Versículos más leídos de la Biblia مَلاکی 3

Compartir

بوتون اوندا-بئرلرئنئزی آنبارا گتئرئن کی، معبدئمده ارزاق اولسون.» قوشونلار ربّی دیئر: «سئز بونونلا منی ائمتاحان ادئن. گؤره‌جکسئنئز کی، گؤیلرئن پنجره‌لرئنی سئزه آچاجاغام، اوستونوزه احتئیاجلارینیزدان دا چوخ برکت یاغدیراجاغام.

چَیئرتکه‌لری اَکئنلرئنئزی یِمَیه قویمایاجاغام، زَمئده مِینه‌یئنئز محصولسوز قالمایاجاق.» قوشونلار ربّی دیئر. «بوتون مئلّتلر سئزی بختور سایاجاق. چونکی اؤلکه‌نئز گؤزل بئر یِر اولاجاقدیر.» قوشونلار ربّی بویورور.

قوشونلار ربّی دیئر: «اؤز مخصوص خالقیمی اورتایا چیخارتدیغیم گون، اونلار منئم اولاجاقلار. بئر آتا اؤزونه خئدمت ادن اوغلونا نجه رحم ادئر، من ده اونلارا اِله رحم اده‌جیم. او زامان سئز صالحله پئس آدام آراسینداکی فرقی، تارییا قوللوق ادنله اتمه‌یَنئن آراسینداکی فرقی گئنه گؤره‌جکسئنئز.»

«باخ، من اؤز اِلچئمی گؤندَ‌رئرم. او، حوضورومدا یول حاضیرلایاجاق. آختاردیغینیز پروردئگار قَفلَتَن اؤز معبدئنه گله‌جک. گؤرمک آرزوسوندا اولدوغونوز عهد اِلچئسی گله‌جک.» قوشونلار ربّی بویورور.