Maako 1
1
Kukambauka kwa Johani Mupapatizhi
(Matayo 3:1-12; Luka 3:1-18; Johani 1:19-28)
1Aza ngu makancilo a Makani Mabotu aamba sha Jeso Kilisito Mwana Leza. 2#Mal 3:1Akakanka umbona mbwaakalemba mushinshimi Aizaya:
Leza wakaamba ati, “Ndakatuma mutumwa wangu kumbele kwako,
akakubambile inzhila.”
3 #
Aiz 40:3
Kuli u wambilizha mulukula ati,
“Amubambe inzhila ya Mwami Leza!
Amululamike inzhila yakwe isuumane!”
4Ubobo Johani Mupapatizhi wakalibonya mulukula kapapatiza bantu u kukambauka ati, “Amusanduke kunzhila shenu imbiyabi, mupapatizwe kwaamba Leza amulecelele shibi shenu.” 5Inzho bantu banji banji ba mucishi ca Judiya umumunzhi wa Jelusalemu, bakaya kuteelela nshaakaakukambauka Johani. Nibakalilekelela shibi shabo, wakabapapatiza mu lweenje lwa Joodani.
6 #
2 Bami 1:8
Wezu Johani Mupapatizhi kasama cisani cakaakulucilwe u boza bwa nkamela, ulutambo lwa cikanda mucibuno. Wakaakulya cinkwikwi u buci bwa mwisokwe. 7Wakaakwaambilizha ati, “Uuzhiza munshi lyangu ulambaala bulemu, ume nsheelele kukotama ukwaangulula twaanzho twa mpato shakwe. 8Ume ndamupapatiza u meenzhi, pele walo ulakamupapatiza u Moza Usalala.”
Kupapatizwa Ukutepaulwa kwa Jeso
(Matayo 3:13—4:11; Luka 3:21-22; 4:1-13)
9Nikwakaita bulyo mazuba mashoonto, Jeso wakahwa ku munzhi wa Nazanleta, mucishi ca Galilaya, ngoonaawo Johani wakamupapatiza mu lweenje lwa Joodani. 10Jeso mbwaakamuhwila bulyo mu meenzhi, wakabona izeulu lyayaluka, u moza waleza wakamuselucila kuhwa mwizeulu ukoya inzhiba. 11#Mata 22:2; Inte 2:7; Aiz 42:1; Mat 3:17; 12:18; Mk 9:7; Lk 3:22Inzho izwi lyakateelelwa kuhwa kwizeulu lyakaamba ati, “Ndiwe mwanangu nakufwunwa, ulimwi uwe ulanjinina.”
12Ngoonaawo Moza Usalala wakamutola mulukula, 13momo mwakaakuli bulyo banyama bamwisokwe, Jeso wakakala ice mulukula kwa mazuba ali makumi one. Inzho Shaatani mubeshi mukando, naakamana kumutepaula, baanjelo bakeza kumufwutaucila.
Jesu weta Bazezhi Bone
(Matayo 4:12-22; Luka 4:14-15; 5:1-11)
14Inzho Johani naakakwatwa ukubikwa muntolongo, Jeso wakaya ku cishi ca Galilaya kukambauka makani mabotu a Leza. 15#Mat 3:2Wakaamba ati, “Ciindi cashika, Bwami bwa Leza bwaswena afwaafwi! Ubobo amusanduke kuhwa ku shibi shenu, mushome Makani Mabotu.”
16Jeso naakaakuya bweenda ku mulando wa lwaatele lwa Galilaya, wakayana balombwana bobile, Saimoni u Andulu munina, balazela inswi. 17Jeso wakabaambila ati, “Amuncilile kwaamba nkamucite bazezhi babantu.” 18Ngoonaawo bakashiya tunyandi twabo bamucilila.
19Naakaya lwaambele, wakabona banakwe Zebedi bobile, ba Jemusi u Johani. Kabali mu bwato balasasa tunyandi twabo. 20Mbwakababonena bulyo wakabeta. Inzho bakashiya Zebedi ushabo ubasebezhi bakwe mu bwato, bakamucilila Jeso.
Jeso Wakusha Moza Mubiyabi mu Muntu
(Luka 4:31-37)
21Jeso u ba shiciiya bakwe bakashika mu munzhi wa Kapenaumi. Inzho nibwakaca mu buzuba bwa Sabata Jeso wakanjila mucikombelo caba Juda wakakanka kuyiisha. 22#Mat 7:28, 29Inzho bantu nibakateelela kuyiisha kwakwe bakazoowa, kaambo kakutakozhene u kuyiisha kwa balembi, mazwi aakwe alikwete insana. 23Ngoonaawo umwi muntu wakaakunjililwe moza mubiyabi wakanjila mucikombelo caba Juda, wakakwiila wabuzha ati, 24“No twakucitaanzhi uwe u Jeso waku Nanzaleta? Sa weza kutuzonauna? Ndikwizhi ati ndiwe Usalala wa Leza.”
25Jeso wakalemanina moza mubiyabi ati, “Liinze, hwa mu muntu wezu!” 26Moza mubiyabi wakakwiila, amane muntu wakasuntuka wawila anshi moza mubiyabi wakamuhwa. 27Boonse bantu bakazoowa cini cini, bakakanka kulibuzha ati, “Anu ncinzhi ceci? Nkuyiisha kupiya kuli buti koku? Wezu muntu ulikwete insana shakulemanina myoza mibiyabi ulimwi ilacita ncaayaambila!”
28Impuwo yaka Jeso yakazuwa mucishi coonse ca Galilaya.
Jeso Waponya Bantu Banji Banji
(Matayo 8:14-17; Luka 4:38-41)
29Mbubakahwila bulyo mucikombelo caba Juda, wakaya kuŋanda yaka Saimoni antoomwi u Andulu u Jemusi u Johani. 30Inzho naakashika aŋanda bakamushimwina ati inazhala Saimoni mulwazhi mubili. 31Jeso wakaya nkwaakaakulele. Wakamukwata etashi wamubusha, ngoonaawo wakapona wakanka kufwutauka.
32Kube kumangolezha bantu bamumunzhi wezo bakamuletela bantu boonse bakaakusata malwazhi andeene andeene u babo bakaakunjililwe myoza mibiyabi. 33Bantu boonse ba mu munzhi momo bakabungana amulyango waŋanda yezho. 34Jeso wakaponya bantu banji banji bakaakusata malwazhi aandeene andeene ukukusha myoza mibiyabi minji minji. Myoza mibiyabi kateezeezha kwaamba, nkaambo kakuti keemwizhi.
Jesu Wakambauka mu Galilaya
(Luka 4:42-44)
35Nikwakaba kumancela Jeso wakabuka wahwa muŋanda. Amane wakamuhwa mu munzhi waya kubusena bwakuliiba kuya kukomba. 36Saimoni u beenzhiina mbucakaakuli abo nibakabona ati Jeso tewo bakaya kumukapula. 37Nibakamuyana, bakamushimwina ati, “Bantu boonse ndiwe baya bukapula.”
38Jeso wakabaingula ati, “Tulyeelele kuya kuminzhi iimwi ituzhingulucile. Ndyeelele kuya nkabakambaucile abo kaambo ceco ncindakezhila.”
39 #
Mat 4:23; 9:35 Ubobo wakeendeenda mucishi coonse ca Galilaya kuya bukambauka mu shikombelo shaba Juda ukukusha myoza mibiyabi.
Jesu Waponya Shicinsenda
(Matayo 8:1-4; Luka 5:12-16)
40Inzho mulombwana umwi wakaakuli mulwazhi cinsenda wakeza kwa Jeso, wakamufwukamina wamulomba kwaamba amuyohwe. Wakaamba ati, “Naa ulazanda, ulakonzha kumponya.”
41Jeso wakeetezhewa. Wakahungulula itashi lyakwe ukumwaampa, wamwaambila ati, “Ndazanda, pona!” 42Ngoonaawo shicinsenda wakapona. 43Jeso wakamulaila cini cini, 44#Bale 14:1-32wakamwaambila ati, “Teelela, kutabi muntu nguushimwina makani aza, pele koya ukalitondezhe ku mupaizhi, ukape cipaizho mbuli mbwaakalailila Mozesi, kwaamba cikabe citondezho ku bantu boonse kwaamba wapona cini cini.”
45Muntu wezo wakaya ulaya bwaambilizha makani aza, ubobo Jeso cakamukacila kunjila mu munzhi kaanzambwene. Ubobo wakakala kulaale u minzhi. Nikuba bobo bantu kabeza kwakwe kuhwa kumasena andeene andeene.
Currently Selected:
Maako 1: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.