Matayo 28
28
Jesu mbwaakabuka kuzwa kubafu
(Marko 16:1-8; Luka 24:1-12; Johane 20:1-18)
1 #
Mk 16:1-10; Lk 24:1-10; Joh 20:1-18 Lino nibwakamana buzuba bwa-Sabata, nkabela nibwakaca buzuba butaanzi bwansondo, kwakasika Maliya mu-Magdala a-Mariya umwi kuzoobona kabanda. 2Mpawo kwakaba muzuzumo mupati wanyika, nkaambo angelo wa-Jehova wakaseluka kuzwa kujulu, weza kuzookunkulisya ibbwe kuzwa kumulyango, wakala alindilyo. 3#Mt 17:2; Inc 1:10Nkabela ciwa cakwe kacili mbuli lulabi, azyakusama zyakwe zyakatuba buu mbuli lukobo. 4Lino balindizi bakakankama cakumuyoowa, baba mbuli bafu. 5Nkabela angelo wakavwiila banakazi kuti, Mutayoowi inywe, nkaambo ndizi kuti mulayandaula Jesu iwakabambulwa aciingano. 6#Mt 12:40; 16:21; 17:23; 20:19; Inc 2:36Tako okuno, ulibukide mbubonya mbwaakaamba. Amuboole, mubone nkwaakalede Mwami. 7#Mt 26:32Lino kamuya lubilo kuyooambila basikwiiya bakwe kuti ulibukide kubafu, alimwi ulamusaangunina kuya ku-Galilaya, nkukonya oko nkumuyoomubonena. Amulange, ndamwaambila! 8Lino bakazwa mukabanda cakuyoowa acakukondwa loko, bazuzaana kuyooambila basikwiiya bakwe. 9Nkabela mpawo Jesu wakabaswaana, waamba wati, Mwabonwa! Lino balo bakaswena kuzoomujata kumaulu aakwe akumukomba. 10#Heb 2:11; Matl 45:4; 50:19Mpawo Jesu wabaambila wati, Mutayoowi! Kamuya, mwaambile bakwesu kuti baye ku-Galilaya, bayoondibona nkukonya.
11Lino nibakacili kuya, mpawo bamwi balindizi bakanjila mumunzi akwaambila bapaizi basimutwe makani oonse aakacitika. 12Mpawo nibakabungana antoomwe abapati bakabuzyanya, bapa basinkondo mali manji, 13#Mt 27:64bati, Amwaambe kuti, Basikwiiya bakwe bakeza masiku nitwakali koona, bamubba. 14Nkabela na camvwigwa obo kumwami, tulamukombelezya kuti mutapegwi mulandu. 15Lino balo nibakatambula mali ayo, bakacita mbubonya mbubakalaililwa, Nkabela ijwi eli licaambwa mbubonya akati kaba-Juda nikuba kusikila sunu.
Jesu mbwaakaboneka mu-Galilaya
16 #
Mt 26:32; Mk 14:28; Mt 28:7 Lino basikwiiya bali ikumi aumwi bakaya ku-Galilaya kucilundu ncaakabaambila Jesu. 17Nkabela nibakamubona, bakamukomba, pele bamwi bakadoneeka. 18#Mt 11:27; Ef 1:20-22; Dan 7:14Lino Jesu wakeza, wabaambila wati, Ndapegwa bwami boonse nibuba bwakujulu nibuba bwaansi. 19#Inc 1:8; Mk 16:15,16Nkaambo kaako kamuya mukabaiisye bantu bamisyobo yoonse, akubabapatizya muzina lya-Taata alya-Mwana alya-Muuya Uusalala, 20#Mt 18:20; Joh 14:23alimwi amubaiisye kuti bajatisye makani oonse ngendakamulailila. Amulange, ndaba anywe mazuba oonse nikuba kusikila kumamanino aaciindi.
Currently Selected:
Matayo 28: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.