Lun Bawang for Malaysia; 1982 MAS - Non-Drama (NT)

Lun Bawang for Malaysia; 1982 MAS - Drama (NT)

<div class="version vid3072 iso6393lnd" data-vid="3072" data-iso6393="lnd">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Bala Ulun</div><div class="p"> 1Kareb nateh tana' pinudut, idi Bala ineh pangeh idi. Ieh idi dengan Allah, idi Ieh mepad dengan Allah teh. 2Rat pun-pun Bala ineh idi dengan Allah. 3Rat Neneh Allah nemudut luk amung-amung, idi na luk idi anun-anun pana' luk pangeh pinudut baken ratnan Ieh. 4Bala ineh lawa ulun idi ulun ineh nengacing acang kuan lemulun. 5Acang ineh merasat bang dacem, idi dacem ineh na miak ngilep neneh.</div><div class="p"> 6 # 
 Mat 3.1; Mrk 1.4; Luk 3.1&#8211;2 Inan selemulun luk icuk Allah, ngadanneh Yahya. 7Ieh iacing pad mada' lemulun ratnan acang ineh. Ieh nemada' ratnan ineh pad amung-amung lemulun miak ninger idi manu ku acang ineh. 8Ieh sebuleng baken acang ineh; ieh nacing pad mar&#233; kali' ratnan acang ineh. 9Ini acang luk matu luk macing bang tana' ini pad ngacang amung-amung lemulun.</div><div class="p"> 10Bala ineh pangeh idi bang tana' ini. Idi Allah nemudut tana' ini ratnan Ieh, iamo' tana' ini na nengiti Neneh; 11Ieh nacing inan pupuNeh sebuleng, iamo' pupuNeh ineh na pian ngalap Neneh. 12Iamo' kuan lemulun luk nengalap idi manu Neneh, Ieh nemar&#233; lalud pad ideh mangun ku anak-anak Allah. 13Na ideh mangun ku anak Allah maya' law&#233; lemulun uen nenganak, iamo' Allah sebuleng mangun ku Tamandeh.</div><div class="p"> 14Bala ineh pangeh mangun ku lemulun idi netudo arang tau. Tau pangeh nenier rayehNeh luk mepanu' ku katu idi luk matu. Ieh ineh rayeh luk ilapNeh ngaceku Ieh Anak sebuleng Allah Taman.</div><div class="p"> 15Yahya nemare kali' ratnan Y&#233;sus, idi nengitang, kebalaneh, &#8220;Ini Lemulun luk bilaku miak macing muci rat negku. Iamo' Ieh meluun rayeh rat negku, ngaceku Ieh pangeh idi kareb nateh ui tinganak.&#8221;</div><div class="p"> 16Ngaceku ratnan katuNeh luk pelaba rayeh Allah pangeh nengeperuan netau, idi peruan ineh iuk-iuk mula'. 17Allah nemar&#233; Ukum dengan tang Musa, iamo' katu idi luk matu pangeh nacing ratnan Y&#233;sus Keristus. 18Seburur pana' nateh luk nenier Allah iamo' Anak buleng ineh luk idi dengan Allah, idi luk tudo iring Taman, Ieh luk pangeh nengegala' Neneh.</div><div class="s">Bada' Yahya Luk Ngerereb</div><div class="r">(Mat 3.1&#8211;12; Mrk 1.1&#8211;8; Luk 3.1&#8211;18)</div><div class="p"> 19Lun rayeh-rayeh lun Yahudi d&#233;i' Yerusalim nengecuk imam-imam idi lun Liwi am&#233;' ngitun Yahya, kebaladeh, &#8220;Id&#233;k&#233; iko ini?&#8221;</div><div class="p"> 20Yahya na nengalum, iamo' ieh nengamo dengan megala', kebalaneh, &#8220;Ui ini baken Keristus.&#8221;</div><div class="p"> 21Idi ideh nengitun neneh teh, &#8220;Kudeng pieh kudeng ineh, id&#233;k&#233; iko? Iko Eliak&#233;?&#8221;</div><div class="p">Idi keburi'neh, &#8220;Baken.&#8221;</div><div class="p">&#8220;Iko nabi inehk&#233;?&#8221;</div><div class="p">Idi keburi'neh, &#8220;Baken.&#8221;</div><div class="p"> 22Idi kebaladeh neneh, &#8220;Id&#233;k&#233; iko ini? Ai na miak na ngor bala lemulun luk nengecuk nekai. Anunk&#233; luk bel&#233;nmu ratnan bururmu sebuleng?&#8221;</div><div class="p"> 23 # 
 Yes 40.3
 Idi kebala Yahya (maya' kudeng bala Nabi Yesaya):</div><div class="q1">&#8220; &#8216;Ui ini tang lemulun luk ngitang d&#233;i' su luk ali-ali:</div><div class="q2">Ngesiri dalan Tuhan!&#8217; &#8221;</div><div class="p"> 24Idi lemulun ineh pangeh icuk luk Parisi. 25Idi ideh nengitun ni Yahya, keburi'deh, &#8220;Kudeng iko ini baken Keristus, idi baken Elia, idi baken nabi ineh, anunk&#233; punneh iko ngerereb lemulun?&#8221;</div><div class="p"> 26Idi kebala Yahya, &#8220;Ui ini ngerereb dengan abpa' mo', iamo' arang uned muyuh inan Seburur Lemulun luk na muyuh miti, 27Ieh macing muci rat negku, idi neka abet kasutNeh pana' ui na mayu.&#8221;</div><div class="p"> 28Amung ini pangeh mangun d&#233;i' Baitani, d&#233;i' dipar Abpa' Yarden, su luk inan Yahya nengerereb lemulun.</div><div class="s">Anak Dumba Allah</div><div class="p"> 29Kenebpa Yahya nenier Y&#233;sus macing neneh, idi keburi'neh, &#8220;Siruh, Anak Dumba Allah luk mabeh sala' amung uang tana' ini. 30Ratnan Ieh ini luk ui pangeh nemada', kebalaku, &#8216;Muci rat negku Seburur Lemulun macing, luk meluun rayeh rat negku, ngaceku Ieh pangeh idi atun rat negku.&#8217; 31Atun ui na kali' id&#233; Ieh; iamo' ui nacing ngerereb dengan abpa', pad ngegala' Neneh kuan luk pupu Israil.&#8221;</div><div class="p"> 32Idi Yahya pana' nemar&#233; kali' keburi'neh, &#8220;Ui nenier Roh Allah temurun rat d&#233;i' langit, mepad kudeng aceh suit sukur, idi Ieh tudo luun Y&#233;sus. 33Idi ui na miti Neneh; iamo' Allah luk nengecuk negku ngerereb dengan abpa' ineh, nepebala negku, &#8216;Iko miak nier Roh ineh temurun idi tudo luun Seburur Lemulun. Ieh ineh luk ngerereb dengan Roh Meligan.&#8217; &#8221; 34Idi kebala Yahya, &#8220;Ui pangeh nenier ineh, idi mar&#233; kali' nemuyuh ratnan Ieh ini Anak Allah.&#8221;</div><div class="s">Anak-Anak Sekola' Yesus Luk Pun-Pun</div><div class="p"> 35Kenebpa Yahya idi teh dengan dueh burur anak sekola'neh. 36Kareb ieh nenier Y&#233;sus nalan, idi ieh nepebala, &#8220;Siruh, Anak Dumba Allah.&#8221;</div><div class="p"> 37Idi dueh burur anak sekola' ineh neninger neneh pebala kudeng ineh, idi didueh nemaya' Y&#233;sus. 38Y&#233;sus nelumi, idi nenier nedidueh luk maya' Neneh ineh, idi kebalaNeh nedidueh, &#8220;Anunk&#233; luk tekapen medueh?&#8221;</div><div class="p">Idi keburi' didueh Neneh, &#8220;O Rabi!&#8221; (Ilung Rabbi, ieh ineh Guru), &#8220;Iapehk&#233; inanMu tudo?&#8221;</div><div class="p"> 39Idi kealaNeh nedidueh, &#8220;Am&#233;' tung&#233;' idi nier.&#8221; Idi didueh nemaya' Neneh idi nenier su luk inanNeh tudo. Idi didueh netudo dengan Y&#233;sus aco sineh. (Kaerb ineh pelaba tangal musul aco.)</div><div class="p"> 40Seburur rat arang didueh luk neninger bala Yahya, idi luk pangeh nemaya' Y&#233;sus, ieh ineh Andrias, kinanak Simun P&#233;trus. 41Idi Andrias nepapu' kinanakneh Simun, idi nepebala neneh, &#8220;Kai pangeh nepapu' Mesias&#8221; (luk ilungneh Keristus). 42Ieh nenguit Simun am&#233;' matun Y&#233;sus.</div><div class="p">Idi Y&#233;sus nenier neneh idi nepebala, &#8220;Iko ini Simun, anak Yahya, iko miak tetanen K&#233;pas.&#8221; (Ini mepad kudeng P&#233;trus, idi ilungneh &#8220;Batu.&#8221;)</div><div class="s">Y&#233;sus Nawar Pilipus Idi Nataniel</div><div class="p"> 43Kenebpa Y&#233;sus sikal am&#233;' d&#233;i' Galilia. Ieh nenakap ni Pilipus, idi nepebala neneh, &#8220;Maya' Negku.&#8221; (44Pilipus ineh lun Baitsaida, luk pamung bawang dengan Andrias idi P&#233;trus.) 45Pilipus nenakap Nataniel, idi nepebala neneh, &#8220;Kai pangeh nepapu' Y&#233;sus, luk pangeh ginala' Musa bang Surat Ukum idi nabi-nabi pana', ieh ineh Y&#233;sus, anak Yusup lun Nasar&#233;t.&#8221;</div><div class="p"> 46Idi keburi' Nataniel neneh, &#8220;Miakk&#233; Nasar&#233;t ngacing anun-anun luk do'?&#8221;</div><div class="p">Idi keburi' Pilipus neneh, &#8220;Am&#233;' iko idi nier.&#8221;</div><div class="p"> 47Kareb Y&#233;sus nenier Nataniel macing Neneh, idi Ieh nepebala ratnan ieh, &#8220;Siruh, seburur lun Israil luk matu, idi luk na naluk teh!&#8221;</div><div class="p"> 48Idi keburi' Nataniel Neneh, &#8220;Kudeng apehk&#233; Rabbi ngiti negku?&#8221;</div><div class="p">Idi Y&#233;sus nengor balaneh, keburi'Neh, &#8220;Kareb nateh Pilipus nenawar namu, kareb iko pa liang lawa gita' ineh, pangeh Ui nekali' namu.&#8221;</div><div class="p"> 49Idi keburi' Nataniel Neneh, &#8220;O Guru, Iko Anak Allah! Iko luk Raca' lun pupu Israil!&#8221;</div><div class="p"> 50Idi kebala Y&#233;sus neneh, &#8220;Manuk&#233; iko ngaceku Ui mala kuanmu Ui nenier namu pa liang lawa gita' ineh? Iko miak nier luk meluun rayeh ratnan ini.&#8221; 51#Pud 28.12 Idi kebalaNeh nedeh teh, &#8220;Matu Ui pebala nemuyuh, idi muyuh miak nier langit mukab, idi amung-amung melaikat Allah umak idi temurun luun Anak-Lemulun.&#8221;</div>
 </div>
 </div>
</div>

BALA LUK DO' Lun Bawang Bible © The Bible Society of Malaysia 1982, Second Edition 1998.

Kareb nateh tana' pinudut, idi Bala ineh pangeh idi. Ieh idi dengan Allah, idi Ieh mepad dengan Allah teh. Rat pun-pun Bala ineh idi dengan Allah. Rat Neneh Allah nemudut luk amung-amung, idi na luk idi anun-anun pana' luk pangeh pinudut baken ratnan Ieh. Bala ineh lawa ulun idi ulun ineh nengacing acang kuan lemulun. Acang ineh merasat bang dacem, idi dacem ineh na miak ngilep neneh.
Inan selemulun luk icuk Allah, ngadanneh Yahya. Ieh iacing pad mada' lemulun ratnan acang ineh. Ieh nemada' ratnan ineh pad amung-amung lemulun miak ninger idi manu ku acang ineh. Ieh sebuleng baken acang ineh; ieh nacing pad maré kali' ratnan acang ineh. Ini acang luk matu luk macing bang tana' ini pad ngacang amung-amung lemulun.
Bala ineh pangeh idi bang tana' ini. Idi Allah nemudut tana' ini ratnan Ieh, iamo' tana' ini na nengiti Neneh; Ieh nacing inan pupuNeh sebuleng, iamo' pupuNeh ineh na pian ngalap Neneh. Iamo' kuan lemulun luk nengalap idi manu Neneh, Ieh nemaré lalud pad ideh mangun ku anak-anak Allah. Na ideh mangun ku anak Allah maya' lawé lemulun uen nenganak, iamo' Allah sebuleng mangun ku Tamandeh.
Bala ineh pangeh mangun ku lemulun idi netudo arang tau. Tau pangeh nenier rayehNeh luk mepanu' ku katu idi luk matu. Ieh ineh rayeh luk ilapNeh ngaceku Ieh Anak sebuleng Allah Taman.
Yahya nemare kali' ratnan Yésus, idi nengitang, kebalaneh, “Ini Lemulun luk bilaku miak macing muci rat negku. Iamo' Ieh meluun rayeh rat negku, ngaceku Ieh pangeh idi kareb nateh ui tinganak.”
Ngaceku ratnan katuNeh luk pelaba rayeh Allah pangeh nengeperuan netau, idi peruan ineh iuk-iuk mula'. Allah nemaré Ukum dengan tang Musa, iamo' katu idi luk matu pangeh nacing ratnan Yésus Keristus. Seburur pana' nateh luk nenier Allah iamo' Anak buleng ineh luk idi dengan Allah, idi luk tudo iring Taman, Ieh luk pangeh nengegala' Neneh.


Lun rayeh-rayeh lun Yahudi déi' Yerusalim nengecuk imam-imam idi lun Liwi amé' ngitun Yahya, kebaladeh, “Idéké iko ini?”
Yahya na nengalum, iamo' ieh nengamo dengan megala', kebalaneh, “Ui ini baken Keristus.”
Idi ideh nengitun neneh teh, “Kudeng pieh kudeng ineh, idéké iko? Iko Eliaké?”
Idi keburi'neh, “Baken.”
“Iko nabi inehké?”
Idi keburi'neh, “Baken.”
Idi kebaladeh neneh, “Idéké iko ini? Ai na miak na ngor bala lemulun luk nengecuk nekai. Anunké luk belénmu ratnan bururmu sebuleng?”
Idi kebala Yahya (maya' kudeng bala Nabi Yesaya):
“ ‘Ui ini tang lemulun luk ngitang déi' su luk ali-ali:
Ngesiri dalan Tuhan!’ ”
Idi lemulun ineh pangeh icuk luk Parisi. Idi ideh nengitun ni Yahya, keburi'deh, “Kudeng iko ini baken Keristus, idi baken Elia, idi baken nabi ineh, anunké punneh iko ngerereb lemulun?”
Idi kebala Yahya, “Ui ini ngerereb dengan abpa' mo', iamo' arang uned muyuh inan Seburur Lemulun luk na muyuh miti, Ieh macing muci rat negku, idi neka abet kasutNeh pana' ui na mayu.”
Amung ini pangeh mangun déi' Baitani, déi' dipar Abpa' Yarden, su luk inan Yahya nengerereb lemulun.

Kenebpa Yahya nenier Yésus macing neneh, idi keburi'neh, “Siruh, Anak Dumba Allah luk mabeh sala' amung uang tana' ini. Ratnan Ieh ini luk ui pangeh nemada', kebalaku, ‘Muci rat negku Seburur Lemulun macing, luk meluun rayeh rat negku, ngaceku Ieh pangeh idi atun rat negku.’ Atun ui na kali' idé Ieh; iamo' ui nacing ngerereb dengan abpa', pad ngegala' Neneh kuan luk pupu Israil.”
Idi Yahya pana' nemaré kali' keburi'neh, “Ui nenier Roh Allah temurun rat déi' langit, mepad kudeng aceh suit sukur, idi Ieh tudo luun Yésus. Idi ui na miti Neneh; iamo' Allah luk nengecuk negku ngerereb dengan abpa' ineh, nepebala negku, ‘Iko miak nier Roh ineh temurun idi tudo luun Seburur Lemulun. Ieh ineh luk ngerereb dengan Roh Meligan.’ ” Idi kebala Yahya, “Ui pangeh nenier ineh, idi maré kali' nemuyuh ratnan Ieh ini Anak Allah.”

Kenebpa Yahya idi teh dengan dueh burur anak sekola'neh. Kareb ieh nenier Yésus nalan, idi ieh nepebala, “Siruh, Anak Dumba Allah.”
Idi dueh burur anak sekola' ineh neninger neneh pebala kudeng ineh, idi didueh nemaya' Yésus. Yésus nelumi, idi nenier nedidueh luk maya' Neneh ineh, idi kebalaNeh nedidueh, “Anunké luk tekapen medueh?”
Idi keburi' didueh Neneh, “O Rabi!” (Ilung Rabbi, ieh ineh Guru), “Iapehké inanMu tudo?”
Idi kealaNeh nedidueh, “Amé' tungé' idi nier.” Idi didueh nemaya' Neneh idi nenier su luk inanNeh tudo. Idi didueh netudo dengan Yésus aco sineh. (Kaerb ineh pelaba tangal musul aco.)
Seburur rat arang didueh luk neninger bala Yahya, idi luk pangeh nemaya' Yésus, ieh ineh Andrias, kinanak Simun Pétrus. Idi Andrias nepapu' kinanakneh Simun, idi nepebala neneh, “Kai pangeh nepapu' Mesias” (luk ilungneh Keristus). Ieh nenguit Simun amé' matun Yésus.
Idi Yésus nenier neneh idi nepebala, “Iko ini Simun, anak Yahya, iko miak tetanen Képas.” (Ini mepad kudeng Pétrus, idi ilungneh “Batu.”)

Kenebpa Yésus sikal amé' déi' Galilia. Ieh nenakap ni Pilipus, idi nepebala neneh, “Maya' Negku.” (Pilipus ineh lun Baitsaida, luk pamung bawang dengan Andrias idi Pétrus.) Pilipus nenakap Nataniel, idi nepebala neneh, “Kai pangeh nepapu' Yésus, luk pangeh ginala' Musa bang Surat Ukum idi nabi-nabi pana', ieh ineh Yésus, anak Yusup lun Nasarét.”
Idi keburi' Nataniel neneh, “Miakké Nasarét ngacing anun-anun luk do'?”
Idi keburi' Pilipus neneh, “Amé' iko idi nier.”
Kareb Yésus nenier Nataniel macing Neneh, idi Ieh nepebala ratnan ieh, “Siruh, seburur lun Israil luk matu, idi luk na naluk teh!”
Idi keburi' Nataniel Neneh, “Kudeng apehké Rabbi ngiti negku?”
Idi Yésus nengor balaneh, keburi'Neh, “Kareb nateh Pilipus nenawar namu, kareb iko pa liang lawa gita' ineh, pangeh Ui nekali' namu.”
Idi keburi' Nataniel Neneh, “O Guru, Iko Anak Allah! Iko luk Raca' lun pupu Israil!”
Idi kebala Yésus neneh, “Manuké iko ngaceku Ui mala kuanmu Ui nenier namu pa liang lawa gita' ineh? Iko miak nier luk meluun rayeh ratnan ini.” Idi kebalaNeh nedeh teh, “Matu Ui pebala nemuyuh, idi muyuh miak nier langit mukab, idi amung-amung melaikat Allah umak idi temurun luun Anak-Lemulun.”

Escuchar a YAHYA 1