Luke 12 ZIV [abbreviation] brought to you by [publisher] Learn more

Devotional

Versions

Cancel
 
12
Vauhilhnate le Hanthawnnate
1Tua hun laitak, khat le khat kisikkha zah dongin mi tul tampi a kihonkhop uh ciangin Jesu in a masa penin a nungzuite kiangah, "Kineihsiamna ahi Pharisee-te silngo lakah na kikem un. 2 A kipholak lo ding, a kiselcip bangmah om lo a; a kitheikhawk lo ding a ki-imcip bangmah a om kei hi. 3 Khuamial sunga na gente uh sun nitang sungah kiza dinga, inn sungtawnga na huausimte uh innkhum dawnah kitangko ding hi.#Mt 16:6
4 "Ken kong geninah lawmte aw, pumpi a thah khit ciangin aban bangmah a cih thei nawn lote na kihta kei un. 5 Ahi hangin na kihtak ding uh kua hiam cih kong lak ding hi: Pumpi a thah khit ciangin hell khuk sunga hong paii thei dinga vangliatna a neipa na kihta un. Hi hi, ken kong geninah amah na kihta un. 6 Kawlgit nga ciangin penny b#12.6 Greek ah assaria nih nih in kizuak hi lo ahi hiam? Tua hi napi Pasian in kawlgit khat zong a mangngilh kei hi. 7 Na samzangte khempeuh uh kisim khin takpi hi. Lau kei un; kawlgit tampi sangin note na manphazaw uh hi.#Jn 15:14-15
8 "Ken kong geninah, mite mai-a kei hong sang peuhpeuh Mihing Tapa in Pasian vansawltakte mai-ah a sang ding hi. 9 Ahi hangin mite mai-ah kei hong kitheihmawhbawlte Pasian vansawltakte mai-ah ka kitheihmawh bawl ding hi. 10 Tua ahi ciangin Mihing Tapa a langgente peuhmah kimaisak dinga, ahi hangin Khasiangtho a gendai peuhpeuh a kimaisak kei ding hi.#Lk 15:10
11 "Synagogue-te mai ahi zongin gam-ukte le thuneite mai-ah ahi zongin note hong kipaipih ciangin bang kici hutin, bang gen ding cih lunghimawh kei un. 12 Tua hun ciangin na gen ding uh Khasiangtho in hong hilh na ding hi," ci-in a gen hi.
Ahau Mihaipa tawh Gentehna
13 Mihonpite lakah khat in, "Sia aw, ka sanggampa tawh ka gamh luah dingte ka hawm nadingun ama tungah hong gensak in," a ci hi.
14 Jesu in, "Mihingpa, nogel kikal-a thukhen ding ahikeh lemgen dingin kua in kei za hong pia hiam?" ci-in a dawng hi. 15 Tua ciangin amah in amaute kiangah, "Kigalging un! Huaihamna nam khempeuh panin na kikem un; mihing nuntakna pen neih le lama bucinna tawh a kim kei hi," a ci hi.#Job 20:20; Ph 62:10
16 Tua ciangin amah in amaute kiangah gentehna gen a, "Mi hau khat lo ah an tampi a piang hi. 17 Tuapa in, ‘Bang ci ding ka hi hiam? Ka ante ka khol nading mun ka nei kei hi,’ ci-in a ngaihsun hi.
18 "Tua ciangin amah in, ‘Hih ka hih ding hi. Ka salte phelkhia-in a lianzaw ka lam dinga, tua lai-ah ka ante khempeuh le ka vante ka koih ding hi. 19 Tua ciangin, ‘Kum tampi man ding na hoih tampi ka koih khin zo hi. Nuntakna nopzatin, nene-in dawndawnin gualnuam in, ka kici ding hi,’ ci hi.
20 "Ahi hangin Pasian in ama kiangah, ‘Nang mihaipa! Tu zan mahmah in na nuntakna nang tung pan hong kilaksak ding hi. Tua hileh nang adinga na koihkholhte kua in tang ding ahi hiam?’ ci hi.
21 "Pasian lamah hau lo a, ama adinga na a kholte peuhmah tua bang hi ding hi," a ci hi.#Thn 11:9
Lunghimawh Kei Un
22 Tua caingin Jesu in a nungzuite kiangah, ‘Tua ahi ciangin ken kong geninah na nuntak nading, na nek ding ahi zongin, na silh na ten ding ahi zongin na pumpi uh ading bangmah lunghimawh kei un. 23 An sangin nuntakna thupizaw a, puan sangin pumpi thupizaw hi. 24 Va-akte na ngaihsun dih un: Tuate in vawh lah vawh lo, at lah at lo, gawdam ahi zongin sal ah ahi zongin a khol kei uh hi. Tua hi napi Pasian in tuate a vak hi. Vasate sangin note na manpha zawtham pek uh hi! 25 A lunghimawh manin a nuntak hun nai khat bek nangawn a sotto a#12.25 Ahikeh a tun tong khat a khan thei thei note lakah kua om ahi hiam? 26 Hih bang thu neucik khat nangawn na hih theih loh khit nungsangun adangte bang lunghimawhna na hi uh hiam?#Ph 147:9
27 "Unokte khanzia na ngaihsun un. Na sem loin khau lah a khek kei uh hi. Tua hi napi Solomon nangawn a thupina khempeuh tawh a kizep laitakin, hihte zahin zong a kizem zo kei hi. 28 Upna neu mite aw, tuni-in hih lai-ah om a, zing ciangin mei-a kikhul ding lopa kung khat, Pasian in tua zahin zem ahileh amah in note puan hong guan zaw tham ding hi! 29 Tua ahi ciangin na nek na dawn ding uh ngaihsut penin nei kei un; tuate na lunghimawh kei un. 30 Hih nate khempeuh leitung lawkite in zon penin a nei uh hi. Hih nate na kisap lam uh na Pa un a thei hi. 31 Ahi zongin Pasian gam na zong un, tua hileh hih nate khempeuh hong piathuah ding hi.
32 "Tuu hon tawmkhate aw, na Pa un note gam hong piak ding lungkim khin ahi manin na lau kei un. 33 Na neihsate uh zuak unla mizawngte na pia un. A patvang thei lo sumbawm no le no na kiguan unla, a bei thei lo, gutate in a naih theih loh le nget nek theih lohna mun vantungah na gou uh khol un. 34 Ahang in, na gou omna munah na lungsim zong om ding hi.#Jas 5:2
Kigalginna
35 "Na sem dinga kisa kholsa in om unla, meivak kuangsa-in om un; 36 mopi powi sima hong ciah kik, kong a kiuh pheta a honpah thei dinga a pu uh a ngakte bangin om un. 37 A pu uh a pai ciangin tua banga a ngak laitak a tuah nasemte hampha ding uh hi. Thutak kong geninah, an vak dingin amah kithawi-a, a nasemte sabuai ah kingamsakin amaute ankuang a lui ding hi. 38 Zan, vil nihna ahi zongin, vil thumna ahi zongin a pu a pai cianga, a pu in kigingsa-a om a tuah nasemte a hampha ding uh hi. 39 Ahi hangin note in hih thu na theitel un: Inn neipa in zanlai bang hunin gutate pai ding hiam cih theikhol leh a inn kiluhsak lo ding hi. 40 Na muanmawh loh hun laitakun Mihing Tapa hong pai ding ahi manin note zong pel loin kigingsa in om un," a ci hi.#Mt 24:42,46
41 Peter in, "Topa aw, hih gentehna ko tung beka gen na hi hiam, ahikeh mikim tunga gen na hi hiam?" ci-in a dong hi.
42 Topa in, "Tua ahileh ama inn sunga nasem dangte ukin, amaute a hunhuna an a pia dinga a pu in a koih, a muanhuai a pil sungtapipa kua ahi hiam? 43 A pu a ciah kik cianga tua banga a sep laitak a tuah nasempa hampha ding hi. 44 Thutak kong geninah, a pu in tuapa a neihsa khempeuh a uksak ding hi. 45 Ahi hangin tua nasempa in, ‘Ka pu sawtveipi hong tam na inteh,’ ci-in nasem-numei le nasem-pasalte satgawp henla, an ne in zu dawnin zu na kham leh, 46 a lamet loh ni le a khuadon loh hun laitakin a pu tung dinga, tua nasempa a pu in atnenin thu um lote tawh mun khatah a koihkhawm ding hi.
47 "A pu deihna thei napi-in, a pu deihna banga gamta lo-a, kigingkhol lo tua nasempa tam veipi a kisat ding hi. 48 Ahi hangin bangmah thei lo-a gawtna thuak nadinga kilawm nate a hihpa ahileh tawm vei kisat ding hi. Tampi a kipiate tung panin tampi kingen kik ding hi; tampi a ki-apte tung panin a tamzaw lai kingen kik ding hi.#Sp 5:17
Kilemna hi lo Kikhenna
49 "Leitungah mei puak dinga hong pai ka hi hi. Tua mei a kuang khin hileh ut sing! 50 Ahi hangin ka thuak ding baptisena khat oma, tua a kizawh siang mateng ka lungdong mahmah hi! 51 Leitung ah kilemna puak dingin hong pai hi, ci-in hong ngaihsun kha uh hiam? Hi lo hi, ken kong geninah kikhenna khah dinga hong pai ka hi hi. 52 Tu-a kipanin innkuan khat mi nga a phate, thum lang ah nih, nih langah thumin khat le khat kilangpang ciat ding uh hi. 53 A tapa langah a pa, a pa langah a tapa, a tanu langah a nu, a nu langah a tanu, monu langah teknu, teknu langah monu kilangpan ciatin amaute a kikhen ding uh hi," ci-in a dawng hi.#Mt 10:21,22
Hunte Khiatna
54 Amah in mihonpite kiangah, "Nitumna-lam panin meii hong kai na muh uh ciangin, ‘Guah zu ding hi,’ na ci thei pah uh a, guah lah a zu takpi hi. 55 Leitaw-lam pana huih a nun ciangin, ‘Khua lum ding hi,’ na ci uh a, a lum takpi hi. 56 Kineihsiamte! Van le lei maitangte pianzia na khia thei uh hi. Bangci bangin tu lai hun khia thei lo na hi uh hiam?#Mt 6:2
57 "Bang hangin note in amaan le amaan lo khen thei lo na hi uh hiam? 58 Thukhenpa kiangah na langpa tawh na paikhawm laitak mah un lampi-ah na kilemkik zawh nading nakpi in hanciam in. Tua hi kei leh amah in thukhenpa kiangah nang hong kai dinga, thukhenpa in bupa tungah hong apin, tua bupa in nang thong sung hong denna ding hi. 59 Ken kong geninah, na liausum na piak khit siang matengin na suakta kei ding hi," a#12.59 Greek pau in lepton a ci hi.#Mt 5:25,26