Versículos más leídos de la Biblia Romu 5

Compartir

Hianagi Anumzamo'a tusiza huno avesirantenea zama eriama hu'neana, kumi vahe mani'nonkeno Kraisina huntegeno, tagri kumiku huno efri'ne.

Hagi amuhama humita avega anteta mani'nona zamo'a, amuhama hu'nazana erinotre. Na'ankure tagra antahi'none Anumzamo'ma Ruotge Avamu tamigeno, avesizama'a Ruotge Avamu'afi huvazino tagu'afi eritagi avinete.

Tagrama knafima ufresuta muse hanune. Na'ankure tagra antahi'none, e'i ana knazampina knare hu'neankino taza hanigeta oti hanavetineta ana knazama enerita kazigazi huta vugahune. Knazama erino kazigazi huno vu'zamo'a tavutava fore higeno, ana zamo'a Anumzamo tavregahie amuhazana eriama nehie.

E'ina hu'negu tamentinti hanuta Anumzamofo avufina fatgo vahera manigahune. Na'ankure Jisasi Kraisi Rantimoma hu'nea zamo higeta, tagra Anumzamo'enena trimpa fru huta nemanune. Na'ankure Kraisimpi tamentinti hu'nazamo tavreno amama mreri agatere'nea kumapi efregeta menina otineta, hankavea e'nereta, Anumzamo'ma msazama'anema esigura avega ante'nonazamo higeta musena nehune.

Tagrati'a taza hugara osu'nonkeno, Kraisi'a kumitigura kna fatgo'are efri'ne.

Hagi Kraisi koramo sese hurantegeta, Anumzamofo avurera fatgo vahe mani nonankino, tamage huno Anumzamofo rimpa hezampintira tavu'vazigahie.

Magoke ne'mo ke hantagi'nea avu'avazamo higeno, rama'a vahe'mofona kumi vahere huzmante'ne. E'ina kante magoke Ne'mo ke erizafa hu'nea avu'ava'zamo rama'a vahera zmazeri fatgo vahe tro huzmantegahie.

Hu'negu Rantimofo Jisasi Kraisimpi Anumzamofona musena huntegahune. Na'ankure Rantimofo Jisas Kraisimpi ete mago'ane, Anumzamo'a tazeri mago hu'ne.