Versículos más leídos de la Biblia MATHAIA 28

Compartir

Khanchu, hmun tina mihai kuang fe unglân, ki irchutirhaiin siam unglân, Pa le Nâipa le Irtha Irthiang irhmingin baptis-hai unglân, Thu nangni ki ipêk murdi hi zôm hrangin irchutirhai roi. Khanchu, keima kumkhua’n, rammual mong dênin, nin kuang om mai ki ti,” a tia.

Jisua’n a hong panhaia, anni kha a chongpuihaia, “Irnêng le irvâna irchamneina murdi ki kuang pêk a ni ta.

Vântîrtôn khan nupanghai kuang, “Nangni chu chi no roi, Jisua an ihêmbetu kha nin izong a nih ti kin hriat. Hin om ta mah, a iti ang khan a thoinôk ta. Hin hong unglân, a zâlna hi hong en roi.

Jisua’n an kuang, “Chi no roi; fe unglân Galili rama fe hrangin ki urênghai van hril roi, kha khan ni hmu an ti,” a tia.

Ochai inlalhai kha upahai leh an irhmukhôma, sum tamtak an pêkhaia, an kuang, “Zâna kin in kârin a irchutirhai an honga, a ruak kha an hong inrûk kêng, tiin insîr roi. Ramoptu khan kha thurchi kha a lei inhriat le khom thiam nin chang tih insîrpui kin ta, ite nin milung nin inbuaina hrang om ma,” an tia. Sipaihai khan sum kha an lâka, hê an ibehai lam ang takin an tho ta. Khasikin atûn ten kha thurchi kha Judahai laia an la ihril inlum mai ngai a ni.