Versículos más leídos de la Biblia Isaias 42

Compartir

“Ako ang PANGINOON na tumawag sa iyo para ipakita na akoʼy matuwid. Tutulungan at iingatan kita, at sa pamamagitan mo gagawa ako ng kasunduan sa mga tao. Gagawin kitang ilaw na magbibigay-liwanag sa mga bansa, para imulat ang mga mata ng mga bulag, at magpalaya sa mga binihag na ikinulong sa madilim na bilangguan.

“Ako ang PANGINOON! Iyan ang aking pangalan! Hindi ko ibibigay kaninuman o ibahagi sa mga diyos-diyosan ang aking karangalan at mga papuri na para sa akin.

“Narito ang lingkod ko na aking pinalalakas ang loob. Pinili ko siya at akoʼy nagagalak sa kanya. Sumasakanya ang aking Espiritu, at papairalin niya ang katarungan sa mga bansa.

Hindi niya pababayaan ang mahihina ang pananampalataya at hindi niya tatalikuran ang mga nawalan ng pag-asa. Matapat niyang papairalin ang katarungan. Hindi siya manghihina o mawawalan ng pag-asa hanggaʼt hindi niya lubusang napapairal ang katarungan sa buong mundo. Pati ang mga tao sa malalayong lugar ay maghihintay sa kanyang mga turo.”

Aakayin ko ang mga mamamayan kong bulag, sa landas na hindi pa nila nadaraanan, silaʼy aking gagabayan. Pagliliwanagin ko ang kadiliman sa kanilang harapan at papantayin ko ang mga baku-bakong daanan. Gagawin ko ang mga bagay na ito; hindi ko sila pababayaan.

Tingnan mo! Ang mga bagay noon ay nangyayari na, at ngayon ang ipinapahayag ko ay mga bagong bagay na; bago pa mangyari ang mga ito, ipinapaalam ko na saʼyo.”