Versículos más leídos de la Biblia မတ်ႈ 12

Compartir

“ၵဝ်​ဝႃႈ​တီႈ​သူ​ၸမ်ႉ၊ၵႂၢမ်း​မဝ်မၢင်​ဢၼ်​ဢမ်ႇ​ပွင်​လွင်ႈ​ၵႃႈသင်၊ဢၼ်​ၵူၼ်း​တင်းလၢႆ​လၢတ်ႈ​ၵူႈၶေႃႈၵူႈၵမ်း​ၼၼ်ႉ၊ၵူၼ်း​တင်းလၢႆ​တၵ်း​လႆႈ​ၶၢမ်ႇ​ဢဝ်​ဢၵျူဝ်း​ဢပျတ်ႈ​ၼႂ်း​ဝၼ်း​ဢၼ်​ၸီႇယၢင်ႇ​တြႃး​ၼၼ်ႉ​ဢေႃႈ။- လွင်ႈ​မၼ်း​ၸမ်ႉ၊တၵ်း​လႆႈ​ၶၢမ်ႇ​တၢင်း​ဢၼ်​ၸီႇယၢင်ႇ​ဢပျတ်ႈ​ႁိုဝ်း၊တၵ်း​လႆႈ​ၶၢမ်ႇ​တၢင်း​ဢၼ်​ပွႆႇလွတ်ႈ​ဢပျတ်ႈ​ႁိုဝ်း၊မၼ်း​ယူႇ​တီႈ​ၶေႃႈၵႂၢမ်း​မႂ်း​ၼၼ်ႉ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၵူၼ်းမိူၵ်ႈ​ဢၼ်​မိူၼ်​ငူးႁၢႆႉ​ၼႆႉ႟။ သူ​ႁၢႆႉမိူၵ်ႈ​ထၢၼ်ႇ​ၼႆႉ​လႄႈ​ၵႂၢမ်း​ဢၼ်​လီ​ဢွၵ်ႇ​သူပ်း​သူ​လႆႈ​ႁိုဝ်း။ သူပ်း​ၸၢင်ႈ​လၢတ်ႈ​ၸွမ်း​ၵႃႈ​ၼင်ႇ​ဢၼ်​မီး​တဵမ်​ဝႆႉ​ၵႃႈၼႂ်း​ႁူဝ်ၸႂ်​ၼၼ်ႉ​ဢေႃႈ။

ၵူၼ်းလီ​ၸိုင်၊ၸၢင်ႈ​ဢဝ်​လွင်ႈ​ဢၼ်​လီ​ၵႃႈၼႂ်း​ၽၼ်ႇတႃႇ​ႁူဝ်ၸႂ်​ဢၼ်​လီ​မၼ်း​ၼၼ်ႉ​ဢွၵ်ႇ​လႄႈ​ၼႄပျႃး​ဢေႃႈ။ ၵူၼ်းမိူၵ်ႈ​ၸမ်ႉ၊ၸၢင်ႈ​ဢဝ်​လွင်ႈ​မိူၵ်ႈ​ၵႃႈၼႂ်း​ၽၼ်ႇတႃႇ​ႁူဝ်ၸႂ်​ဢၼ်​မိူၵ်ႈ​မၼ်း​ၼၼ်ႉ၊ဢွၵ်ႇ​လႄႈ​ၼႄပျႃး​ဢေႃႈ။

ၵဝ်​လၢတ်ႈ​တီႈ​သူ​ၸမ်ႉ၊ၵူၼ်း​ၸိုင်၊ႁွတ်ႈထိုင်​တၢင်း​ဢၼ်​ပွႆႇလွတ်ႈ​ဢပျတ်ႈ​ဢၼ်​သႄႉသွမ်း​ၽြႃးပဵၼ်ၸဝ်ႈ​ၵူႈၸိူဝ်ႉၵူႈပိူင်​ၼၼ်ႉ​လႆႈ​ယူႇ​ဢေႃႈ။ ၵေႃႉ​ဢၼ်​သႄႉသွမ်း​ဝိၺိၺ်ႇ​ၸဝ်ႈ​ၸမ်ႉ၊ တၵ်း​ဢမ်ႇ​ႁွတ်ႈထိုင်​တၢင်း​ဢၼ်​ပွႆႇလွတ်ႈ​ဢပျတ်ႈ​လႆႈ။

“ၼင်ႇ​ႁိုဝ်​တၵ်း​လႆႈ​မၢၵ်ႇ​ဢၼ်​လီ​ၸိုင်၊ႁႂ်ႈ​တူၼ်ႈ​မၼ်း​မီး​ႁႅင်း​တႃႉ။ ပေႃး​တူၼ်ႈ​ဢမ်ႇလီ​ၸိုင်၊ဢမ်ႇ​ၸၢင်ႈ​လႆႈ​မၢၵ်ႇ​ဢၼ်​လီ။ လွင်ႈ​မၼ်း​ၸမ်ႉ၊တူၺ်း​မၢၵ်ႇ​မၼ်း​လႄႈ​ႁု​လွင်ႈ​တူၼ်ႈ​မၼ်း​ဢေႃႈ။