Versículos bíblicos populares de Umak 6

Compartir

Bendi be ma sho ha gbam, ki ma yi wuliya-wuliya-wuliya. Ujeso befe le bendi-utung bema be ma nde kunyọng zi lizi ye. Ujeso a ha kung de be le, “Ma li gye he kipi ashi ki yi kpatia he li le kwu ha bel-agyang ufe-ufe sho kunyọng he kanwaa kunyọng zang.”

Ujeso a kung de be le, “bendi be ka utye-ugie kisọm Unim ife mbee bipi puu, ukpọ kubọng kuma le bebwaa-nde le kikwu-lihwan kima be ka he ife ye.”

He kunyọng ahwu Ujeso a fem le he afee kinọng, be nde bendi be sho ha gbam, beshi be ma shi-e le be kaang, likọye be ma yi nya ana itia angi i yi faale undi angwu u kang angi a. A ma fel hwọ abe biwọm gbam.

Ujeso a ma tem shi bikwole-kuhwo gbam ha he kubọng kuma ye. A ma kee-kee pwọm bendi-angbam zang a kubwo mbee abe. Ki ma kwu Ujeso he kuhwo likọye be fe lityam he ahe ye. Ujeso a ma gye he abọng angi a yi ha kpee-kpee le hwọ bendi.

Ujeso a ha kung bikem ibred bidyọng le ikwan ifee ana kwu he kubwo, u kung ashi gye he lifung-atabe pee Unim. A kung ibred bun ibun-ibun kung ke bendi-utung bema le be kpe ke bendi abena. A mbee kung Ikwan ifee hwọ ke be puu. Befe puu be ma zi gwul, bendi-utung bema be gbọng bigem ibred le ikwan abi be zi bi ma teng, bi sho bitetel lihwo le bi bifee.