေႃႈ။ မိူဝ်ႈ​ဢၼ်​ၵဝ်​ပဵၼ်​ၶႅၵ်ႇ​ၼၼ်ႉ၊ သူ​တွၼ်ႈႁပ်ႉ​ဢဝ်​ၵဝ်​ၵႃႈၼႂ်း​ႁိူၼ်း​သူ​ဢေႃႈ။

ၸဝ်ႈ​မၼ်း​ၵေႃႈ​လၢတ်ႈ​လႄႈ​ဝႃႈ၊ ‘လီ​ယဝ်ႉ။ ၶႃႈ​ဢၼ်​လီ​လႄႈ​မီး​သဵတ်ႈၸႃႇ​ၼႆႉ႟။ မႂ်း​ႁဵတ်း​သဵတ်ႈၸႃႇ​ၵႃႈၼိူဝ်​တၢင်း​ဢၼ်​လဵၵ်ႉ​ဢၼ်​ၼွႆႉ​ၼႆႉ​ယဝ်ႉ။ ၵဝ်​တၵ်း​ယုၵ်ႉ​တၢင်ႇ​ႁႂ်ႈ​မႂ်း​ဢုပ်ႉ​ထိင်း​ၵႃႈၼိူဝ်​ဢၼ်​ယႂ်ႇ​ဢၼ်​လူင်​ဢေႃႈ။ မႃး​တႃႉ၊ၶဝ်ႈ​လႄႈ​ၸွၼ်ၸူမ်း​ၸွၼ်သိူဝ်း​လူၺ်ႈ​ၵၼ်​တင်း​ၵဝ်​တႃႉ၊’ ဝႃႈ​ၼင်ႇ​ၼႆ​ဢေႃႈ။

မိူဝ်ႈ​ဢၼ်​ၵဝ်​ယူႇ​တူဝ်ပူၺ်​ၼၼ်ႉ​သူ​ၼုင်ႈ​မႆ​ပၼ်​ဢေႃႈ။ ၵဝ်​ပဵၼ်​ၶႆႈ​ဢမ်ႇ​ယူႇ​လီ​ၵေႃႈ​သူ​လုမ်းလႃး​လူတူၺ်း​ၵဝ်​လႄႈ​မိူဝ်ႈ​ဢၼ်​ၵဝ်​တူၵ်းထွင်ႇ​ၼၼ်ႉ​သူ​မႃး​သူႇ​မႃး​ၸႂ်း​ၵဝ်​ဢေႃႈ၊-’