Versículos más leídos de la Biblia Dad Fngewe 10

Compartir

Én gafnun i to mdà alò di kafye blé Dwata, na i kafye blén là gfun dun fagu di kalgad mimò.

I to too mayè stulen, slaan gsalà du mdà di dee manan, bay i to gadnanan i taluan, kenen i to fulung faldam.

I gukel i kasnang nawa, dunan samuk, bay gukel i kakdo, dunan klifet i kdee salà.

Ku là ge mayè mimò, én gaflandè ge, bay ku malgad ge mimò, én gafnun ge.

I to flinge ku nun mngak kenen, én i to mlawil, bay i to là dmawat i kagsalaan, nun sasè gdawatan.

I to matlu landè klikoan du mdà di fye nimoan, bay i to mlimbung, gakfè di klimbungan.

I to nun klikoan di Dwata, mlawil kenen, bay i to sasè, mlal mati.

Là faloh Dwata ku malnus i dad to matlu, na laan faloh ku gwè i dad to sasè i sasè kniballa.

Kakel i bong ulen na too mgal i nus fugen i to sasè, bay i to matlu kel di atuan là fisan di kgal i nus.