Salmos 67

1Dios, bexache lazre' netu', ne be̱n da chawe' chee̱ntu'.

Dute̱ xel-la' zri'i lazre' chiu' guzúale̱ netu',

2chee̱ xelúnbea bénneache du gabí'i xe̱zr la xu

ca naca da dxaca lazru',

ne chee̱ xeleneze bénneache dute̱ xe̱zr la xu

ca dxuseláu' bénneache.

3Xúgute̱ bénneache dxelúe lá'ane̱' Lue', Dios.

Dxelúe lá'ana xúgute̱ bénneache Lue'.

4Le be, ne le sua lu da ba neza, le'e, bénneache dute̱ xe̱zr la xu,

lawe' da guchi'a Dios chee̱le ca naca da xrlátaje,

ne guxúequeze̱' xúgute̱ bénneache.

5Xúgute̱ bénneache dxelúe lá'ane̱' Lue', Dios.

Dxelúe lá'ana xúgute̱ bénneache Lue'.

6Xe̱zr la xu nigá ba zria na lina chee̱ na,

lawe' da be̱n Dios chee̱dxu da chawe' chee̱dxu.

7Dios ba be̱ne̱' chawe' chee̱dxu,

na' gátete̱ze dxal-la' xelapa bénneache Le̱' ba lá'ana.

Actualmente seleccionado:

Salmos 67: zat

Destacar

Copiar

Comparar

¿Quieres tener guardados todos tus destacados en todos tus dispositivos? Regístrate o inicia sesión

Versículos bíblicos populares de
Salmos 67