Marko 12
12
Cikozyano cabasimuunda
(Matayo 21:33-46; Luka 20:9-18)
1 #
Mt 21:33-46; Lk 20:9-19 #
Is 5:1-2
Lino wakatalika kubaambila muzikozyano. Wakati, Umwi muntu wakalima muunda wamasaansa, elyo wakauzyungulusya lubaya, alimwi wakasya idindi lyakusinina masaansa, akuyaka ingazi, Nkabela wakaubika mumaanza aabalimi, elyo wakainka kucisi cimbi. 2Lino kuciindi ceelede wakatuma muzike kubalimi, kuti atambule kulimbabo imwi micelo yamumuunda. 3Lino naakasika, bakamujata, bamuuma, bamutanda, wapiluka acinkamba minwe. 4Alimwi wakabatumina umbi muzike wabili, elyo oyo bakamuuma amutwe, akumubbunta. 5Lino wakabatumina umbi watatu, nkabela oyo bakamujaya. Abamwi banji bakabacitila mbubonya obo, bamwi bakabauma, abamwi bakabajaya. 6Lino kwakamusyaalila omwe, mwana wakuzyala ngwaakali kuyandisya, elyo munsi wakabatumina nguwe, nkaambo wakati, Mbwali mwanaangu bayoomulemeka. 7Pele abo balimi bamubone buyo, bakaamba kuti, Ngooyu uuzoolya izina, kamuza, tumujaye, kuti lubono lube lwesu, 8#Heb 13:12Mpoonya bakamujata, bamujaya, elyo bakamusowela kunze lyamuunda. 9Lino awo mukamwini muunda ulacita buti? Inga ulaboola kuzoojaya balimi abo, elyo muunda uyoobapa bambi. 10#Int 118:22-23Sa tamunakwiibalide iŋwadi eyi iiamba kuti,
Ibbwe ndibakasowede basikuyaka,
Ndilyonya ndilyakaba mutwe wacooko.
11Aya makani azwa ku-Jehova,
Alayoosya mumeso esu.
12Lino bakali kuyanda kumujata, pele kwakabayoosya buyo makamu aabantu, Nkaambo bakaziba kuti eco cikozyano cakali kwaamba ambabo, Elyo bakamusia, bainka.
Makani aamutelo
(Matayo 22:15-22; Luka 20:20-26)
13 #
Mt 22:15-22; Lk 20:20-26 #
Mk 3:6
Lino munsi bakamutumina bamwi ba-Farisi abana-Heroda, kuti bakamoonge mukwaamba. 14Basike buyo, bakamwaambila kuti, Mufundisi, tulizi kuti yebo uli muntu uuluzi, tokwe kampenda amuntu pe, nkaambo toebi ciwa camuntu pe, pele ufundisya inzila ya-Leza cakusinizya. Sa ncibotu kuti katunga katutela kuli-Kaisara na ncibi? 15Sa tukape nanka tukakake? Pele walo mbwaakaziba bupelenge bwabo, wakati, Ino mundisunkilanzi? Amundiletele isheleni, ndibone, 16Mpawo bakalileta. Lino wakababuzya kuti, Ino ncicani eci cifwanisyo cili alindilyo, abwalo bulembo mbubwani? Bakamuvwiila kuti, Nzizya-Kaisara. 17#Rom 13:7Mpoonya Jesu wakabaambila kuti, Zintu zya-Kaisara amuzipe Kaisara, azyalo zintu zya-Leza amuzipe Leza, Elyo bakagamba loko,
Makani aabubuke bwabafu
(Matayo 22:23-33; Luka 20:27-40)
18 #
Inc 23:8; Mt 22:23-33; Lk 20:27-38 Munsi kwakamusikila ba-Saduki, mbabaabo bakazya kuti bafu tababuki Lino bakamubuzya kuti, 19#Dt 25:5; Matl 38:8Mufundisi, Musa wakatulembela kuti, na muntu wafwa, wasia mukaakwe, katakwe mwana, mwanaakwabo uleelede kumukwata mukamufu, kuti azyalile mwanaakwabo bana. 20Lino kakuli bamwi babunyina bali musanu ababili, nkabela mupati wabo wakakwata mwanakazi, wakafwa, amwana pe. 21Elyo wakamukwata wabili, alakwe wakafwa, takasiide amwana, awatatu mbubonya. 22Mane boonse bali musanu ababili, taakwe iwakasia mwana pe. Bamane buyo kufwa boonse, wakafwa mwanakazi alakwe. 23Ino kubuzuba bwakuyoobuka nguli akati kabaabo boonse ngwayoobeda mukaakwe? Nkaambo boonse abo bali musanu ababili bakalimukwete. 24Jesu wakabaambila kuti, Sa embo mbombubo obo ncimwasweekela, nkaambo tamuzi malembe niziba inguzu zya-Leza? 25Ikuti ciindi ncibayoobuka kubafu, tabakwati nikuba kukwatizigwa pe, pele bali mbuli baangelo bakujulu. 26#Kul 3:2,6; Mt 8:11; Lk 16:22Pele kumakani aakubuka kwabafu, sa tamunabalide mubbuku lya-Musa, kunkani yaciteu, mbwaakamwaambila Leza, wakati, Ndime Leza wa-Abrahamu, a-Leza wa-Izaka, a-Leza wa-Jakobo? 27Tali Leza wabafu pe, ngwabaumi. Anu ncobeni mwasweeka.
Mulazyo uuinda milazyo yoonse
(Matayo 22:34-40)
28 #
Lk 10:25-28; Mt 22:34-40; Lk 20:39,40 #
Lk 10:25-28
Lino umwi mulembi iwakamvwa nibakali kubuzyanya, abone buyo kuti wakali kubavwiila kabotu, wakamubuzya kuti, Ino nguli mulazyo uuinda milazyonyina yoonse? 29#Dt 6:4-5Jesu wakavuwa kuti, Mulazyo mupati ngooyu, Komvwa, yebo Israyeli, Jehova ngu-Leza wesu, Jehova ngumwi. 30#Joh 15:12Uleelede kuyandisya Jehova Leza wako amoyo wako woonse, akumuuya wako woonse, akukuyeeya kwako koonse, akunguzu zyako zyoonse. 31#Lev 19:18Awabili ngooyu, Koyandisya mweenzinyoko mbubonya mboliyanda omwini, Taakwe mulazyo umbi uuinda yeeyi. 32#Dt 4:35; 6:4Lino oyo mulembi wakamwaambila kuti, Mufundisi, ncobeni waamba kabotu mbowati ngumwi buyo, taakwe umbi pele alike du. 33#Hos 6:6; 1 Sam 15:22Alimwi, kuyanda nguwe amoyo woonse akukuyeeya koonse akunguzu zyoonse, akuyanda mweenzinyoko mboliyanda omwini, kulainda kutenta mutunta uuenzene wacipaizyo azituuzyo zyoonse. 34#Inc 26:27-29Lino Jesu naakabona kuti wavuwa camaanu, wakamwaambila kuti, Toli kule a-Bwami bwa-Leza, Nkabela kuzwa kuciindi eco katakwe muntu uuyumya moyo akucimubuzya-buzya makani.
Kristo mwanaakwe Davida
(Matayo 22:41-46; Luka 20:41-44)
35 #
Mt 22:41-46; Lk 20:41-44 Lino Jesu naakali kwiisya muntempele wakabuzya kuti, Ino kai balembi baamba buti kuti Kristo mwana a-Davida? 36#Int 110:1; 2 Sam 23:2; Joh 7:42Davida mwini wakaamba ku-Muuya Uusalala kuti,
Jehova wakaambila mwami wangu kuti,
Kala kululyo lwangu,
Mane nkabike basinkondonyoko kunsi amaulu aako.
37Ino obo Davida mwini mbwamwaamba kuti, Mwami, ino kai alimwi ulaba buti mwanaakwe? Elyo banamaleya boonse bakamumvwa cakubotelwa.
Balembi mbubakatapatilwa kwa-Jesu
(Matayo 23:1-12; Luka 20:45-47)
38 #
Mt 23:1-39; Lk 20:45-47 Lino mukwiisya kwakwe, wakati, Amucenjele balembi ibayandisya kuya bweenda kabasamide zikobela zilamfu, akujuzigwa mucisambalilo, 39akunonzomana azyuuno zyakunembo muzikombelo, azikalilo zitaanzi kumapobwe, 40alimwi balalya imbono zyabamukabafu, akukomba itololongo cakuupaupa ameso. Mbimbaaba bayoojana mulandu mupati.
Mukamufu mucete
(Luka 21:1-4)
41 #
Lk 21:1-4
#
2 Bam 12:9
Nkabela naakakede kumbali aciyobwedo cazitambiko, wakali kweebelela bantu mbobakali kuwaala mali muciyobwedo. Bavubi banji bakali kuwaala mali manji. 42Lino kwakasika umwi mwanakazi mukamufu mucete, walo wakawaala buyo tudibilisi tobile, nkukuti ikobili lyomwe. 43Mpawo wakaliitila basikwiiya bakwe, wabaambila wati, Ncobeni ndamwaambila kuti oyu nwanakazi mucete wabainda boonse bawaala mali muciyobwedo omu, 44#2 Kor 8:12nkaambo kakuti boonse bali kuwaala mbubonya mbuli bunji bwalubono lwabo, anu walo mubucete bwakwe wawaala zyoonse nzyajisi, mbubuumi bwakwe boonse.
Currently Selected:
Marko 12: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.