Versículos más leídos de la Biblia Ziiŋi 49

Compartir

*Saanre kàbiini sì n-fworo Zhuda pyɛnge e mɛ, ɲùŋufente kàbiini sí n-kwôro u tùluge cye e, *supyishiŋi sanŋi sí raa làampuŋi kaan u á, si ŋkúu u á.

Yusufu fành'à ɲyaha mu à jwo sige dùfaanŋa ku ɲyɛ lwɔhɔ ɲwɔ na; mu à jwo sige dùfaanmbile kafaawaga ɲuŋ'i. Sintaayifeebil'à taha u fye e, maa u ŋwɔ ná tàanbil'e, maa u kànha sèl'e.

Ŋka u sintaag'à kwôro u cye e, Yakuba u Kileŋi Siŋifol'à fànha kan u cyey'á. Uru Kileŋi u ɲyɛ Izirayɛli kàanmucyafooŋi, uru mú u ɲyɛ Izirayɛli taŋwɔhɔge. Mu tuŋi u Kileŋi u sí mu tɛ̀gɛ, Kile Siŋi Punifoo u sí jwó le mu á, si nìɲyiiŋi zànhe kan mu á, si jwó le mu á, si ɲìŋke lùbilibii kan mu á, si mu pyìibii pyi pi ɲyaha; si mu yatɔɔre pyi ti púgo.

*Zhuda, mu sìɲɛɛbii sí raa mu pêre, mu sí ma cyɛge taha ma zàmpɛɛnbii kaɲɛkwuunni na, mu sìɲɛɛbii sí raa niŋkure sínni mu á. Mii jyaŋi, Zhuda, mu na ɲyɛ mu à jwo cànraga ku maha sà ɲaare maa sige yaare tà cû a kyà, maa núr'a pa sínni, maa tooyi sànhana. Mà ku yaha tasínage e, jofoo u sí ɲɛɛ n-jwo na uru sí ku kɔ̀rɔ n-yîrige yɛ?

Urubɛn, mu u ɲyɛ mii jyaŋi niɲcyiiŋi, Mu u ɲyɛ mii nànte yaage, mii à mu si mà mii ta nàɲjiiwe. Pèente mu à ta ke, tir'a fànha tò mu sìɲɛɛbii sanmpii woore na. Fànhe ku ɲyɛ mu i ke, kur'à ɲyaha mu sìɲɛɛbii sanmpii woge na. Ŋka mu na ɲyɛ mu à jwo lwɔhɔ ŋkemu k'à dùgo ɲî a fworo na fwu ke, mu tɛɛnm'à pɛn. Mu à dùgo ma tuŋi yasínniŋke ɲuŋ'i, maa wwɔ̀ ná ma tuŋi cwoŋi w'e. Lire kurugo, mu saha sì yyaha yyereŋi ta mɛ