1 TISALONIKA 1
1
1 Aku i Paulus, mabaya' ri Silas am i Timotius.
Surat ti posoboyon ra pasimpungan ulun Kristian ra bandar Tisalonika, ulun kau ri Aki Kapuuno', i Ama', am poyo ulun kau ru Tuhan Jisus Kristus:
Gama' ru i Aki Kapuuno' manaak ramuyun ra barakat am pabansayan.
Kaayagan am pangintapatan ru ulun Tisalonika
2Masalok akai maringkuanang ri Aki Kapuuno' sabap ra akau ngai' am masalok niayuk mangkara' ramuyun ralalom pakiasian mai. 3Makara' mai ralalom pakiasian mai ri Aki Kapuuno', Ama' takau, ati kulaan akau mangintopot ri Kristus, motogom kau ra ulun bokon suku' mapirot toojo mangindangan risilo am poyo maikang lansan mino ra Tuhan takau i Jisus Kristus. 4Pabukat kau ngai' ra Kristian, nakapandai akai ra motogom i Aki Kapuuno' ramuyun am nampili' ramuyun masauk ra ulun Nano. 5Ginio nai ra pampatanawan mai ra Tanou Moonsoi ti ramuyun i, sala' ka raragu ayuk, kaa' mabaya' ra kuasa' ru Ambiluo ri Aki Kapuuno' am mabaya' poyo ra kapandayan ra Tanou Moonsoi no motopot. Nakapandai kano ati kulaan kiralan ru kaayagan maili paat ra akai soroi ramuyun, koson nampakaatang akai ayuk ramuyun. 6 Timinilu kau ramon am niayuk ra Tuhan, am kabalu' pana naimbolo' kau toojo, inapu min niayuk bala' i mabaya' ra kaansukan ondo' tinaakan ru Ambiluo ri Aki Kapuuno'. 7Ginio nai ra nasauk kau boo ra tiluan ru ngaangai' ulun Kristian giu' ra pagun Makidonia am Akaya. 8Sabap ra tumalimpuun intor ramuyun, bala' ru Tuhan nakasaboi noyo ra Makidonia am Akaya. Am sala' ka ginio ayuk, kaa' tanou intor ra pangintapatan min ri Aki Kapuuno' nakasuku' noyo ra ati-ati ayuk intok, saboi akai kalo pana boo mindagu intor raginio. 9Sabap ra ilo galama' mantunung boo ra ati kulaan nangapuan min ramon paat ra akai minongoi ramuyun gili. Mantunung ilo ati kulaan timinalikur kau intor ra sumamba ra sinungkalalaing, am mangandoi boo ri Aki Kapuuno' ondo' maayag am motopot. 10Am ati kulaan maginaa kau ra ratangan ru Anak Nano intor ra suruga', Io ondo' binayag saguli' intor ra kapatayan. Io no i Jisus Kristus ondo' mampalabus ritakau intor ra sangit am ukum ondo' matong no.
Currently Selected:
1 TISALONIKA 1: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.