Versículos más leídos de la Biblia ၵူၼ်းလူင် 7

Compartir

ထႃႇဝရႃႉ​ၽြႃး၊ မီး​ဢမိင်ႉ​တီႈ​ ၵိတိဢုၼ်ႇ၊ လႄႈ​ဝႃႈ၊ “ၵူၼ်း​တင်းလၢႆ​ဢၼ်​မီး​တီႈ​မႂ်း​ၼႆႉ​ၼမ်ၼႃႇ​ပုၼ်ႈတႃႇ​ၵဝ်​တၵ်း​ႁႂ်ႈ​ၶဝ်​တိုၵ်း​ပႄႉ​ၵူၼ်း​မဵဝ်း​ မိတျၼ်ႇ၊ ၸိူဝ်း​ၼၼ်ႉ​ဢေႃႈ။ မဵဝ်း​ ဢိသရေး၊ တင်းလၢႆ​တၵ်း​ၸၢင်ႈ​ယုၵ်ႉယွင်ႈ​ၵုင်ႇသရေႇ​တူဝ်ၸဝ်ႈၵဝ်ႇ​လႄႈ​ၵူဝ်​ၶဝ်​ထၢင်ႇ​ဝႃႈ၊ၶဝ်​တိုၵ်း​ပႄႉ​ၵႂႃႇ​ၵွပ်ႈပိူဝ်ႈ​ႁႅင်း​တၼ်းၶူဝ်း​တူဝ်ၸဝ်ႈၵဝ်ႇ​ဢေႃႈ။

ထႃႇဝရႃႉ​ၽြႃး၊ မီး​ဢမိင်ႉ​တီႈ​ ၵိတိဢုၼ်ႇ၊ လႄႈ​ဝႃႈ၊ “ၵဝ်​တၵ်း​ဢဝ်​ၵူၼ်း​သၢမ်​ပၢၵ်ႇ​ဢၼ်​လေး​ၵိၼ်​ၼမ်ႉ​ၸိူဝ်း​ၼၼ်ႉ​ၵႄႇၼုၵ်ႈ​ဢဝ်​မႂ်း​လႄႈ​ႁႂ်ႈ​မႂ်း​လႆႈ​ဢွင်ႇ​သိုၵ်း​ၵႃႈၼိူဝ်​ၵူၼ်း​မဵဝ်း​ မိတျၼ်ႇ၊ ဢေႃႈ။ ႁႂ်ႈ​ၶဝ်​ၸိူဝ်း​ဢၼ်​ၵိုတ်း​ဢၼ်​ၵျၢၼ်ႇ​ၼၼ်ႉ​ပွၵ်ႈ​မိူဝ်း​တႃႉ၊” ဝႃႈ​ၼင်ႇ​ၼႆ​ဢေႃႈ။

မႂ်း​ပၢဝ်ႇသေႃႇ​တီႈ​ၵူၼ်း​တင်းလၢႆ​လႄႈ​ဝႃႈ၊ ‘ႁႂ်ႈ​ၵေႃႉ​ဢၼ်​ၸၢင်ႈ​ၵူဝ်ႁႄ၊ၸၢင်ႈ​တူၵ်းၸႂ်​ၼၼ်ႉ​ဝၢႆႇ​ၶိုၼ်း​လႄႈ​လုၵ်ႉ​သေ​ၵႃႈတီႈ​လွႆ ၵိလတ်ႉ၊ ၼႆႉ​ပွၵ်ႈ​မိူဝ်း​သေ၊’ ဝႃႈၼႆ​တႃႉ၊” ဝႃႈ​ၼင်ႇ​ၼႆ​ဢေႃႈ။ ပိူဝ်ႈ​ၼႆ​လႄႈ​ၵူၼ်း​သွင်​မိုၼ်ႇ​ပၢႆ​သွင်​ႁဵင်​ဢွၼ်ၵၼ်​ၶိုၼ်း​မိူဝ်း​ၵႂႃႇ​လႄႈ​ၵိုတ်းၵျၢၼ်ႇ​ယူႇ​မိုၼ်ႇ​ၼိုင်ႈ​ဢေႃႈ။

မိူဝ်ႈၼၼ်ႉ၊ ထႃႇဝရႃႉ​ၽြႃး၊ မီး​ဢမိင်ႉ​တီႈ​ ၵိတိဢုၼ်ႇ၊ လႄႈ​ဝႃႈ၊ “ၵူၼ်း​ယင်း​မီး​ၼမ်ၼႃႇ​ဢေႃႈ။ ႁွင်ႉ​ၶဝ်​လူင်း​ၸူး​တီႈ​တႃႈၼမ်ႉ​တႃႉ။ ၵဝ်​တၵ်း​ၽႄ​ဢဝ်​ၶဝ်​ၵႃႈတီႈ​ၼၼ်ႈ​ပုၼ်ႈ​မႂ်း​ဢေႃႈ။ ပေႃး​ၵဝ်​လၢတ်ႈ​တီႈ​မႂ်း​လႄႈ​ဝႃႈ၊ ‘ၵေႃႉ​ၼႆႉ​တၵ်း​လႆႈ​ၵႂႃႇ​လူၺ်ႈ​ၵၼ်​တင်း​မႂ်း​ဢေႃႈ၊’ ဝႃႈၼႆ​ၸိုင်၊မၼ်း​တၵ်း​လႆႈ​ၵႂႃႇ​ဢေႃႈ။-”

မိူဝ်ႈ​ဢၼ်​ ၵိတိဢုၼ်ႇ၊ ႁွင်ႉ​ဢဝ်​ၵူၼ်း​ၸိူဝ်း​ၼၼ်ႉ​လူင်း​ၸူး​တီႈ​တႃႈၼမ်ႉ​ၼၼ်ႉ​ၸိုင်၊ ထႃႇဝရႃႉ​ၽြႃး၊ မီး​ဢမိင်ႉ​တီႈ​မၼ်း​လႄႈ​ဝႃႈ၊ “ၽႄ​ဢဝ်​ၶဝ်​ၸိူဝ်း​ဢၼ်​ဢဝ်​လိၼ်ႉ​လေး​ၵိၼ်​ၸိူဝ်ႉ​ၼင်ႇ​ဢၼ်​မႃ​ၵိၼ်​ၼမ်ႉ​ၼႆႉ​ဝႆႉ​ၸုမ်း​ၼိုင်ႈ။ ဢိၵ်ႇတင်း​ၶဝ်​ၸိူဝ်း​ဢၼ်​ၶုပ်ႉၶဝ်ႇ​လႄႈ​ၵူမ်ႈ​ၵိၼ်​ၼမ်ႉ​ၼၼ်ႉ​ဝႆႉ​ၸုမ်း​ၼိုင်ႈ​တႃႉ၊” ဝႃႈ​ၼင်ႇ​ၼႆ​ဢေႃႈ။- ၶဝ်​ၸိူဝ်း​ဢၼ်​ဢဝ်​ဢူင်ႈ​မိုဝ်း​ၵွပ်ႇ​ဢဝ်​ၼမ်ႉ​လႄႈ​လေး​ၵိၼ်​ၼၼ်ႉ​ၼပ်ႉဢၢၼ်ႇ​မီး​သၢမ်​ပၢၵ်ႇ​တဵမ်တဵမ်​ဢေႃႈ။ တၢင်ႇၵေႃႉ​တၢင်ႇ​ၵူၼ်း​ၵႃႈမီး​ၸိူဝ်း​ၼၼ်ႉ​ၶုပ်ႉၶဝ်ႇ​လႄႈ​ၵိၼ်​ၼမ်ႉ​ဢေႃႈ။