Versículos más leídos de la Biblia Tʋʋm-tʋmdba vɩɩm 1

Compartir

Yaa pãng la y na n paame, a Vʋʋsem Sõng pãngã n na n sig yãmba. Y na yɩɩ m kaset dãmba Zerizalɛɛm, Zɩɩde, la Samari, n tãag dũni wã tɛka.»

Tɩ b leoke: «Ka pakr tɩ y bãng yaa sasa bʋgo la yaa wakat bʋgo la Ba yals rẽ ne b toorẽ daab ye.

B sẽn waa n dɩt ne taab, daar a ye, b kõ-b la noore tɩ b ra zãag ne Zerizalɛɛm ye; b yaas be n gũ Ba sẽn da kãabe tɩ bãmb meng b toor deeg n togs ne b noore: «A Zã sooba yɩɩ koom soobo, la sã n ya yãmba, yɩ bilfu, y na n soo ne a Vʋʋsem Sõngo.»

Yaa bãmb la b lik naoor yaka, b kũuma poore, n kõ kaseto tɩ b ket n vɩɩme. Sɩda rasem pisnaas pʋgẽ b ra mii n lika b meng bãmba n zãmsd-b Arzãn Rĩunga yelle.

La a Zezi sẽn gom woto b zẽka yĩngri, bãmb nifẽ la sawadg n waa n lill-ba.

Karen-biisa sẽn waa n yɛs woto n nak b nens n tees yĩngr t'a Zezi looda, neb a yiibu sẽn yer peelse, waa n yalsa b sɛɛgẽ. B yeel-b lame: «Galile neba, bõe tɩ y yɛs woto n get yĩngri? Zezi ninga sẽn looga woto n bas yãmbã, Zezi ninga y sẽn yãend tɩ kuiis yĩngrã, ad-y b na n lɛɛg n waa boto.»