Versículos más leídos de la Biblia TÂTEWBE 1

Compartir

Kane Herui Ka’nchibe ningnui peireige wangkeu dezai tâtewchibe ningnui ngau gu lei; zai Jerusalem ge, Judia ge, zai Samaria ge zai kedeimik deulangbe chang ze a gu sakkitewme ningnui ne chang gu lei,” kacheu de lei.

Zai pa ne penui je, “Bepeu ne panehî benai beting ze pe gu rezie ne diegaidiak’ndibe ze ningnui ne chîrabe mak lei.

Penui dage pa bambe luage, pa ne penui je, Jerusalem put kai mak se, kane Bepeu ne samhatkai’ndibe je kuâ bam ra rang sing gai lei, chize pa ne kerangbe ze, “Ningnui a dagene seube ze, Johanbe â hedui ne baptistew de lei, kane mâtiege makse Herui Ka’nchibe ne ningnui je baptistew gu lei,” kacheu de lei.

Pe gu kahereube liebe châng hezie hedaine lungge pe runne pechu ring ze peluîrun ze penui dage liâbambeibe ze, zai Hera gu heguangram rasam sabe ze misonggame ne chîsingbe kau de lei.

Zai aipau sam pa ne sa gai lu dege, penui piebambe gene pechu nguachu di de lei, zai penui ngauchanglak ’mbe kemâu ne pechu nguatat ti de lei.

Zai pa chudibe penui tinggîm ’mbe ’ngngangpie bambe luage, pie le lau, hangna paî kehâbe bâ lu ze penui taige sap lu ze, “Galilime gau, ’ndaitew ze sap lu ningnui tinggîm ’ngngangpie bam lau? Ai Isua ningnui dagene tinggîm ’mbe nguachudibepeu ze, tinggîm chudibe ningnui ngaube luigumbe gene wangkeu dai gu lei,” kacheu de lei.