Versículos más leídos de la Biblia Loc Hechos 2

Compartir

Ie jira Pedro uai ote: —Omoɨ illafue Juzíñamui uiécomo meídori. Omoɨ nágamɨerie Jesucristo mámecɨdo báutizatari. Omoɨ ɨ́aɨfuiaɨ oni dófilleza. Daɨí Juzíñamui ie Ñuera Joreño ómoɨna úicaiteza.

Nana bimacɨ orécamacɨ llófuiafuemo jaɨ́cɨna jáidiaɨoɨ. Afe daɨí conímamo ñue comécɨidiaɨoɨ. Afe llezica Juzíñamuimo úrifɨrediaɨoɨ, ie mei gaɨríllano Jesús jae íiraɨcaiño güilla izói fɨnódiaɨoɨ.

Afe llezica nana Ñuera Joreño úicaigaiaɨoɨ. Iemona jɨáɨe náɨraɨaɨ uáillaɨdo como úritiaɨoɨ; mei afe Ñuera Joreño íaɨoɨ úritade.

Ie mei raɨréfeicana mɨnɨca izói fɨcɨre monámona cácacaide. Jairifo rɨire jáiñua izói cácacaide. Nana íaɨoɨ ráɨinaco eromo cácacaizaɨbite. Iemona iɨ́fiaɨ izói iráicɨaɨ íaɨoɨmo cɨ́ocaide. Nana illa dɨ́gamɨerie íaɨoɨmo níjizaɨbitiaɨoɨ. Afe llezica nana Ñuera Joreño úicaigaiaɨoɨ. Iemona jɨáɨe náɨraɨaɨ uáillaɨdo como úritiaɨoɨ; mei afe Ñuera Joreño íaɨoɨ úritade.

Nágaruillaɨdo gaɨríracomo gaɨrídiaɨoɨ. Iaɨoɨ jófuemo pan fécano dáanomo cáɨmafuedo, comecɨ mánaɨnafuedo güitíaɨoɨ. Juzíñamui ióbitaoidiaɨoɨ. Afe llezica nana comɨnɨ afémacɨmo ñue comécɨidiaɨoɨ. Afe daɨí caɨ Ocuíraɨma nágaruido afe ɨ́ɨnotɨmacɨmo jɨáɨe jílloizaɨbitɨmacɨ dáamacɨna itátate.

Juzíñamui ómoɨna daɨde: “Iiraɨruillaɨdo cue Joreño nana náɨraɨaɨna, jaɨnoi tua izói fáɨcanocaiñeno íaɨoɨna úicaitaitɨcue. Omoɨ jitótɨaɨ jízatɨaɨ dɨga cuedo úritiaɨoɨ. Jitócomɨnɨ nɨcaɨdo cɨónafuiaɨ izói cɨ́oitiaɨoɨ. Einamacɨ ñuera nɨcaɨdo nɨcáɨritiaɨoɨ.

Jae nana ɨ́ɨnotɨno ñue dájena itíaɨoɨ, íemona íaɨoɨ ráanɨaɨ conímamo jeruíñeno ífɨrediaɨoɨ. Mei jɨɨ íaɨoɨ illábɨrɨ jɨáɨe ráifide raa dɨga fecádiaɨoɨ. Fécanona afe úcube nágamɨiaɨ imacɨ jitailla izói jofo conímamo fecáfɨrediaɨoɨ.

Nana Juzíñamuimo íaɨoɨ canóllena íemo jɨcádɨno jíllobicaitiaɨoɨ.” Aquíe izói Juzíñamui Joeldo daɨde. Iemo Pedro naɨ úrillano daɨde

Afe monado jitoma jítɨreficaite, fɨui dɨe izói jáite. Daɨí iite caɨ Ocuíraɨma Jesucristo billɨ́ruimo naɨ dúcɨñenia. Afémɨe billɨrui ɨere ebíreitɨrui.