Jeremiya 8
IBBAIB63
8
1Kuciindi eco, mbwaamba Jehova, bayoogwisya zifuwa zyabami ba-Juda, azifuwa zyabasilutwe babo, azifuwa zyabapaizi, azifuwa zyabasinsimi, azifuwa zyabantu ba-Jerusalemu; bayoozigwisya zyoonse mutubanda twazyo. 2#Dt 4:19; Jer 44:19; 2 Bam 23:5; 9:36; Int 83:10Bayooziyanika mumumuni wazuba awamwezi awamakamu oonse aakujulu, nzenzizyo nzibakali kuyandisya akukomba, nzenzizyo nzibakali kuya butobela akuziyandaula akuzipailila. Tazikooyoobungikwa nikuba kuzikwa, pele ziyooba imbolezi buyo atala lyavu. 3#Job 3:21; Ciy 9:6Nkabela lufu luyoosalwa kwiinda buumi kubantu boonse bacisyeede baluzubo olu lwabubi kumasena oonse nkundabatanda, mbwaamba Jehova wamakamu.
Bufubafuba bwaba-Israyeli mbobuti bamanisye
4Lino uleelede kubaambila kuti, Mbuboobu mbwaamba Jehova. Na muntu wawa, sa tabuki alimwi? Na muntu waleya, sa tabooli munzila iielede? 5#Is 1:20; Jer 5:3; Zek 7:11Pele bantu aba baku-Jerusalemu, nkaambonzi indeyo zyabo tabazileki abuniini? Balakakatila kulweeno lwabo, balakaka kuboola. 6#2 Pet 3:9Ndakacenjeka matwi kuti nswiilile, pele tabakwe nibakaamba kabotu. Taakwe naba omwe uuempwa kububi bwakwe, uuamba kuti, Ma! Ndacitanzi? Boonse buyo balaya butobela makanze aabo beni mbubonya mbuli imbizi mbiizuza mukati kankondo. 7#Is 1:3; Lwi 2:12Ma! Itongola lyakujulu lilizi ziindi zyalyo zyeelede. Sicinkwela asikamembya asikolyo boonse balibwene ziindi zyabo zyakuboola. Pele bantu bangu tabezi mulazyo wa-Jehova.
8 # Int 147:19,20; Hos 8:12 Ma! Mulaamba buti, Tuli basongo, amulao wa-Jehova tuli awo? Cilembyo cakubeja cabalembi capilinganya makani. 9Basongo bafwa insoni, bayoowa, bacegwa. Ncobeni ijwi lya-Jehova balilikakide, lino mbusongonzi mbubajisi? 10#Dt 28:30; Am 5:11; Is 28:7; Malo 4:13; Jer 6:12-15; 5:31Nkaambo kako njoopa bambi banakazi babo, amyuunda yabo iyoovubwa beenzinyina, nkaambo boonse buyo, nibaba baniini nibaba bapati, balayandisya kunyanzya-nyanzya, abasinsimi abapaizi boonse balacita cakubeja. 11#Jer 6:14; Ezk 13:10Balasilikasilika mibunda yamwana musimbi wabantu bangu amajwi aabo aakuti. Muli aluumuno! Muli aluumuno! anukuti taakwe luumuno pe. 12#Is 3:9; Jer 3:3Sa bakausa insoni nibakacita zisesemyo? Ne! Teebakafwa insoni. Kufwa bweeme tabakuzi pe. Nkaambo kako bayooba akati kabaabo bawide mulufu. Kuciindi cakukomwa kwabo bayoonyonyooka, mbwaamba Jehova. 13#Is 5:1; Mt 21:19; Lk 13:6Ndakayanda kubacela, mbwaamba Jehova, pele taakwe masaansa kumusamu, taakwe inkuyu kumukuyu, aalo matu aabo alapusaama, aceeco ncindakabapa caindilila.
14 # Jer 23:15 Ino nkaambonzi tulikede buyo? Amuyoboloke, twiinke kuminzi iili amabaya, tukalobele nkuko, nkaambo kuloba ncencico Jehova Leza wesu ncatubikila, Watunywisya maanzi aali ancefu, nkaambo twabisizya Jehova. 15#Jer 14:19Twakali kulangila luumuno, pele katakwe coolwe ncitwakajana pe. Twakali kulangila ciindi cakuponesegwa, pele kwasika makani aayoosya buyo. 16Kumbululuzya kwambizi zyakwe kwamvwigwa aku-Dani, Nyika yoonse ilakankama nkaambo kajwi lyakulila kwamabbiza aakwe. Balaza kuzoolidilila nyika azyoonse zili mumonya, munzi abantu bakede mulinguwo. 17Ncobeni ndatuma akati kanu inzoka, bacipele batakonzyi kuzyondolwa, nkabela bayoomuluma, mbwaamba Jehova.
Musinsimi ulalila bantu bakwe
18Buusu bwangu tabusilikiki, Moyo wangu ulacisa mucamba cangu. 19Swiilila! Lyamvwigwa ijwi lyakulila kwamwana musimbi wabantu bangu, balalila moonse moonse munyika. Sa Jehova tali mu-Zioni? Sa mwami wakwe tali mukati kakwe? Ino nkaambonzi bandikalazya azikozyano zyabo zifulidwe azintu zyeenzu zyabuyo? 20Kutebula kwamana, micelo yamainza yacelwa kale, pele iswe tatuna kufutulwa pe. 21#Nah 2:10Mubunda wamwana musimbi wabantu bangu ngonguwo ngundauminwa mibunda ambebo. Ndaya bulila, akuyoowa kwandijata. 22#Matl 37:25Sa taakwe mabbona ku-Gileadi? Sa taakwe musiliki nkuko? Ino nkaambonzi zilonda zyamwana musimbi wabantu bangu tazina kuponesegwa?