Versículos más leídos de la Biblia မတ်ႈ 20

Compartir

ၵူၺ်းၵႃႈ၊ၵႃႈၼႂ်း​သူ​ၼႆႉ​ၸမ်ႉ၊ဢမ်ႇ​လႆႈ​ပဵၼ်​ၸိူဝ်ႉ​ၼင်ႇ​ၼၼ်။ ၼႂ်း​သူ​ၼႆႉ​ၵေႃႉ​ဢၼ်​ၶႂ်ႈ​ပဵၼ်​ၵူၼ်းလူင်​ၼၼ်ႉ​ႁႂ်ႈ​မၼ်း​ၶၢမ်ႇ​ပဵၼ်​ၵူၼ်းၸႂ်ႉ​သူ​တႃႉ။- ၼႂ်း​သူ​ၼႆႉ​ၵေႃႉ​ဢၼ်​ၶႂ်ႈ​ပဵၼ်​ႁူဝ်​ပဵၼ်​ၵၼ်း​ၼၼ်ႉ​ၵေႃႈ၊ႁႂ်ႈ​မၼ်း​ၶၢမ်ႇ​ပဵၼ်​ၶႃႈ​သူ​တႃႉ။- ပိူင်လဵဝ်​ၵၼ်​ ၸဝ်ႈ​လုၵ်ႈၵူၼ်း၊ မႃး​ႁႂ်ႈလႆႈ​ၸႂ်ႉၵိၼ်​ပိူၼ်ႈ​ဢမ်ႇၸႂ်ႈ။ မႃး​ႁႂ်ႈလႆႈ​ၶၢမ်ႇ​တၢင်း​ဢၼ်​ပိူၼ်ႈ​ၸႂ်ႉသွႆ​ဢိၵ်ႇတင်း​ႁႂ်ႈလႆႈ​ၸုၼ်ႉ​ဢသၢၵ်ႈ​တူဝ်ၸဝ်ႈၵဝ်ႇ၊ပုၼ်ႈ​လွင်ႈ​ၼင်ႇ​ႁိုဝ်​တၵ်း​လႆႈ​ထုတ်ႇၼုၵ်ႈ​ဢဝ်​ၵူၼ်း​ၼမ်ၼႃႇ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၸဝ်ႈ​ယေႇသု၊ သိုပ်ႇ​လၢတ်ႈ​လႄႈ​ဝႃႈ၊ “မိူၼ်ၼင်ႇ​ၼၼ်​ၶဝ်​ၸိူဝ်း​ဢၼ်​တူၵ်းလိုၼ်း​ၼၼ်ႉ​တၵ်း​တူၵ်းဢွၼ်တၢင်း​လႄႈ​ၶဝ်​ၸိူဝ်း​ဢၼ်​တူၵ်းဢွၼ်တၢင်း​ၼၼ်ႉ​တၵ်း​တူၵ်းလိုၼ်း​ဢေႃႈ။ [ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ႁွင်ႉ​ဢဝ်​ၼၼ်ႉ​ၼမ်ၼႃႇ​သေၵေႃႈ၊ ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​လိူၵ်ႈၵဵပ်း​ဢဝ်​ၼၼ်ႉ​ၵေႇ​ၼႃႇ​ဢေႃႈ၊]” ဝႃႈ​ၼင်ႇ​ၼႆ​ဢေႃႈ။

မၼ်းၸဝ်ႈ​မီး​ၸႂ်​ဢဵတ်းလူ​ၼႃႇ​သေယဝ်ႉ​ၸင်ႇ၊ဢဝ်​မိုဝ်း​လုပ်ႈ​ၵမ်​မၢၵ်ႇတႃ​ၶဝ်​ၼၼ်ႉ​ဢေႃႈ။ ၶဝ်​ၼၼ်ႉ​ၵေႃႈ၊မၢၵ်ႇတႃ​ၶဝ်​ႁၼ်​လႆႈ​မႃး​ၵမ်းလဵဝ်​လႄႈ​ၵႂႃႇ​ၸွမ်း​မၼ်းၸဝ်ႈ​သေ​ဢေႃႈ။