Versículos bíblicos populares de Filibiwu 2

Compartir

Bare awima kǝla rawon bi rokuran diwwi, amma rokura bawoalan nayiro ngalworo am gadea ngonowo. Wundundo yaye awo kǝlanjuye runjuro gǝni, am gadeye yero kissuwo.

Hal duwon Isa Almasiwulan dǝganadǝa nayi ye ngonowo

Ti naptu Alaye duwon, Alaa kalkaldunjudǝa awo dunon tayero ngojǝnni, amma kǝlanjua awima gǝniro kalakce alama wolodiye ngoje kam-a camunno walyeno. Camuno kambe ngoyenniya, kǝlanjua waje har karmoro Alaa giya, karmo duwon kǝskaro tia jajagane nunadǝ.

Aladǝma njasakke awo cǝraanadǝa kasadduwe diwidǝ wo.

Adǝma nangaro Ala tia na jaumaro darajaaro cade tiro cu duwon cu sammaa kojǝnadǝa kaino, cu Isaye nangaro ngurumngurum fi yaye same-a cidi-a curo cidiyaye-alan fido, daraja Ala Bawadǝyero tǝlam fi yaye ye Isa Almasiwudǝ tima Kǝmadǝ woro wuljo!

Awi diwi yaye bare suwollan bi kambiwulan diwwi. Ngainin nayidǝ tadawa Alaye taldu bawoa-a biwu bawoa-a awo waada bawoa-aro dawu jaman diwi-a karwu yeskada-ayen walluwe dawunjan sillowu gai dunialan yiyilluwi.

Adǝ nangaro, kǝrawowuni, sawi yaye manani gawwadǝ gai, wu dawundon runju gǝni, kǝrma ye wu bawoman caye baworo kida njǝkkawondoyedǝa Ala rida-a lolodu-an dewo