Versículos más leídos de la Biblia မတ်ႈ 18

Compartir

ၵွပ်ႈ​လွင်ႈ​ၼင်ႇ​ႁိုဝ်​လႄႈ​ဝႃႈ​ၸမ်ႉ၊တီႈ​လႂ်​တၼ်း​လႂ်​သေဢမ်ႇဝႃႈ၊ ပေႃး​ၵူၼ်း​သွင်​သၢမ်​ၵေႃႉ​ၸုတုမ်​ၵၼ်​ၼႂ်း​ၼႃႇမႃႉ​ၸိုဝ်ႈသဵင်​ၵဝ်​ၸိုင်၊ၵဝ်​တၵ်း​မီး​ယူႇ​ၵႃႈၼႂ်း​ဝူင်ႈၵၢင်​ၶဝ်​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

“ၵဝ်​သမ်ႉ​ဝႃႈ​ထႅင်ႈ​ၸမ်ႉ၊ပေႃး​သူ​သွင်​ၵေႃႉ​ယူႇ​ၵႃႈၼိူဝ်​လိၼ်မိူင်း​ၼႆႉ​ၽွမ်ႉၸႂ်​ၵၼ်​သူးတွင်း​လဝ်ႈ​ယွၼ်း​သေ​ၸိူဝ်ႉ​သေ​ပိူင်​ၸိုင်၊ပေႃႈၸဝ်ႈ​ၵဝ်​ဢၼ်​မီး​ယူႇ​ၵႃႈၼိူဝ်​မိူင်းၵၢင်ႁၢဝ်​ၸဝ်ႈ​ပုၼ်ႉ​ၼၼ်ႉ​တၵ်း​ပၼ်​တီႈ​သူ​ဢေႃႈ။

ၵမ်း​ၼၼ်ႉ၊မၼ်းၸဝ်ႈ​ႁွင်ႉ​ဢဝ်​လုၵ်ႈ​ဢွၼ်ႇ​ၵေႃႉ​ၼိုင်ႈ​မႃး​ၸုၵ်း​ၵႃႈၼႂ်း​ဝူင်ႈၵၢင်​ၶဝ်​ယဝ်ႉ​ၸင်ႇ၊- လၢတ်ႈ​လႄႈ​ဝႃႈ၊ “ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​မၼ်း​ၸမ်ႉ၊ပေႃး​သူ​ယင်း​ဢမ်ႇ​ပိၼ်ႇၸႂ်​သူ​မႃး​ပဵၼ်​ၸိူဝ်ႉ​ၼင်ႇ​လုၵ်ႈ​ဢွၼ်ႇ​ၸိုင်၊သူ​ဢမ်ႇ​လႆႈ​ၶဝ်ႈ​ၵႃႈၼႂ်း​မိူင်းၵၢင်ႁၢဝ်​ၸဝ်ႈ​ၼၼ်ႉ​ဢေႃႈ။

ၽူႈလႂ်​သေဢမ်ႇဝႃႈ၊ၵေႃႉ​ဢၼ်​ၶျႃးတႅမ်ႇ​ႁူဝ်​ၸႂ်​တူဝ်ၸဝ်ႈၵဝ်ႇ​မိူၼ်​ၸိူဝ်ႉ​ၼင်ႇ​လုၵ်ႈ​ဢွၼ်ႇ​ၼႆႉ​ၼၼ်ႉ၊ၵေႃႉ​ၼၼ်ႉ​ပဵၼ်​ၵေႃႉ​ဢၼ်​ယႂ်ႇ​မျၢတ်ႈ​သေပိူၼ်ႈ​ၵႃႈၼႂ်း​မိူင်းၵၢင်ႁၢဝ်​ၸဝ်ႈ​ပုၼ်ႉ​ဢေႃႈ။

ပိူင်လဵဝ်​ၵၼ်၊ၽူႈလႂ်​သေဢမ်ႇဝႃႈ၊ၵေႃႉ​ဢၼ်​ႁပ်ႉ​တုင်း​ဢဝ်​လုၵ်ႈ​ဢွၼ်ႇ​ၸိူဝ်ႉ​ၼင်ႇ​ၼႆ​ၵႃႈၼႂ်း​ၼႃႇမႃႉ​ၸိုဝ်ႈသဵင်​ၵဝ်​ၼၼ်ႉ၊ ၵေႃႉ​ၼၼ်ႉ​ႁပ်ႉ​တုင်း​ဢဝ်​ၵဝ်​ဢေႃႈ။

“ၵဝ်​ဝႃႈ​တီႈ​ၸိုဝ်ႈၸႂ်ႈ​မၼ်း​ၸမ်ႉ၊ၵႃႈ​ဢၼ်​သူ​မတ်ႉၽုၵ်ႇ​ဝႆႉ​ၵႃႈၼိူဝ်​လိၼ်မိူင်း​ၼႆႉ​ၼၼ်ႉ၊ၵႃႈၼိူဝ်​မိူင်းၵၢင်ႁၢဝ်​ၸဝ်ႈ​ပုၼ်ႉ​ၵေႃႈ၊ တၵ်း​မတ်ႉၽုၵ်ႇ​ဝႆႉ​ဢေႃႈ။ ၵႃႈ​ဢၼ်​သူ​ပွႆႇ​ပၼ်​ၵႃႈၼိူဝ်​လိၼ်မိူင်း​ၼႆႉ​ၼၼ်ႉ၊ၵႃႈၼိူဝ်​မိူင်းၵၢင်ႁၢဝ်​ၸဝ်ႈ​ပုၼ်ႉ​ၵေႃႈ​တၵ်း​ပွႆႇ​ပၼ်​ဢေႃႈ။

ၸဝ်ႈ​ယေႇသု၊ သိုပ်ႇ​လၢတ်ႈ​လႄႈ​ဝႃႈ၊ “မိူၼ်ၼင်ႇ​ၼၼ်၊ပေႃး​သူ​ပီႈၼွင်ႉ​ၼင်ႇ​ၵၼ်​ၵၼ်​ယင်း​ဢမ်ႇ​မီး​တင်း​ၸႂ်ၵႂၢင်ႈ​လႄႈ​ပွႆႇလွတ်ႈ​ဢပျတ်ႈ​တီႈ​ၵၼ်​ၸိုင်၊ပေႃႈၸဝ်ႈ​ၵဝ်​ဢၼ်​ယူႇ​ၵႃႈၼိူဝ်​ၽုင်ႇၵၢင်ႁၢဝ်​ပုၼ်ႉ​ၼၼ်ႉ၊တၵ်း​ၸီႇယၢင်ႇ​သူ​ၸိူဝ်ႉ​ၼင်ႇ​ၼၼ်ႉ​ဢေႃႈ။”

“ၽူႈလႂ်​သေဢမ်ႇဝႃႈ၊ၵေႃႉ​ဢၼ်​ႁဵတ်း​ႁႂ်ႈ​လုၵ်းဢွၼ်ႇ​ဢၼ်​ယုမ်ႇမၢတ်ႈ​ၵဝ်​ၸိူဝ်း​ၼၼ်ႉ​လႆႈ​ၽိတ်းပိူင်ႈ​တြႃး​လႄႈ​ပဵၼ်​ဢပျတ်ႈ​ၸိုင်၊တီႈ​ၵေႃႉ​ၼၼ်ႉ​ထုၵ်ႇလီ​ဢဝ်​မၢၵ်ႇႁိၼ်​လူၺ်​ႁွႆႈ​ၶေႃး​မၼ်း​သေလႄႈ​ပွႆႇ​ၸူမ်​လူင်း​ၼႂ်း​ၼမ်ႉ​ပၢင်ႇလၢႆႇ​ဢၼ်​လိုၵ်ႉ​ၼၼ်ႉ​ယဵင်ႈၶႅၼ်း​တေ​လီ​ဢေႃႈ။

“တီႈ​ၵူၼ်း​ၵေႃႉ​ၼိုင်ႈ​မီး​သူဝ်း​ပၢၵ်ႇ​တူဝ်​လႄႈ​ပေႃး​သူဝ်း​တူဝ်​ၼိုင်ႈ​ႁၢႆ​ၵႂႃႇ​ၸိုင်၊သူ​ထၢင်ႇ​မၼ်း​တေ​ႁဵတ်း​ၸိူဝ်ႉ​ၼင်ႇ​ႁိုဝ်။ မၼ်း​ၸၢင်ႈ​ပွႆႇ​သူဝ်း​ၵဝ်ႈ​သိပ်း​ပၢႆ​ၵဝ်ႈ​တူဝ်​ဝႆႉ​ၵႃႈတီႈ​တၢပ်ႈ​လွႆ​သေယဝ်ႉ၊ၵႂႃႇ​သွၵ်ႈႁႃ​သူဝ်း​တူဝ်​ဢၼ်​ႁၢႆ​ၵႂႃႇ​ၼၼ်ႉ​ဢေႃႈ။