Versículos más leídos de la Biblia Isaías 45

Compartir

Ibmar-nuegan-gargerbamalad-dukuar-bukwad an bega ukoed. Ibmar-nuegan-dukuar-bukwad an bega ukoed. Adi, be wisguegar, ani an Bab-Jehová gued. Ani an Israel-dulamar-e-Bab-Dummadid. An be-nugba bese goledid.

Bab-Jehová weyob Ciroʼga soged: “Ani an be-idunadapi guoed, ani an yalamar-omatogoed. Ani an bega esgoro-gordikid-yawagakmar mamaroed, ani an bega yawagak-eduged-esgorobiid bibisgoed.

Anbi an Bab-Jehová gued, dule-baid sulid. An-imbagi, Bab-Dummad-baid sulid. Be aku an-dak-inigwele, an be-ogannogoed, adi, dulemar dad-nakwedsik-bukmalad, degi, dad-argwanedsik-bukmalad wisgumalagar, an-imbagi Bab-Dummad-baid sulid. Anbi an Bab-Jehová gued, dule-baid sulid.

Ani an neg-meegwad nasiksad, ani an negsichid nasikbalid. Ani an dulemar-nued-gudiguega imakbalid, ani an boni-dummagan ukbalid, ani an Bab-Jehová-guedi, bela we-ibmarmar imakmaid.”

”Bela napneg-ugakagi-bukmalad be abonolemalagala, anse be gannar dagmar. Ar ade, ani an Bab-Dummadid, Bab-Dummad-baid sated.

Isaías soged: “Bab-Jehová, dulemar-yar-baid-baidgi-bukwamalad Ciro-urbalikwaa-nanaega imaksad. Ciroʼde, Bab-Jehová-nuggi-reyga-nugsalesadid. Degi, Bab-Jehová, Ciro reymar-e-gangued-obelogega imaksadid, Ciro-abinni, yawagakmar-argaega-imaksadid, yawagakmar-mer-bar-atuega-imaksabalidid.”

An-nuggi an ise-sogar-imaksad, an napiragwadba ibmar-sogsad, ibmar gusuli-guosulid guedsegad. Bela-dulemar an-asabin yokorgi-sindigar sigmaloed, bela-dulemar anga ise-sogar imakmaloed.

An, an-mai-Jacob-sabedbali, degi, an Israel-dulamar-susadbali, an bese be-nugba goled. Be aku an-dak-inigwele, an bega nug-gandikid uked.