Versículos bíblicos populares de Filipi 1

Compartir

N be laaren a la, Ala min be wali ɲinma fɔlɔren wo tɛma, a be tola wolo tɔ han a ni a lakamali, a la mɔgɔ masubɛreŋɛ Isa be tanala lun min na.

Awa, n be Ala mataranna le wo ye, alako wo la kanunteya ni to yiriwala le, han ko lɔŋɛ anun hakkilimaya ni siya wo bolo a ɲinma la. Wolo si a ma wo ni nɔ koenu fatanfasila ɲɔgɔn ye, minnu sɔdula kolo. Wo butɔ, wo juse ni beeya, malakɔrɔsi yo kana to wo ma Ala la mɔgɔ masubɛreŋɛ tana luŋɛ.

N na dunuya tatɛgɛ butɔ, n si sɔ le Ala la mɔgɔ masubɛreŋɛ kɔma. N na faga kan be mala n ɲɛ geenɛ le la.

N tini n mira wole la ko la, n si n Marige Ala tantu le.

Wo tagamanɲa ni bɛn Ala la mɔgɔ masubɛreŋɛ la kibaru ɲinma ma tun. Wolo si a ma, ka n be wo ɲaama ba, ka n bele wo ɲaama ba, n si nɔ le a lɔnna hakkili dɔndɔ le be wo ye, wo bɛ be katala dɛnkɛnɛya le la, dɛnkɛnɛya min be fatanden Ala la kibaru ɲinma la.

Awa, n yili be min ma kɔtɛ, n te malu fenfen na. N ni limaniya kɔtɛ iko tɛmu tanbireŋɛnu, alako Ala la mɔgɔ masubɛreŋɛ ni kunnawule sɔtɔ n na simaya, ka wo ma n na faga sabu la.

Iyon, Ala bata hinnɛ wo la kɛ ko fila bɛ la: wo la dɛnkɛnɛya la a la mɔgɔ masubɛreŋɛ ma, anun wo la tɔɔrɔ koe la a ye yati.