YouVersion Logo
Search Icon

Cizubuluzho 1

1
1Mwibuka leli mumulembelwe shintu Leza, nshaakazubululila Jeso Kilisito. Leza wakamupa cizubuluzho ceci kwaamba atondezhe basebezhi bakwe shintu sheelele kwiza kucitika ca kufwambaana. Kilisito wakazhibya Johani, musebezhi wakwe shintu sheshi ciindi naakamutumina anjelo. 2Aze Johani wakapandulula shintu shoonse shesho nshaakabona. Aza ngu makani ngaakapandulula ulimwi wapa bumboni ku mazwi a Leza ku shintu shoonse, Jeso Kilisito nshakaamba. 3Ulilonjelwe wezo u bala ibuka leli, ulimwi mbalelece babo bapupulala makani a bushinshimi bobu ukubamba shintu shilembelwe mwibuka leli! Nkaambo ciindi cili afwaafwi.
Kwaanzhiwa Kwa Shikombelo shili Ciloba
4 # Kul 3:14; Cizu 4:5 Ndime Johani ndalembela shikombelo shili mucishi ca Ezha, Leza amufwile luse u kumupa luumuno, ngu Leza Uliko, Wakaakuliko ulimwi Ulaakuliko. Ayo myoza ili ciloba ili kumbele lya cuuna ca bulemu bwakwe, imulonjezhe u kumupa luumuno. 5#Aiz 55:4; Inte 89:27Jeso Kilisito amulonjezhe u kumupa luumuno, wezu ngu kamboni ushomeka wakataanguna kubushiwa ku bafwu, inguwe mweendelezhi wa bami boonse baanshi yoonse.
Ulitufwini kwiitila mumbulowa bwakwe wakatwaangulula kuhwa ku shibi shesu. 6#Kul 19:6; Cizu 5:10Walo wakatucita kwaamba tube u bwami kwaamba tusebezele Leza Taata mbuli bapaizhi. Akube bulemu iinsana shikwense u shikwense. Ameni.
7 # Dan 7:13; Mat 24:30; Mk 13:26; Lk 21:27; 1 Batesa 4:17; Zaka 12:10; Joh 19:34, 37; Zaka 12:10; Mat 24:30 Amubone, uleza mu makumbi! Ulimwi bantu boonse balakamubona, kubicilizha u babo bakamuyasa. Mishobo yoonse yaanshi ano ilakalila nkaambo kakwe. Ameni!
8 # Cizu 22:13; Kul 3:14 “Ndime makancilo u mamanino” mbwaamba Mwami Leza, uuliko, wakaakuliko, ulimwi ukaabako Shinsana shoonse.
Johani Mbwaakabona Kilisito mu Cilenge
9Ndime Johani munyokwenu mu lushomo, ulimwi mwa Jeso tuli antoomwi u mapenzhi u mubwami, umukukakatila ca bushicamba. Ndyaanjilwe mu cilwa ca Patimosi ukaambo kamazwi a Leza ngundakakambauka u kupa bumboni bwaamba sha Jeso. 10Mu buzuba bwa Mwami, Moza Usalala wakanshicila, ngoonaawo ndakateelela kumanumaangu, izwi ikando ukoya kulila kwa mpeta. 11Lyaamba ati, “Shesho nshuubona shilembe mwibuka, wamana ulitume ibuka lelyo ku shikombelo sheshi shili ciloba, ku Efeso, ku Similina, ku Pegamumu, ku Tiyatila, ku Sadisi, ku Filadelufiya ulimwi uku Lodisiya.”
12Inzho indakacebuka kwaamba mbone wezo wakaakuŋambila, ndakabona shikalilo shamalambe shalubulo lwa goludi shili ciloba. 13#Dan 7:13; Dan 10:5Inzho akati kanshisho, kakuli umwi uli mbuli Mwanaa Muntu, kasamine icanshi ilamfwu ulimwi acamba kaanjile lutambo lwa goludi. 14#Dan 7:9#Dan 10:6Masusu akwe kaatuba buu, ukoya kakobo. Menso akwe kaalibonya ukoya mulilo uhwilima. 15#Eze 1:24; 43:2Shifwumba shakwe kashibekabeka ukoya lubulo lwa mukuba lushobole mu mahuba. Izwi lyakwe kaliteelelwa ukoya meenzhi ahuuma. 16Mwitashi lyakwe lya cilyo kakwete intongwezhi shili ciloba, mukanwa mwakwe mwakahwa iceba lilampa koonse koonse. Bushu bwakwe kabumweka ukoya izuba. 17#Aiz 44:6; 48:12; Cizu 2:8; 22:13Inzho indakamubona, ndakafwukama kuwila munshi lya maulu akwe, ukoya muntu mufwu. Pele wakabika itashi lyakwe alyuume waamba ati, “Utatiyi! Ndime Makancilo u Mamanino. 18Ndime wezo upona! Ndakaakufwile pele inzho ndimumi shikwense u shikwense. Ndikwete insana shakuzunda lufwu acikalilo cabafwu. 19Ubobo lemba shintu shesho nshiwabona u shiliwo u shesho shikaacitika. 20Inzho ngaaza masesece a ntongwezhi sheshi shili ciloba, shili mwitashi lyangu lya cilyo, ulimwi ushikalilo shili ciloba sha malambe a goludi. Intongwezhi shili ciloba mbu baanjelo ba shikombelo shili ciloba, ulimwi shikalilo shamalambe shili ciloba nshikombelo shili ciloba.”

Currently Selected:

Cizubuluzho 1: ILL

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy