Versículos más leídos de la Biblia Isaías 56

Compartir

Bab-Jehová weyob soged: “Igar-innikigwad be imakmar, igar-nued be oyomar. Ar an-abonolegedi, warmakdanigusad, an-igar-innikigwadi, sanar-guoed.

Dule, an-igarmarba nanadiile, degi, sogedba eba gudiile, we-dule, dule-weligwaledid. Dule, obunnoged-ibagi obunnodiile, gwen egi nodisulile, degi, dule ibmar-isgana-imakdisulile, we-dule dule-weligwaledid.”

Dule-ainebarmalad anga-arbaega anba-akasmaladi, an-nug-ogannogega anba-akasmaladi, an-nug-odummogega anba-akasmaladi, an-yalase an nidoed. Bela obunnoged-ibagi-obunnodimalad gwen angi-nodisurmaladi, degi, anbo-igar-mesisad-sogedba-gudimaladi, an-yala-islidikidse an nidoed. Anse-goled-neggi an weligwar-imakoed. Anga ibmar-ogumakar-ukleged-ailagi ibmar-ukmaloedi an abingaoed. Degi, anga-ibmar-ogumakar-ukmaloedi, an abingabaloed, ar an-nega, bela dulemarga anse-goled-negye nugguoed.”