Versículos más leídos de la Biblia Loma 16

Compartir

Moisa Yehoba tauna daumwala huhuna, ta nata Seitani 'i'ahusepale mwayamwayauwe 'oimiyega. Cida Bada Yesu Keliso 'ina helau 'oimiya.

Tasigwao bewa 'igu 'ahwanoi madouna 'oimiya, beno wa'itayahigomi towatahao 'oidiyega, weyahina he'itaedi wa'ewediya taudi 'adi wahi'wata, 'oinega ta si'ahwa'ahwa galegale ma weteyage tomota 'idi hemisa si'abi'abi hewe'adi.

Ceguma taiyawedi 'idi paihowa bewa gidemusa taudi geya 'ida Bada Yesu Keliso weyahina sida paihowa, ma beno siboi tuwa 'idi nuwatuhu si'e'epaihowadi, weyahina 'idi gwaeyao hoto hedada, ma tomota we'awe'adi si'e'e'abo'abowedi ma silisilisi hiledi.

Coinega tuta bewa Yehoba tahepwatuwe, weyahina tauna sawasawahina 'i'abihe waiwaiyegomi, 'igu loguguyaina 'oinega, Yesu Keliso tetelina weyahina. Mwalona tetelaina dahwadahwaina, ta bewa tutaina 'i'abi latuheya 'oida, palopitao 'idi leleyao 'oidiyega, ma wete Yehoba miyamiya hatayana 'igwaeya 'abehega tetela bewa 'asa mabwaiyadi 'ana tomotaiyao sida sanapu, ma 'ane sihemisa ma simuliye. Yehoba taunamo tosanapu moisa, 'oinega sawasawahina Yesu Keliso saninega tahepwatuwe tuta mabwaiyana 'oidiya. Emeni. Taugu Paulo.