ၵိတိဢုၼ်ႇ၊ ၵေႃႈ ၶိုၼ်းလၢတ်ႈလႄႈဝႃႈ၊ “ၸဝ်ႈတီႈၶႃႈ။ ႁႂ်ႈၵဝ်ၶႃႈယွၼ်းထၢမ်သေၵမ်းၶႃႈ။ ပေႃး ထႃႇဝရႃႉၽြႃး၊ မီးယူႇလူၺ်ႈၵၼ်တင်းႁဝ်းၶႃႈတႄႉၸိုင်၊ႁဵတ်းသင်လႄႈလွင်ႈတၢင်းၸိူဝ်းၼႆႉပဵၼ်မႃးတီႈႁဝ်းၶႃႈၸိူဝ်ႉၼင်ႇႁိုဝ်ၶႃႈ။ လွင်ႈတၢင်းႁဵတ်းဢၼ်လီဢၢမ်းတင်းလၢႆဢၼ်ပူႇပေႃႈႁဝ်းၶႃႈယၢမ်ႈလၢတ်ႈၼႄတီႈႁဝ်းၶႃႈလႄႈဝႃႈ၊ ‘ ထႃႇဝရႃႉၽြႃး၊ ၼုၵ်ႈဢဝ်ႁဝ်းဢွၵ်ႇမိူင်း ဢေးၵျိပ်ႉ၊ မႃးဢေႃႈ၊’ ဝႃႈၼင်ႇၼႆၸိူဝ်းၼၼ်ႉမီးၵႃႈတီႈလႂ်ၶႃႈ။ တေႃႈလဵဝ်ၼႆႉ ထႃႇဝရႃႉၽြႃး၊ ၸုၼ်ႉပႅတ်ႈႁဝ်းၶႃႈလႄႈဢဝ်ႁဝ်းၶႃႈဢၢပ်ႈပၼ်ၼႂ်းမိုဝ်းၵူၼ်းမဵဝ်း မိတျၼ်ႇ၊ ယဝ်ႉတီႈၶႃႈယဝ်ႉ၊” ဝႃႈၼင်ႇၼႆဢေႃႈ။