Versículos bíblicos populares de Wutuluce 3

Compartir

Mulungu nayo yakamutya, Musa, “ANE YO NENE, MONO YO NENE,” wubite wukawalonjele wutye, “ANE YO NENE yo yanhumile kuli'nye.”

Ninga Mulungu yakamutya Musa, “Ane nowa nili hamonga nagwe, na kolo wakondya kuwawusa wanhu ku wulawa ku Misili, waze wahembe nene mwi'tunda alino, cico cowa co citanjilo cono colajila vyono, ane yo nene mono nghutumile.”

Mulungu yakamutya, “Ale, wulanjilile, wulece kusejelela behi muno muno na baha. Wuvule malatu gako mu magulu gako, hambi bahano hono wimile, nha hanhu hono helile.

Nayo Muwaha Mulungu yakawa kumutya, “Gwe Musa, ane nakondya kuwuwona wugaye we wanhu wangu wa ku Misili, nicihulika ne cililo cawo, vyono wakusaka waponywe ku wulawa mu miwoko ye wemilizi wawo, wono wakuwetumya ciwanda wanda. Nane nizimanyile zose zo wugazwe wawo. Holeka aluno nhima ho niwaponye ku wulawa mu miwoko ye Wamisili. Niwawuse mu yisi ya Misili, niwategule sunga ko ku yisi swanu. Yisi yono yina moso, hamonga no wumemelecele wo wuswanu wose, yisi yono aluno wekaye wa Kanani, ne Wahiti, ne Waamoli, ne Wapelizi, ne Wahivi, ne Wayebusi.

Malayika wo Muwaha Mulungu yakejelela mu cititika kuli Musa, yehwanile nhe 'lambi lyo moto. Nayo Musa yalanje nhavi, yakawona vyono cititika cacile moto, ninga hamba si cikuticimila yaye.

Holeka aluno nghukutuma kuli Falawo mutemi we Misili, ho wukawawuse wanhu wangu Waisilayeli mu yisi yiyo.”