Versículos más leídos de la Biblia Romarane 8

Compartir

Vi veit at alle ting tener dei til gode som elskar Gud, dei han etter sin frie vilje har kalla.

For eg er viss på at korkje død eller liv, korkje englar eller krefter, korkje det som no er eller det som koma skal, eller noka makt, korkje det som er i det høge eller i det djupe, eller nokon annan skapning skal kunna skilja oss frå Guds kjærleik i Kristus Jesus, vår Herre.

På same måten kjem Anden oss til hjelp i vår vanmakt. For vi veit ikkje kva vi skal be om så vi kan be rett, men Anden sjølv bed for oss med sukkar som det ikkje finst ord for.

Kva skal vi så seia til dette? Er Gud for oss, kven er då imot oss?

Så er det då inga fordøming for dei som er i Kristus Jesus.

For det som mennesket av naturen vil, fører til død, men det Anden vil, fører til liv og fred.

Men i alt dette vinn vi meir enn siger ved han som elska oss.

Eg meiner at det vi må lida her i tida, ikkje er for noko å rekna mot den herlegdomen som ein gong skal openberrast og verta vår.

Kven kan skilja oss frå Kristi kjærleik? Trengsle eller angst eller forfylging eller svolt eller nakenskap eller fare eller sverd?

Og Gud som ransakar hjarto, veit kva Anden vil; for det er etter Guds vilje, det Anden bed om for dei heilage.

Alle som vert drivne av Guds Ande, dei er Guds born.

Dei som lever etter sin syndige natur, trår etter det som høyrer menneske til, men dei som lèt Anden rå, trår etter det som høyrer Anden til.

Han som ikkje sparte sin eigen Son, men gav han for oss alle, kan han anna enn gje oss alle ting med han?

Anden sjølv vitnar med vår ånd at vi er Guds born. Men er vi born, då er vi arvingar òg. Vi er Guds arvingar og Kristi medarvingar, så sant vi lid med han; så skal vi òg eiga herlegdomen saman med han.

Det som mennesket av naturen trår etter, er fiendskap mot Gud, for vår vonde natur bøyer seg ikkje for Guds lov, kan det ikkje heller.

Alt som er skapt, lengtar og stundar etter at Guds born skal openberrast i herlegdom.

For vi veit at all skapningen sukkar og lid som i føderier heilt til denne dag.