Versículos más leídos de la Biblia Dad Fngewe 13

Compartir

I to sgalak i dad to fulung faldam, kenen mbaling fulung faldam, bay i to sgalak i dad to là fulung faldam nun kalmon.

I to toon fangeye i dad manan, toon nifat i kton, bay i to talù laan funa fandam i manan, falmon i kton.

I to là mlayam i tingaan di gugsalaan du fye matdò, landè kakdon i tingaan, bay i to nun kakdon i tingaan, fanlayaman du fye matdò kenen.

Ku nun fatanam na là gdohò, too gdanà i nawam, bay ku gdohò i knayè nawam, too ge lehew.

I to matlu, én kamlung kenen i dad fye nimoan, bay i to gamsalà, én gafalmo kenen i dad sasè nimoan.

I knun gwè mdà di mlal kfagu, too mlal sa lana, bay i knun gwè fagu di tu, too lamnok.

I to fdatah i kton, landè dademe gukelan ku là samuk, bay i to flinge i fngewe, kenen fulung faldam.

I to fye, nun knunan tnagakan di dad ngà i dad ngaan, bay i knun i to gamsalà, gfun i dad to matlu kadang di satu duh.

I tingà fulung faldam too mayè flinge i fngewe i maan, bay i tingà madoy too là flinge i kngak kenen.

I to là mayè flinge i fngewe kenen, kalima na kyà i mkel di kenen, bay i to flinge i kngak kenen, nafè i dad to.