Versículos más leídos de la Biblia Pahayag 5

Compartir

kag nagakanta sila sang isa ka bag-o nga kanta nga nagasiling, “Ikaw ang takos nga makakuha sang linukot nga kasulatan kag sa paghukas sang iya mga selyo, tungod kay ginpatay ka, kag paagi sa imo dugo gintubos mo ang mga tawo para mangin iya sang Dios. Ginpili mo sila sa tanan nga tribo, lingguahe, lahi kag nasyon.

Kag nagakanta sila sing mabaskog: “Ang Karnero nga ginpatay takos nga magbaton sang awtoridad, manggad, kaalam, kusog, pagtahod, pagpadungog, kag pagdayaw!”

Ginhimo mo sila nga mga hari kag mga pari sa pag-alagad sa aton Dios. Kag padumalahon mo sila sa kalibutan.”

Kag nabatian ko dayon ang tanan nga tinuga sa langit, sa duta, sa idalom sang duta, kag sa dagat nga nagakanta: “Ihatag ta sa nagapungko sa trono kag sa Karnero ang pagdayaw, pagtahod, pagpadungog kag paggahom hasta san-o!”

Karon, ang isa sa mga manugdumala didto nagsiling sa akon, “Indi ka maghibi, tungod kay si Jesus nga mandadaog nga ginatawag nga Leon nga halin sa tribo ni Juda kag kaliwat ni David sarang makahukas sang pito ka selyo sa linukot nga kasulatan para mahumlad ini.”