 Kernewek  Kernewek yw yeth Keltek kewsys gans trigoryon deythyek. Kernewek yw a’n keth devedhyans dell yw an yethow Kembrek ha Bretonek. A-dhia 1967, an yeth re beu ordenys gans Kesva an Taves Kernewek. A-dhia 2002 Kernewek re beu aswonnys avel Yeth Rann-vyghanna a’n Ruvaneth Unys.  Projekt an Bibel Kernewek  Projekt an Bibel Kernewek a veu dallethys yn 1997, gans an amkan a dreylya an Bibel oll dhe Gernewek dhiworth an pennfentynyow Ebrow, Aramaek ha Greka. An Projekt yw resys yn-dann skoes Kesva an Taves Kernewek ha Konsel Ekumenek Epskop Truru rag Servisyow y’n Yeth Kernewek. Yma dhodho skoedhyans ekumenek a’n eseli oll a Eglosyow War-barth yn Kernow. An Testament Nowydh a veu dyllys yn 2004. Rag pella derivadow gwel  http://www.bibelkernewek.com. © Kesva an Taves Kernewek 2004, 2021     Cornish  Kernewek, called Cornish in English, is a Celtic language spoken by the Cornish people of Cornwall in the south-west of Britain. Cornish is closely related to the Welsh and Breton languages. Since 1967 the language has been regulated by the Cornish Language Board. Since 2002 Cornish has been recognised as a minority regional language of the United Kingdom.  © Cornish Language Board 2004, 2021

An Bibel Kernewek 2017, 2021

<div class="version vid1079 iso6393cor" data-vid="1079" data-iso6393="cor">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="s">An Demmedhyans yn Kana</div><div class="p"> 1Y'n tressa dydh, yth esa demmedhyans yn Kana a Alile, hag yth esa mamm Yesu ena; 2ha Yesu ha'y dhyskyblon a veu gelwys dhe'n demmedhyans. 3Ha pan fyllis an gwin, mamm Yesu a leveris dhodho, &#8216;Nyns eus gwin gansa.&#8217; 4Yn-medh Yesu dhedhi, &#8216;Pandr'yw henna dhymmo vy ha dhiso jy, a venyn? Nyns yw ow eur hwath devedhys.&#8217; 5Yn-medh y vamm dhe'n servysi, &#8216;Gwrewgh pypynag a lavarro dhywgh.&#8217; 6Hag yth esa ena hwegh seth-dowr gwrys a ven rag glanheansow an Yedhewon, ow synsi pubonan dew po tri firkin.#2:6 firkin: Greka metretes, musur linyel, a-dro dhe 40 liter. 7Yn-medh Yesu dhedha, &#8216;Lenwewgh an sethow a dhowr.&#8217; Hag i a's lenwis bys y'n topp. 8Hag yn-medh ev dhedha, &#8216;Tennewgh yn-mes lemmyn ha'y dhoen dhe rewler an kevewi.&#8217; Hag i a'n dug. 9Ha pan dastyas rewler an kevewi an dowr o devedhys ha bos gwin (ha ny wrussa godhvos a-ble feu, mes an servysi a dennas an dowr a wrussa godhvos), rewler an kevewi a elwis an gour pries, 10ha leverel dhodho, &#8216;Pub den a worr an gwin da yn kynsa, ha wosa i dhe vedhwi, an gweth; mes ty re withas an gwin da bys lemmyn.&#8217; 11Yesu a wrug henna, dalleth y doknys, yn Kana a Alile, ha diskwedhes y wolewder; ha'y dhyskyblon a grysis ynno.</div><div class="p"> 12Wosa hemma, ev eth yn-nans dhe Kapernaum, ev ha'y vamm ha'y vreder ha'y dhyskyblon; ha ny wortsons ena saw nebes dydhyow.</div><div class="s">Glanhe an Tempel</div><div class="r"> Mat 21:12-13; Mark 11:15-17; Luk 19:45-46</div><div class="p"> 13Hag ogas o pask an Yedhewon, ha Yesu eth yn-bann dhe Yerusalem, 14hag ev a gavas y'n tempel tus ow kwertha oghen ha deves ha kelemmi, ha'n arghansoryon, esedhys. 15Hag ow kul skorja a gerdyn ev a's tewlis oll mes a'n tempel, ha'n deves ha'n oghen, hag ev a skoellyas bathow an arghansoryon, ha domhwel an moesow, 16ha leverel dhe neb a wertha an kelemmi, &#8216;Kemmerewgh an taklow ma alemma; na wrewgh chi ow Thas yn marghatti.&#8217; 17Ha'y dhyskyblon a borthas kov bos skrifys, &#8216;Avi a-barth dha ji a'm devor.&#8217; 18Ytho an Yedhewon a worthybis ha leverel dhodho, &#8216;Py tokyn a yll'ta y dhiskwedhes dhyn, rag ty dhe wul hemma?&#8217; 19Yesu a worthybis ha leverel dhedha, &#8216;Diswrewgh an tempel ma, ha kyns penn trydydh my a'n drehav.&#8217; 20Ena yn-medh an Yedhewon, &#8216;Hwegh blydhen ha dew-ugens yth esa an tempel ma ow pos drehevys, ha ty a'n drehav kyns penn trydydh?&#8217; 21Mes ev a gewsi a dempel y gorf ev. 22Ytho pan veu drehevys dhiworth an re varow, y dhyskyblon a borthas kov ev dhe leverel hemma, hag i a grysis an skryptor, ha'n ger a gewsis Yesu.</div><div class="s">Yesu yn Yerusalem rag an Pask</div><div class="p"> 23Ytho pan esa ev yn Yerusalem y'n pask, y'n goel, lies a grysis yn y hanow ev, pan welsons an toknys a wrug. 24Mes ny omdrestyas Yesu y honan dhedha, rag ev a aswonni peub, 25ha nyns esa edhomm dhodho denvyth dhe dhustunia a-dro dhe dhen; rag ev a aswonni pandra esa yn den.</div>
 </div>
 </div>
</div>

Y'n tressa dydh, yth esa demmedhyans yn Kana a Alile, hag yth esa mamm Yesu ena; ha Yesu ha'y dhyskyblon a veu gelwys dhe'n demmedhyans. Ha pan fyllis an gwin, mamm Yesu a leveris dhodho, ‘Nyns eus gwin gansa.’ Yn-medh Yesu dhedhi, ‘Pandr'yw henna dhymmo vy ha dhiso jy, a venyn? Nyns yw ow eur hwath devedhys.’ Yn-medh y vamm dhe'n servysi, ‘Gwrewgh pypynag a lavarro dhywgh.’ Hag yth esa ena hwegh seth-dowr gwrys a ven rag glanheansow an Yedhewon, ow synsi pubonan dew po tri firkin. Yn-medh Yesu dhedha, ‘Lenwewgh an sethow a dhowr.’ Hag i a's lenwis bys y'n topp. Hag yn-medh ev dhedha, ‘Tennewgh yn-mes lemmyn ha'y dhoen dhe rewler an kevewi.’ Hag i a'n dug. Ha pan dastyas rewler an kevewi an dowr o devedhys ha bos gwin (ha ny wrussa godhvos a-ble feu, mes an servysi a dennas an dowr a wrussa godhvos), rewler an kevewi a elwis an gour pries, ha leverel dhodho, ‘Pub den a worr an gwin da yn kynsa, ha wosa i dhe vedhwi, an gweth; mes ty re withas an gwin da bys lemmyn.’ Yesu a wrug henna, dalleth y doknys, yn Kana a Alile, ha diskwedhes y wolewder; ha'y dhyskyblon a grysis ynno.
Wosa hemma, ev eth yn-nans dhe Kapernaum, ev ha'y vamm ha'y vreder ha'y dhyskyblon; ha ny wortsons ena saw nebes dydhyow.


Hag ogas o pask an Yedhewon, ha Yesu eth yn-bann dhe Yerusalem, hag ev a gavas y'n tempel tus ow kwertha oghen ha deves ha kelemmi, ha'n arghansoryon, esedhys. Hag ow kul skorja a gerdyn ev a's tewlis oll mes a'n tempel, ha'n deves ha'n oghen, hag ev a skoellyas bathow an arghansoryon, ha domhwel an moesow, ha leverel dhe neb a wertha an kelemmi, ‘Kemmerewgh an taklow ma alemma; na wrewgh chi ow Thas yn marghatti.’ Ha'y dhyskyblon a borthas kov bos skrifys, ‘Avi a-barth dha ji a'm devor.’ Ytho an Yedhewon a worthybis ha leverel dhodho, ‘Py tokyn a yll'ta y dhiskwedhes dhyn, rag ty dhe wul hemma?’ Yesu a worthybis ha leverel dhedha, ‘Diswrewgh an tempel ma, ha kyns penn trydydh my a'n drehav.’ Ena yn-medh an Yedhewon, ‘Hwegh blydhen ha dew-ugens yth esa an tempel ma ow pos drehevys, ha ty a'n drehav kyns penn trydydh?’ Mes ev a gewsi a dempel y gorf ev. Ytho pan veu drehevys dhiworth an re varow, y dhyskyblon a borthas kov ev dhe leverel hemma, hag i a grysis an skryptor, ha'n ger a gewsis Yesu.

Ytho pan esa ev yn Yerusalem y'n pask, y'n goel, lies a grysis yn y hanow ev, pan welsons an toknys a wrug. Mes ny omdrestyas Yesu y honan dhedha, rag ev a aswonni peub, ha nyns esa edhomm dhodho denvyth dhe dhustunia a-dro dhe dhen; rag ev a aswonni pandra esa yn den.

Escuchar a Yowann 2