New Testament in Carrier, Southern (CA:caf:Carrier, Southern)

Yakʼusda bughunek: k’andit khunek neba lhaidinla

<div class="version vid537 iso6393caf" data-vid="537" data-iso6393="caf">
 <div class="book bkJHN">
 <div class="chapter ch7" data-usfm="JHN.7">
 <div class="label">7</div><div class="s">Sizi bulhutsinkah 'aw huba 'alha' cha'h&#243;ot'ah Sizi 'en Christ 'int'ah</div><div class="p"> 1Njan hukw'elh'az Sizi Galilee yun k'ut zeh hoh nus&#233;ya. Lizwif hituzelhghelh hukwa' huninzun 'et whuch'a 'aw Judea yun k'ut n&#243;ya hukwa cha'n&#237;zun. 2Lizwif budzenis whuti, 'et 'ulbun be koo nih&#250;whulih#7:2 Njan bun nehulih huwh&#250;tni, 'et tl'o 'uhulh'ih hukwelh'az Lizwif 'uda Moses bulh dune chah&#243;ot'ih ts'e inle ho wh&#250;nahulnih. 'Et whutuh 'et Jerusalem 'et hiyulhbun be yah, 'i hoonli ts'ah'un na'a k'us tink'us 'uh&#243;ont'ah 'i bugha t'ets'oninzun ts'utni ho' ts'utni. chah huwh&#250;tni, 'aw 'et nilhdukw whuz'ai. 3'Et bulhutsinkah khunek be' 'uhiyulhni, &#8220;Njan huwinyalh 'ink'ez Judea yun k'ut ts'ih inyalh, 'et ndet ngha hoodul'eh ndai 'ut'en bugha gh&#237;na 'et honolh'en. 4Ndan ts'iyannah t'ein&#243;ozin hukwa' ninzun 'aw whu'iz ne'oot'en gha&#237;t'ah. 'Alha hooncha t&#250;ne' 'int'en t'eh, ndi yun k'ut dune ts'iyannah nyun ngha t'ehon&#243;ozin huba 'uhoont'ah!&#8221; 5Bulhutsinkah 'en whunts'ih 'aw ndun Christ 'en 'int'ah 'aw huba 'alha' cha'h&#243;ot'ah, 'et huwa hoh tune' hiduni. 6'Et Sizi ndo b&#250;lhni, &#8220;Sutsuh whudezulh 'awhuz whusachawhulhts'it, 'et nuhwheni nuhwhuts'u wh&#233;lts'ulh, 'et 'ahoolhyez lhawh&#250;dint'ah. 7Ndi yun k'ut dune 'aw nuhwheni nuhwhuts'u dootnik gha&#237;t'ah, 'et si suts'u hudutnik. Tink'us '&#250;hut'en ts'iyawh 'et hubugha ndo bud&#250;sni, 'et huwa. 8Whute dzenis whuti ts'ih whuz ahdulh. Sugh&#225; whunt'ai 'awhuz 'aw lhachaduzusne, 'et huwa 'awhuz 'aw si dzenis whuti ts'ih toosya gha&#237;t'ah,&#8221; hub&#250;lhni. 9Njan 'et ndub&#250;dani hukw'elh'az Galilee yun k'ut 'et inda. 10Bulhutsinkah dzenis whuti ts'ih whehandel hukw'elh'az, Sizi dich'oh chah whu'iz 'et whuz whinya, 'aw dune bunalh ilah. 11'Et nyo dzenis whuti whutuh 'et Lizwif hika it&#233;s'en 'ink'ez 'uhutni, &#8220;Nts'e 'ut'en ho' 'int'ah?&#8221; hutni. 12'Et 'ilhohuwezdel dich'oh dutuh whu'&#237;zyaz hoh highu yalhtuk. Bulunah chah 'en unzoo hutni, 'ink'ez bulunah chah 'awundooh ts'iyannah nana'ah, 'et huwa 'en untsi' hutni. 13'Et 'aw 'ilhunuh whunts'ih ts'et highu yachalhtuk, ndunnah Lizwif moodih hub&#233; hunuljut 'et huwa. 14'Aw 'et dzenis whuti lhuhoolcho bat'en 'uwh&#233;t'ilh, 'et Sizi ndoh luglez whucho ts'ih n&#237;nya, 'ink'ez dune huboodulh'eh, 15'ink'ez daja ni Lizwif tube huba hooncha 'ink'ez 'uhutni, &#8220;Aw dune hoodul'eh ts'ih inda ilah, 'ink'ez nts'e na'a stabe 'o nus lhat t'&#233;whun&#237;nzun?&#8221; 16'Et Sizi ndo b&#250;lhni, &#8220;Ndai be hoonwhudulh'eh, 'i 'aw si si'ilhdzun cha ilah 'int'ah. Ndun whuz de s&#250;telh'a, 'en buts'u ha&#237;delts'ut, 'i 'int'ah. 17Ndunnah Yak'usda yuk'&#250;ne' tet'ilh hukwa' ninzun, 'en t'ehon&#243;zin, ndi khunek Yak'usda buts'u haidelts'ut 'i 'int'ah, k'us sich'oh sughunek be yalhtuk, 'et t'ehon&#243;zin. 18'Et dune dich'oh khuyanaltuk t'eh, dich'oh dut&#233;ti 'et zeh hukwun&#250;ta hoh 'utni. 'Et whunts'ih dune yalhtuk, ndun whuz de y&#250;telh'a, 'en yudut&#233;lhti hukwun&#250;ta t'eh, 'en ts'ah'un na'a dune unli h&#243; 'utni 'ink'ez tink'us ne'ut'en 'i 'aw bughi y&#243;olah. 19'Aw ih Moses 'en ndi khunek buk'&#250;ne'ooht'en, 'i nuhwhutl'a&#237;da'ai, 'et whunts'ih 'aw hubuk'uncha'zuht'en, 'ink'ez di ka sutuzelhghelh hukwa' nahzun?&#8221; hub&#250;lhni. 20'Et 'ilhohuwezdel 'uhiy&#250;lhni, &#8220;Ntsi' nd&#250;deh, 'i nyud&#237;nda! Ndan nyutuzelhghelh hukwun&#250;ta ho' dini?&#8221; 21'Et Sizi ndo b&#250;lhni, &#8220;Et nats'ulyis dzin 'ilhun 'ut'en, 'i ncha, 'i '&#250;sdla, 'et nuhwheni tube nuhwhuba h&#243;ncha. 22K'an daja nuhwhudut&#233;snilh 'et hubugha nun&#237; nahzut. Moses, 'en bugha buka dune ahli, 'i &#243;onaht'as &#237;nle. ('Aw Moses 'en bugha zeh ilah, nuhwhutsuh whudelhdzulh, 'en buts'u hawh&#233;lts'ut hoh 'uht'en.) 'Ink'ez 'et nats'ulyis dzin 'uskiyaz duneyaz whulih teh, 'o 'at nats'ulyis dzin 'et yuka dune unli, 'i hiyut'as. 23'Et nd&#250;hoont'ah hoh Moses be' dustl'us k'ut butulh&#250;hesde k'ohyis whuch'a, nats'ulyis dzin 'et dzin whunts'ih 'uskiyaz dune whulih teh yuka dune unli hiy&#243;ot'as. 'Ink'ez di ka 'et si dune nats'ulyis, 'et dzin dune soo n&#225;'usdla 'et hukwa sulh h&#250;nlhuch'e? 24'Aw whunulh'en 'et huwa ilah dune ba nahahye, ts'ah'un na'a 'uhoont'ah hukw'una'a zeh dune ba nahoohyeh,&#8221; hub&#250;lhni.</div><div class="s">Bulunah dune Sizi 'en Christ 'int'ah huninzun.</div><div class="p"> 25Bulunah Jerusalem whut'en 'uhutni, &#8220;Ndunnah 'en tulih 'int'ah hituzilhghelh hukwa' huninzun? 26'Et njan whunulh'en! Dune ts'iyannah tah usda 'ink'ez hubulh y&#225;lhtuk, 'et whunts'ih 'aw dune dachahidusnih. 'Aw whuz na'a cha'hoot'ah whutele ndunnah moodih, 'en t'ehon&#237;nzun tulih ndunnah 'en 'alha Christ 'int'ah? 27'Et whunts'ih ndunnah 'en nts'ez de ha&#237;nya t'ets'on&#237;nzun, 'et whunts'ih Christ whusa&#237;nya t'eh, nts'ez de hainya, 'aw 'ilhunuh whunts'ih t'ehon&#243;zin gha&#237;t'ah,&#8221; hutni. 28'Et 'aw 'et nyo luglez whucho dune hoodulh'eh hoh Sizi soo khunek ti be ndo b&#250;lhni, &#8220;Nuhwheni t'esun&#225;hzun 'ink'ez nts'ez de ha&#237;ya chah nt'eoon&#225;hzun, 'aw sich'oh sugh&#225; ilah whus&#225;ya, 'et whunts'ih ndun whuz de h&#225; salh'a, 'en soo ts'ah'un 'en unli ho' 'int'ah, 'en 'aw nuhwheni t'enuzuhzun. 29'Et 'en buts'u ha&#237;ya 'et huwa t'enuszun 'ink'ez 'en whuz de ha s&#225;lh'a!&#8221; hub&#250;lhni. 30'Et hukwa hiy&#243;olhchoot hukwa h&#233;t'en, 'et whunts'ih buts'un whudelts'ulh 'awhuz whuchasawhulhts'it, 'et huwa 'aw dachah&#237;yilil. 31'Et 'ilhuhowezdel hubutah lhanah 'en huba 'alha' yint'ah suli 'ink'ez 'uhutni, &#8220;Ndun Christ whusa&#237;nya t'eh, ndun yenus t&#250;lih huwa '&#233;t'en teh tun&#233;'tet'en? 'Awundooh!&#8221; hutni. 'Et huwa 'en Christ 'int'ah huninzun. 32'Et ndunnah 'ilhohuwezdel whuz na'a Sizi highu yalhtuk hoh Pharisee hubuduzts'ai, 'et Pharisee 'ink'ez n&#225;whulnuk moodih, n&#233;lhghel whuz wh&#233;oobuhalh'a Sizi hiy&#243;olhchoot ka. 33'Et Sizi nt'ewhun&#237;nzun 'et huwa 'ilhuhowezdel 'en 'ob&#250;lhni, &#8220;Awhuz s&#225;yaz tele 'et nuhwhulh 'utest'ilh, 'et 'ink'ez ndun whuz de ha s&#225;lh'a, 'en buts'un n&#225;tesdalh. 34Nuhwheni skun&#250;hta 'et whunts'ih 'aw nas&#243;olhtelh gha&#237;t'ah, 'ink'ez nts'e 'ust'ah 'aw nuhwheni whuz toohya gha&#237;t'ah.&#8221; 35'Et Lizwif dich'oh 'ulh&#243;dutni, &#8220;Nts'e teyalh hoh 'utni? 'Aw nats'&#243;olhtelh gha&#237;t'ah n&#233;ulhni. 'Udun yun k'ut whut'en, 'en butuz tulih teyalh, whuz Lizwif bulunah hahandel inle, 'ink'ez whuz tulih 'udun yun k'ut whut'en hubodutelh'eh? 36'Ink'ez njan ne&#250;lhni inle, &#8216;Nuhwheni skun&#250;hta 'et whunts'ih 'aw nas&#243;olhtelh gha&#237;t'ah, 'ink'ez nts'e tesdalh ts'ih 'aw nuhwheni whuz toohya gha&#237;t'ah,&#8217; 'et daja ni hoh 'utni?&#8221; hutni.</div><div class="s">Sizi ndo b&#250;lhni, &#8220;Ndoni 'en nuhwhuts'u t&#233;lh'alh.&#8221;</div><div class="p"> 37'Aw 'et nuhwh&#250;jeh cho whutah, 'et 'udek'elh'az dzin, 'et dzin degha nus hooncha. 'Et dzin 'et Sizi hubutah s&#237;yin 'ink'ez soo khunekti be hubulh y&#225;lhtuk, &#8220;Ndan ta'&#243;osde suts'un hut&#243;odelh 'ink'ez tah&#243;otnai! 38Ndunnah si huba 'alha' 'ust'ah, Yak'usda bughunek 'uk'une'&#250;sduguz ndutni, &#8216;Ndi too, 'i 'ilhuz wheni be ts'&#250;khutena, 'i 'en buts'u ha&#237;teli,&#8221; hub&#250;lhni. 39'Et Sizi ndutni hoh Ndoni bugha hubulh ya&#237;lhtuk. Ndunnah 'en huba 'alha' yint'ah, 'en buy&#233;dutelts'ulh. 'Aw 'ahoh ilah. Sizi huba whud&#225;lhti hukw'elh'az t'eh, 'et nduwh&#250;tenilh.</div><div class="s">Dune Sizi ndan 'int'ah huninzun hoh lhch'a n&#237;hudendel</div><div class="p"> 40'Et 'ilhuhowezdel hubutah ndi khunek hid&#225;nts'o hoh bulunah 'en 'uhutni, &#8220;Alha 'i be ndun 'en ndun ye nus whunilh'en bughu yatuk inle 'en 'int'ah.&#8221; 41'Et bulunah chah 'uhutni, &#8220;Ndun 'en Christ 'en 'int'ah.&#8221; 'Et 'uyoon chah 'uhutni, &#8220;Awundooh! Ndunnah Christ 'en Galilee ts'ih ih hat&#233;yalh?s 42Yak'usda bughunek 'uk'une'&#250;sduguz, 'i ndutni, David buts'uh ha&#237;danzut, 'en keyah Bethlehem huwh&#250;tni, David bukeyah &#237;nle, Christ whuz de ha t&#233;yalh,&#8221; hutni. 43'Et huwa ndunnah 'ilhuhowezdel ndun 'en bugha lhch'a neh&#250;dendel. 44Bulunah, 'en hit&#233;lhcholh hukwa' huninzun, 'et whunts'ih dachah&#237;yilil. 45'Et ndunnah n&#233;lhghel ndunnah n&#225;whulnuk moodih 'ink'ez Pharisee 'en whuz wheoobuhalh'a, 'en chah hi'et whuz hanah&#233;del hoh hubuhoodulhkut, &#8220;Di ka whuz hachalhtel?&#8221; 46'Et n&#233;lhghel 'uhutni, &#8220;Aw whutsuh da 'uyoon dune 'en ndun dune k'una'a yachalhtuk.&#8221; 47'Et Pharisee 'uhutni, &#8220;Nuhwheni chah nuhwhunan'a ho ih 'udahni? 48Nuwheni moodih k'us Pharisee wheni chah neba 'alha' 'int'ah nahzun ih? 'Awundooh! 49'Et whunts'ih ndunnah 'ilhuhowezdel luglez whucho, 'et ts'iyawh di chah&#237;lah 'uhint'ah 'et huwa ndai Moses yuk'un&#233;'uzguz 'i 'aw beni be t'&#233;hin&#237;zun!&#8221; hutni. 50'Et Nicodemus, 'en 'ilhuh '&#250;lh'ek Sizi yughu ninya inle, 'en chah Pharisee hubulh 'ilhunuh unli hoh dulh Pharisee hub&#250;lhni, 51&#8220;Wheni neba khunek butulh&#250;hesde 'i 'utni, dune bughunek uzd&#225;nts'o 'ink'ez be 'ut'en uznalh'en t'eh, 'et hoh ih whunts'i buba nats'uhooyeh huba 'uhoont'ah.&#8221; 52'Et 'uhiy&#250;lhni, &#8220;Nyun chah ih Galilee yun k'ut ts'ih ha&#237;nya inli? Yak'usda bughunek 'uk'une'usduguz 'i soo cho nilh'en, 'et nts'e nyeni be t'&#233;oon&#243;nzin, 'aw 'ilhunuh whunts'ih nus whunilh'en, 'en Galilee yun k'ut ts'ih ha&#237;nya hoolah!&#8221; 53'Et 'aw 'et ts'iyannah bukoo ts'ih when&#225;hidel.</div>
 </div>
 </div>
</div>

Njan hukw'elh'az Sizi Galilee yun k'ut zeh hoh nuséya. Lizwif hituzelhghelh hukwa' huninzun 'et whuch'a 'aw Judea yun k'ut nóya hukwa cha'nízun. Lizwif budzenis whuti, 'et 'ulbun be koo nihúwhulih chah huwhútni, 'aw 'et nilhdukw whuz'ai. 'Et bulhutsinkah khunek be' 'uhiyulhni, “Njan huwinyalh 'ink'ez Judea yun k'ut ts'ih inyalh, 'et ndet ngha hoodul'eh ndai 'ut'en bugha ghína 'et honolh'en. Ndan ts'iyannah t'einóozin hukwa' ninzun 'aw whu'iz ne'oot'en ghaít'ah. 'Alha hooncha túne' 'int'en t'eh, ndi yun k'ut dune ts'iyannah nyun ngha t'ehonóozin huba 'uhoont'ah!” Bulhutsinkah 'en whunts'ih 'aw ndun Christ 'en 'int'ah 'aw huba 'alha' cha'hóot'ah, 'et huwa hoh tune' hiduni. 'Et Sizi ndo búlhni, “Sutsuh whudezulh 'awhuz whusachawhulhts'it, 'et nuhwheni nuhwhuts'u whélts'ulh, 'et 'ahoolhyez lhawhúdint'ah. Ndi yun k'ut dune 'aw nuhwheni nuhwhuts'u dootnik ghaít'ah, 'et si suts'u hudutnik. Tink'us 'úhut'en ts'iyawh 'et hubugha ndo budúsni, 'et huwa. Whute dzenis whuti ts'ih whuz ahdulh. Sughá whunt'ai 'awhuz 'aw lhachaduzusne, 'et huwa 'awhuz 'aw si dzenis whuti ts'ih toosya ghaít'ah,” hubúlhni. Njan 'et ndubúdani hukw'elh'az Galilee yun k'ut 'et inda. Bulhutsinkah dzenis whuti ts'ih whehandel hukw'elh'az, Sizi dich'oh chah whu'iz 'et whuz whinya, 'aw dune bunalh ilah. 'Et nyo dzenis whuti whutuh 'et Lizwif hika ités'en 'ink'ez 'uhutni, “Nts'e 'ut'en ho' 'int'ah?” hutni. 'Et 'ilhohuwezdel dich'oh dutuh whu'ízyaz hoh highu yalhtuk. Bulunah chah 'en unzoo hutni, 'ink'ez bulunah chah 'awundooh ts'iyannah nana'ah, 'et huwa 'en untsi' hutni. 'Et 'aw 'ilhunuh whunts'ih ts'et highu yachalhtuk, ndunnah Lizwif moodih hubé hunuljut 'et huwa. 'Aw 'et dzenis whuti lhuhoolcho bat'en 'uwhét'ilh, 'et Sizi ndoh luglez whucho ts'ih nínya, 'ink'ez dune huboodulh'eh, 'ink'ez daja ni Lizwif tube huba hooncha 'ink'ez 'uhutni, “Aw dune hoodul'eh ts'ih inda ilah, 'ink'ez nts'e na'a stabe 'o nus lhat t'éwhunínzun?” 'Et Sizi ndo búlhni, “Ndai be hoonwhudulh'eh, 'i 'aw si si'ilhdzun cha ilah 'int'ah. Ndun whuz de sútelh'a, 'en buts'u haídelts'ut, 'i 'int'ah. Ndunnah Yak'usda yuk'úne' tet'ilh hukwa' ninzun, 'en t'ehonózin, ndi khunek Yak'usda buts'u haidelts'ut 'i 'int'ah, k'us sich'oh sughunek be yalhtuk, 'et t'ehonózin. 'Et dune dich'oh khuyanaltuk t'eh, dich'oh dutéti 'et zeh hukwunúta hoh 'utni. 'Et whunts'ih dune yalhtuk, ndun whuz de yútelh'a, 'en yudutélhti hukwunúta t'eh, 'en ts'ah'un na'a dune unli hó 'utni 'ink'ez tink'us ne'ut'en 'i 'aw bughi yóolah. 'Aw ih Moses 'en ndi khunek buk'úne'ooht'en, 'i nuhwhutl'aída'ai, 'et whunts'ih 'aw hubuk'uncha'zuht'en, 'ink'ez di ka sutuzelhghelh hukwa' nahzun?” hubúlhni. 'Et 'ilhohuwezdel 'uhiyúlhni, “Ntsi' ndúdeh, 'i nyudínda! Ndan nyutuzelhghelh hukwunúta ho' dini?” 'Et Sizi ndo búlhni, “Et nats'ulyis dzin 'ilhun 'ut'en, 'i ncha, 'i 'úsdla, 'et nuhwheni tube nuhwhuba hóncha. K'an daja nuhwhudutésnilh 'et hubugha nuní nahzut. Moses, 'en bugha buka dune ahli, 'i óonaht'as ínle. ('Aw Moses 'en bugha zeh ilah, nuhwhutsuh whudelhdzulh, 'en buts'u hawhélts'ut hoh 'uht'en.) 'Ink'ez 'et nats'ulyis dzin 'uskiyaz duneyaz whulih teh, 'o 'at nats'ulyis dzin 'et yuka dune unli, 'i hiyut'as. 'Et ndúhoont'ah hoh Moses be' dustl'us k'ut butulhúhesde k'ohyis whuch'a, nats'ulyis dzin 'et dzin whunts'ih 'uskiyaz dune whulih teh yuka dune unli hiyóot'as. 'Ink'ez di ka 'et si dune nats'ulyis, 'et dzin dune soo ná'usdla 'et hukwa sulh húnlhuch'e? 'Aw whunulh'en 'et huwa ilah dune ba nahahye, ts'ah'un na'a 'uhoont'ah hukw'una'a zeh dune ba nahoohyeh,” hubúlhni.

Bulunah Jerusalem whut'en 'uhutni, “Ndunnah 'en tulih 'int'ah hituzilhghelh hukwa' huninzun? 'Et njan whunulh'en! Dune ts'iyannah tah usda 'ink'ez hubulh yálhtuk, 'et whunts'ih 'aw dune dachahidusnih. 'Aw whuz na'a cha'hoot'ah whutele ndunnah moodih, 'en t'ehonínzun tulih ndunnah 'en 'alha Christ 'int'ah? 'Et whunts'ih ndunnah 'en nts'ez de haínya t'ets'onínzun, 'et whunts'ih Christ whusaínya t'eh, nts'ez de hainya, 'aw 'ilhunuh whunts'ih t'ehonózin ghaít'ah,” hutni. 'Et 'aw 'et nyo luglez whucho dune hoodulh'eh hoh Sizi soo khunek ti be ndo búlhni, “Nuhwheni t'esunáhzun 'ink'ez nts'ez de haíya chah nt'eoonáhzun, 'aw sich'oh sughá ilah whusáya, 'et whunts'ih ndun whuz de há salh'a, 'en soo ts'ah'un 'en unli ho' 'int'ah, 'en 'aw nuhwheni t'enuzuhzun. 'Et 'en buts'u haíya 'et huwa t'enuszun 'ink'ez 'en whuz de ha sálh'a!” hubúlhni. 'Et hukwa hiyóolhchoot hukwa hét'en, 'et whunts'ih buts'un whudelts'ulh 'awhuz whuchasawhulhts'it, 'et huwa 'aw dachahíyilil. 'Et 'ilhuhowezdel hubutah lhanah 'en huba 'alha' yint'ah suli 'ink'ez 'uhutni, “Ndun Christ whusaínya t'eh, ndun yenus túlih huwa 'ét'en teh tuné'tet'en? 'Awundooh!” hutni. 'Et huwa 'en Christ 'int'ah huninzun. 'Et ndunnah 'ilhohuwezdel whuz na'a Sizi highu yalhtuk hoh Pharisee hubuduzts'ai, 'et Pharisee 'ink'ez náwhulnuk moodih, nélhghel whuz whéoobuhalh'a Sizi hiyóolhchoot ka. 'Et Sizi nt'ewhunínzun 'et huwa 'ilhuhowezdel 'en 'obúlhni, “Awhuz sáyaz tele 'et nuhwhulh 'utest'ilh, 'et 'ink'ez ndun whuz de ha sálh'a, 'en buts'un nátesdalh. Nuhwheni skunúhta 'et whunts'ih 'aw nasóolhtelh ghaít'ah, 'ink'ez nts'e 'ust'ah 'aw nuhwheni whuz toohya ghaít'ah.” 'Et Lizwif dich'oh 'ulhódutni, “Nts'e teyalh hoh 'utni? 'Aw nats'óolhtelh ghaít'ah néulhni. 'Udun yun k'ut whut'en, 'en butuz tulih teyalh, whuz Lizwif bulunah hahandel inle, 'ink'ez whuz tulih 'udun yun k'ut whut'en hubodutelh'eh? 'Ink'ez njan neúlhni inle, ‘Nuhwheni skunúhta 'et whunts'ih 'aw nasóolhtelh ghaít'ah, 'ink'ez nts'e tesdalh ts'ih 'aw nuhwheni whuz toohya ghaít'ah,’ 'et daja ni hoh 'utni?” hutni.

'Aw 'et nuhwhújeh cho whutah, 'et 'udek'elh'az dzin, 'et dzin degha nus hooncha. 'Et dzin 'et Sizi hubutah síyin 'ink'ez soo khunekti be hubulh yálhtuk, “Ndan ta'óosde suts'un hutóodelh 'ink'ez tahóotnai! Ndunnah si huba 'alha' 'ust'ah, Yak'usda bughunek 'uk'une'úsduguz ndutni, ‘Ndi too, 'i 'ilhuz wheni be ts'úkhutena, 'i 'en buts'u haíteli,” hubúlhni. 'Et Sizi ndutni hoh Ndoni bugha hubulh yaílhtuk. Ndunnah 'en huba 'alha' yint'ah, 'en buyédutelts'ulh. 'Aw 'ahoh ilah. Sizi huba whudálhti hukw'elh'az t'eh, 'et nduwhútenilh.

'Et 'ilhuhowezdel hubutah ndi khunek hidánts'o hoh bulunah 'en 'uhutni, “Alha 'i be ndun 'en ndun ye nus whunilh'en bughu yatuk inle 'en 'int'ah.” 'Et bulunah chah 'uhutni, “Ndun 'en Christ 'en 'int'ah.” 'Et 'uyoon chah 'uhutni, “Awundooh! Ndunnah Christ 'en Galilee ts'ih ih hatéyalh?s Yak'usda bughunek 'uk'une'úsduguz, 'i ndutni, David buts'uh haídanzut, 'en keyah Bethlehem huwhútni, David bukeyah ínle, Christ whuz de ha téyalh,” hutni. 'Et huwa ndunnah 'ilhuhowezdel ndun 'en bugha lhch'a nehúdendel. Bulunah, 'en hitélhcholh hukwa' huninzun, 'et whunts'ih dachahíyilil. 'Et ndunnah nélhghel ndunnah náwhulnuk moodih 'ink'ez Pharisee 'en whuz wheoobuhalh'a, 'en chah hi'et whuz hanahédel hoh hubuhoodulhkut, “Di ka whuz hachalhtel?” 'Et nélhghel 'uhutni, “Aw whutsuh da 'uyoon dune 'en ndun dune k'una'a yachalhtuk.” 'Et Pharisee 'uhutni, “Nuhwheni chah nuhwhunan'a ho ih 'udahni? Nuwheni moodih k'us Pharisee wheni chah neba 'alha' 'int'ah nahzun ih? 'Awundooh! 'Et whunts'ih ndunnah 'ilhuhowezdel luglez whucho, 'et ts'iyawh di chahílah 'uhint'ah 'et huwa ndai Moses yuk'uné'uzguz 'i 'aw beni be t'éhinízun!” hutni. 'Et Nicodemus, 'en 'ilhuh 'úlh'ek Sizi yughu ninya inle, 'en chah Pharisee hubulh 'ilhunuh unli hoh dulh Pharisee hubúlhni, “Wheni neba khunek butulhúhesde 'i 'utni, dune bughunek uzdánts'o 'ink'ez be 'ut'en uznalh'en t'eh, 'et hoh ih whunts'i buba nats'uhooyeh huba 'uhoont'ah.” 'Et 'uhiyúlhni, “Nyun chah ih Galilee yun k'ut ts'ih haínya inli? Yak'usda bughunek 'uk'une'usduguz 'i soo cho nilh'en, 'et nts'e nyeni be t'éoonónzin, 'aw 'ilhunuh whunts'ih nus whunilh'en, 'en Galilee yun k'ut ts'ih haínya hoolah!” 'Et 'aw 'et ts'iyannah bukoo ts'ih whenáhidel.

Escuchar a John 7