Versículos más leídos de la Biblia မႃႇလၶိ 3

Compartir

ဢွၼ်ၵၼ်​ဢဝ်​သိပ်း​ပုၼ်ႈ​ပုၼ်ႈ​ၼိုင်ႈ​ၵႃႈမီး​ၼၼ်ႉ​သႂၢင်း​ၶဝ်ႈ​ၵႃႈၼႂ်း​တိူၵ်ႈ​ၽၢၼ်ႇတႃႇ ႁႂ်ႈ​တၢင်းၵိၼ်တၢင်းၶူပ်း​လႆႈ​မီး​ၵႃႈၼႂ်း​ႁိူၼ်း​ၵဝ်​တႃႉ။ ဢွၼ်ၵၼ်​ၸၢမ်းတူၺ်း​ၸိူဝ်ႉ​ၼင်ႇ​ၼၼ်​ႁႂ်ႈလႆႈ​ႁု​လွင်ႈ​ဢၼ်​ၵဝ်​တၵ်း​ၽုၺ်ႇ​ႁူးလၢင်းတဵၼ်​ၽႃႉၵၢင်ႁၢဝ်​တင်းလၢႆ​သေလႄႈ​ဢဝ်​တၢင်းလီ​မၢင်ႇၵလႃႇ​သွၼ်းလေႃႇ​ထၢၼ်ႈပေႃး​လူၼ်ႉ​ပေႃး​လိူဝ်​ႁိုဝ်း၊တၵ်း​ဢမ်ႇ​ၽုၺ်ႇ​ႁိုဝ်း​ၼၼ်ႉ​တႃႉ၊ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး၊ၸဝ်ႈ​ဢၼၼ်ႇတႃႉ​တၼ်းၶူဝ်း၊ မီး​ဢမိင်ႉ​ဢေႃႈ။

ၵဝ်​တၵ်း​သင်ႇ​သွၼ်​သုင်းမႃႉ​တီႈ​တူဝ်​ဢၼ်​ၸၢင်ႈ​ၶူပ်း​ၵိၼ်​ၼၼ်ႉ​ပုၼ်ႈ​သူ​လႄႈ​မၼ်း​ၼၼ်ႉ​ဢမ်ႇ​လႆႈ​ယႃႉ​မၢၵ်ႇ​လိၼ်​ႁူင်း​လိၼ်​သူ​ပႅတ်ႈ။ တိၼ်ႇမၢၵ်ႇ​တူၼ်ႈ​ၶိူဝ်း​မၢၵ်ႇၸပိတ်ႉ​သူ​ၵေႃႈ​ၸူဝ်ႈ​ဢၼ်​ယင်း​ဢမ်ႇ​ပႆႇ​ၵႄႇ​ပႆႇ​သုၵ်း​ၼၼ်ႉ​တၵ်း​ဢမ်ႇ​လူၼ်ႇ​တူၵ်း​ႁူင်ႈ​တူၵ်း​ၵႃႈၼႂ်း​သူၼ်​မၢၵ်ႇၸပိတ်ႉ​သူ၊ဝႃႈ​ၼင်ႇ​ၼႆ​လႄႈ ၸဝ်ႈ​ထႃႇဝရႃႉ​ၽြႃး၊ၸဝ်ႈ​ဢၼၼ်ႇတႃႉ​တၼ်းၶူဝ်း၊ မီး​ဢမိင်ႉ​ဢေႃႈ။- ၵူၼ်း​ၵူႈၸိူဝ်ႉၵူႈမဵဝ်း​တၵ်း​ဢွၼ်ၵၼ်​ႁွင်ႉ​ႁဵၵ်ႈ​သူ​ဝႃႈ၊ၵေႃႉ​ဢၼ်​မီး​မၢင်ႇၵလႃႇ၊မိူင်း​သူ​ၵေႃႈ​တၵ်း​ပဵၼ်​မိူင်း​ဢၼ်​လီ​ငၢမ်း​လႄႈ​ထုၵ်ႇၸႂ်​ၵျိူၵ်ႈၸႂ်​ဢေႃႈ၊” ဝႃႈ​ၼင်ႇ​ၼႆ​လႄႈ​ ထႃႇဝရႃႉ​ၽြႃး၊ၸဝ်ႈ​ဢၼၼ်ႇတႃႉ​တၼ်းၶူဝ်း၊ မီး​ဢမိင်ႉ​ဢေႃႈ။

“ၶဝ်​ၼၼ်ႉ​တၵ်း​ပဵၼ်​ၵူၼ်း​ၵဝ်​လႄႈ​ပဵၼ်​ဢုၵ်ႉၸႃႇ​ၽၼ်ႇတႃႇ​ဢၼ်​ၵဝ်​ထိူၵ်ႈ​ပိူင်ႇ​ၼႂ်း​ဝၼ်း​ဢၼ်​ၵဝ်​ၸီႇယၢင်ႇ​ၼၼ်ႉ​ဢေႃႈ၊ၵဝ်​တၵ်း​ႁၵ်ႉ​ဢဵတ်းလူ​ၶဝ်​ၼၼ်ႉ​မိူၼ်​ၸိူဝ်ႉ​ၼင်ႇ​ဢၼ်​ပေႃႈ​ႁၵ်ႉ​ဢဵတ်းလူ​လုၵ်ႈၸၢႆး​ဢၼ်​ႁဵတ်းဝၢတ်ႈ​တီႈ​ပေႃႈ​ယူႇ​ၼၼ်ႉ​ဢေႃႈ၊” ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး၊ၸဝ်ႈ​ဢၼၼ်ႇတႃႉ​တၼ်းၶူဝ်း၊ မီး​ဢမိင်ႉ​ဢေႃႈ။- မိူဝ်ႈ​ၼၼ်ႉ​သူ​တၵ်း​သမ်ႉ​ဢွၼ်ၵၼ်​ၸၵ်ႉ​ၽႄ​လႄႈ​ႁု​ၵေႃႉ​ဢၼ်​သိုဝ်ႈ​တေႃႇ၊ၵေႃႉ​ဢၼ်​ဢမ်ႇ​သိုဝ်ႈ​တေႃႇ၊ၵေႃႉ​ဢၼ်​ႁဵတ်းဝၢတ်ႈ​တီႈ​ၽြႃးပဵၼ်ၸဝ်ႈ၊ၵေႃႉ​ဢၼ်​ဢမ်ႇ​ႁဵတ်းဝၢတ်ႈ​တီႈ​ၽြႃးပဵၼ်ၸဝ်ႈ​ၼၼ်ႉ​ဢေႃႈ။

“တူၺ်း​လူး။ ၵဝ်​တၵ်း​ပွႆႇၸႂ်ႉ​တမၢၼ်ႇ​ၵဝ်​ဢၼ်​တၵ်း​မႄး​သဵၼ်ႈတၢင်း​ဢၼ်​ၵဝ်​ၵႂႃႇ​ၼၼ်ႉ​ၵႃႈတီႈ​ၽၢႆႇၼႃႈ​ၵဝ်​ဢေႃႈ။ ၸဝ်ႈ​ဢၼ်​သူ​ႁႃ​ၼၼ်ႉ​တၵ်း​ၵိုင်ႉၵၢင်ႉ​ၽုတ်းပေႃႇ​မႃး​ၵႃႈတီႈ​ပိၵ်ႈမၢၼ်ႇ​ၸဝ်ႈ​ၵမ်းလဵဝ်​ဢေႃႈ။ တူၺ်း​လူး။ တမၢၼ်ႇ​ဢၼ်​ပႃး​ပတိၺိၺ်ႇ​ၸဝ်ႈ​ဢၼ်​သူ​ထုၵ်ႇၸႂ်​ၵျိူၵ်ႈၸႂ်​ၼၼ်ႉ​တိုၵ်ႉ​မႃး​ယူႇ​ဢေႃႈ၊” ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး၊ၸဝ်ႈ​ဢၼၼ်ႇတႃႉ​တၼ်းၶူဝ်း၊ မီး​ဢမိင်ႉ​ဢေႃႈ။