Chhut Âi-khi̍p Ki 10

(8) Chhó-máng Châi

1Heu-lòi, Song-chú tui Mô-sî kóng: “Ngì hi-kien Âi-khi̍p-vòng. Ngài sṳ́ kì lâu kì ke kôn-yèn sîm-ngang, muk-tit he-oi chhai kì-têu tông-chûng hàng Ngài liá-têu sṳ̀n-chiak, 2ya oi pûn ngì chiông Ngài ngióng-pân hàng sṳ̀n-chiak, sṳ́ Âi-khi̍p-ngìn mò-kat mò-sat ke kîn-ko, kóng pûn ngì ke chṳ́-chṳ́ sûn-sûn thâng, án-ngiòng ngì-têu chhiu voi tî Ngài he Song-chú.”

3Só-yî, Mô-sî lâu Â-lùn hi-kien Âi-khi̍p-vòng, tui kì kóng: “Song-chú — Hî-pak-lòi-ngìn ke Song-ti án-ngiòng kóng: ‘Ngì to má-ke sṳ̀-chiet chang-voi chhai Ngài mien-chhièn hòng-fu̍k nè? Oi piong Ngài ke chṳ́-mìn chéu, pûn kì-têu hi kin-pai Ngài! 4Na-he ngì ki-siu̍k m̀-hén piong Ngài ke chṳ́-mìn chéu, thiên-kông-ngit Ngài oi phai chhó-máng to ngì ke koet-nui. 5Ke-têu chhó-máng voi tô-to châ-mân chhiòn-koet, sṳ́-ngìn khon m̀-tó thi-mien. Ke-têu mò pûn pên-pho̍k tá-fái ke, lièn chhûn hâ-lòi ke su-é, chhiòn-phu voi pûn chhó-máng sṳ̍t chhiang-chhiang. 6Ke-têu chhó-máng voi chhûng-mân ngì ke vòng-kiûng, lâu ngì ke kôn-yèn pin ngìn-mìn só he̍t ke thi-fông. Liá tet-ngìn-kiâng ke chhìn-khóng he ngì ke chú-siên sṳ-sṳ thoi-thoi chhṳ̍t-to kîm-pû-ngit m̀-sṳt khon-ko ke.’ ” Mô-sî kóng-vàn liá-fa, chhiu chón-sṳ̂n tui Âi-khi̍p-vòng mien-chhièn lì-khôi.

7Koet-vòng ke kôn-yèn tui vòng kóng: “Liá-ke ngìn met-sa ngài-têu oi to kí-sṳ̀ nè? Piong Yî-set-lie̍t-ngìn chéu â, pûn kì-têu hi kin-pai Song-chú — kì-têu ke Song-ti. Âi-khi̍p yí-kîn voi me̍t-mòng lé, kám-kóng ngì m̀-tî?”

8Só-yî koet-vòng ham Mô-sî lâu Â-lùn to-chón-lòi, tui kì-têu kóng: “Ngài pûn ngì-têu hi kin-pai Song-chú — ngì-têu ke Song-ti, chúng-he nai-têu ngìn oi-hi nè?”

9Mô-sî en-kóng: “Ngài-têu oi chhiòn-phu hi, mò-lun ló ke, heu-sâng ke; ngài-têu oi tai-chéu ngài-têu ke chṳ́-ńg lâu ngiù-yòng, yîn-vi ngài-têu yit-thin oi chhai ke-vi ko-chiet, kin-pai ngài-têu ke Song-chú.”

10Koet-vòng kóng: “Na-he ngài pûn ngì-têu tai-chéu ngì-têu ke fu-ńg lâu se-ngìn-è, ke chhiu oi pí-yu Song-chú lâu ngì-têu thùng-chhai ô! Khì-sṳ̍t, ngì-têu sióng oi chho-fán! 11Cho-m̀-tet! Na-he ngì-têu oi-hi kin-pai Song-chú, chṳ́-yû ngì-têu ke nàm-ngìn cho-tet hi.” Kóng-so̍t, kì chhiu chiông Mô-sî lâu Â-lùn kiuk chhut-hi.

12Heu-lòi Song-chú tui Mô-sî kóng: “Ngì oi hiong Âi-khi̍p-thi khià-sú, sṳ́ chhó-máng châ-mân chhiòn-koet; kì-têu oi lòi sṳ̍t-chhiang thi-song só-yû ke chhṳ̍t-vu̍t, chiông mò pûn pên-pho̍k tá-fái ke yit-chhiet sṳ̍t chhiang-chhiang.” 13Só-yî Mô-sî khià-hí kì ke koái-kun-é chṳ́-hiong Âi-khi̍p-thi; Song-chú chhiu chhôi-hí yit-chhṳn tûng-fûng, chhai thi-mien song theu-ngit theu-ya chhôi; to thi-ngi-ngit chêu-sṳ̀n, chhôi-lòi tông-tô ke chhó-máng. 14Ke-têu chhó-máng yit thai-khiùn, yit thai-khiùn pî-tén lòi, châ-mân chhiòn-koet. Án-thai khiùn ke chhó-máng he thèu-pái màng-sṳt yû, chiông-lòi ya m̀-voi yû ke. 15Ke-têu chhó-máng châ-koi thai-thi; thi-song kûi-phien vû-vû. Ke-têu chhó-máng chiông mò pûn pên-pho̍k tá-fái ke chhṳ̍t-vu̍t chhiòn-phu sṳ̍t chhiang-chhiang, lièn su-táng ke kó-chṳ́ ya sṳ̍t chhiang-chhiang. Âi-khi̍p chhiòn-thi, mò-lun thièn-tú ya-he su-táng, khon m̀-tó pan-si̍t chhiâng-set ke.

16Só-yî, koet-vòng kón-kín seu-kien Mô-sî lâu Â-lùn, kóng: “Ngài tet-chhui Song-chú — ngì-têu ke Song-ti; ngài ya tet-chhui ngì-têu. 17Liá-ha chhiáng ngì-têu chai ngièn-liong ngài yit-pái, hiong Song-chú — ngì-têu ke Song-ti khì-khiù, chiông liá sû ló-miang ke chit-fa̍t kié-chhù.” 18Mô-sî lì-khôi vòng, hi hiong Song-chú khì-tó. 19Song-chú chiông tûng-fûng pien-cho yit-chhṳn chhin-khiòng ke sî-fûng, chiông chhó-máng chhiòn-phu kién hí-lòi, chhôi-to Fùng-hói#10:19 “Fùng-hói” khon 13:18.. Âi-khi̍p koet-nui lièn yit-chak chhó-máng ya-mò lé. 20Chúng-he Song-chú sṳ́ koet-vòng sîm-ngang, kì hàn-he m̀ piong Yî-set-lie̍t-ngìn chéu.

(9) Vû-am Châi

21Heu-lòi, Song-chú tui Mô-sî kóng: “Ngì oi hiong-thiên khià-sú, sṳ́ tet-ngìn-kiâng ke vû-am chiông Âi-khi̍p chhiòn-koet châ-tó chhûn-sú put-kien ńg-cháu.” 22Mô-sî hiong-thiên khià-sú, thai vû-am châ-koi Âi-khi̍p chhiòn-koet sâm-ngit kiú. 23Âi-khi̍p-ngìn mien-tui-mien ya khon m̀-tó, sâm-ngit ke tông-chûng mò-ngìn kám lì-khôi chhṳ-kâ ke vuk-hâ; chúng-he Yî-set-lie̍t-ngìn he̍t ke thi-fông chhiòn-phu yû-kông.

24Koet-vòng seu-kien Mô-sî, kóng: “Ngì-têu hi kin-pai Song-chú â! Lièn ngì-têu ke fu-ńg, se-ngìn-è chhiòn-phu cho-tet hi; chúng-he ngì-têu ke ngiù-yòng yit-thin oi liù chhai liá-vi.”

25Mô-sî en-kóng: “Cho-m̀-tet! Ngì yit-thin oi chiông hien sên-chi lâu sêu-fa-chi ke thèu-sâng pûn ngài-têu, ngài-têu chang cho-tet hiong Song-chú — ngài-têu ke Song-ti hien-chi. 26Ngài-têu oi tai ngài-têu só-yû ke thèu-sâng chéu, lièn yit-chak thài ya cho-m̀-tet liù hâ-lòi. Ngài-têu yit-thin oi chhîn-sṳ̂n tho̍k thèu-sâng lòi kin-pai Song-chú — ngài-têu ke Song-ti; yîn-vi màng-to ke-vi yî-chhièn, ngài-têu m̀-tî yin-kôi yung má-ke thèu-sâng hien-pûn Song-chú.”

27Song-chú sṳ́ Âi-khi̍p-vòng sîm-ngang, kì hàn-he m̀-hén piong Yî-set-lie̍t-ngìn chéu. 28Koet-vòng tui Mô-sî kóng: “Chéu-khôi! M̀-hó pûn ngài chai khon-tó ngì. Ngài nai-ngit chai khon-tó ngì, ngì chhiu mò-miang lé!”

29Mô-sî kóng: “Ngì kóng ke mò m̀-chho̍k; ngì yit-thin m̀-voi chai khon-tó ngài lé!”

Actualmente seleccionado:

Chhut Âi-khi̍p Ki 10: THV12Rdb

Destacar

Copiar

¿Quieres tener guardados todos tus destacados en todos tus dispositivos? Regístrate o inicia sesión

Aprende más sobre HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Chhut Âi-khi̍p Ki 10

Versículos bíblicos populares de
Chhut Âi-khi̍p Ki 10

Biblia:

Hakkafa (Roman script)

Versión: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb