YouVersion Logo
Search Icon

Mika 1

1
Ny loza hanjo an'i Samaria sy Joda
1Ny tenin'i Jehovah izay tonga tamin'i Morastita tamin'ny andro nanjakan'i Jotama sy Ahaza ary Hezetia, mpanjakan'ny Joda, dia ilay hitany ny amin'i Samaria sy Jerosalema.
2Samia mihaino ianareo, ry firenena rehetra; Atongilano ny sofinareo, ry tany sy izay zavatra rehetra eo aminy; Ary aoka Jehovah Tompo no ho vavolombelona hanameloka anareo, Dia Jehovah avy ao amin'ny tempoliny masina. 3Fa, indro, Jehovah mivoaka avy ao amin'ny fitoerany Ary midina ka mandia ny havoana amin'ny tany. 4Miempo ao ambaniny ny tendrombohitra, Ary mivava ny lohasaha, Tahaka ny savoka taninin'ny afo, Sy tahaka ny rano akorotsaka eny amin'ny hantsana. 5Noho ny fahadisoan'i Jakoba sy ny fahotan'ny taranak'Isiraely no isian'izany rehetra izany. Iza no nahadiso an'i Jakoba? Tsy Samaria va? Ary iza no fitoerana avon'i Joda? Tsy Jerosalema va? 6Koa Samaria dia hataoko korontam-bato any an-tsaha Sy tany fambolem-boaloboka; Ary hakorotsako ho any an-dohasaha ny vatony, Ka haharihariko ny fanorenany. 7Hotorotoroina ny sampiny voasokitra rehetra, Ary hodorana amin'ny afo ny tanginy rehetra, Sady hofoanako ny sampiny rehetra; Tangin'ny vehivavy janga no nanangonany ireny, Ary hody ho tangin'ny vehivavy janga indray izy. 8Koa izany no hitomaniako sy hidradradradrako, Ka handeha sady horobaina no mitanjaka aho; Hikaonkaona#Heb. hisaona toy ny amboadia#Na: jakala aho Ary hikiakiaka#Heb. hitomany toy ny ostritsa. 9Fa tsy azo sitranina ny ferin'i Samaria#He. ny feriny; Fa mihatra amin'i Joda izany, Ary mahatratra ny vavahadin'ny oloko aza, dia any Jerosalema. 10Aza ambaranareo any Gata izany, Aza mitomany akory! Mihosinkosina#Na: mihosinkosena... ianao vovoka ao Beti-le-afra#Beti-le-afra = fitoeram-bovoka aho. 11Mandehana mitanjaka mitondra henatra, ry mponina ao Safira#Safira: = tsara tarehy; Tsy mivoaka ny mponina ao Zanana; Ny fisaonan'i Beti-haezela no misakana anareo tsy hijanona ao. 12Fa malahelo#Heb. manaintaina ny soa ny mponina ao Marota#Marota = fangidiana, Satria loza no efa nidina avy tamin'i Jehovah ho ao am-bavahadin'i Jerosalema. 13Fehezo amin'ny soavaly haingam-pandeha ny kalesy, ry mponina ao Lakisy; Niandohan'ny fahotan'i Ziona zanakavavy iny, Fa tao aminao no nahitana ny fahadisoan'Isiraely. 14Koa izany no hanomezanao taratasy fisaorana ho an'i Moresetagata; Ranotrambo ho an'ny mpanjakan'ny Isiraely ireo tranon'i Akziba#Akziba = ranotrambo. 15Mbola hitondrako olon-kandova ianao. Ry mponina ao Maresa#Maresa = lova; Ho tonga hatrany Adolama aza ny voninahitr'Isiraely. 16Miheteza sy mikakasa Noho ny zanakao nahafinaritra; Halehibiazo ny solanao ho toy ny an'ny voltora#karazam-borona lehibe izay sola, Fa lasan-ko babo niala taminao izy.

Currently Selected:

Mika 1: MG1865

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy