YouVersion Logo
Search Icon

Bahibulu 1

1
Leza Wakanana Kwiita mu Mwanakwe
1Kale kale Leza wakaakukanana u ba shaakale besu munzhila shinji shinji ulimwi shishiyene shiyene kwiita mu bashinshimi, 2pele ku mazuba ano aku mamanino ulakanana aswe kwiita mu Mwanakwe wezo ngwaakabika ati abe shimulyazhina, ukaakona shintu shoonse nshaakalenga kwiita mwakwe. 3Walo nci cimbonimboni ncitubonena bulemu bwa Leza, ulimwi ncinkozha cakwe Leza mbwaabele. Ngu shikukwabilila luundu loonse u mazwi akwe ansana. Naakamana kusalazha bantu kuhwa ku shibi shabo, wakaya kukala kwizeulu kwitashi lya cilyo lya Leza mulemu.
Mwanaa Leza Mukando Kubaala Baanjelo
4Leza wakacita Mwanakwe kwaamba abe mukando ku baanjelo mbubona izhina lyakwe mbulili ikando kubaala baanjelo. 5#Inte 2:7; 2 Sam 7:14; 1 Maka 17:13Ngu anjelo nzhi Leza ngwakaambila ati,
“Uli Mwanangu, bwasunu ndakuzhala?”
Ulimwi sa Leza kuli naakaambila anjelo ati,
“Ume ndakuzhala, uwe waba mwanangu?”
6 # Ciz 32:43 Pele ciindi Leza naakaakuzanda kutuma mwanakwe mutaanzhi mu luundu, wakaamba ati,
“Boonse baanjelo baleza balyeelele kumukomba.”
7 # Inte 104:4 Pele ku makani abaanjelo Leza wakaamba ati,
“Ulacita baanjelo bakwe kwaamba baunge ukoya muuwo, #1:7 Ndilyona izwi lya “muuwo” lilakonzha kwaamba myoza
ubasebezhi bakwe kuhwilima ukoya mulilo.”
8 # Inte 45:6, 7 Pele ku makani a mwanakwe ulaamba ati,
“Cuuna ca bwami bwako U Leza, mbwashikwense ushikwense.”
“Mubulelo bwako ulabeteka cabululami.
9Uwe ulifwini bululami, tuzanda shitaluleme.
Ubobo Leza wako wakakunanika mafwuta a lutangalo ulimwi waakupa mafwuta a kubotelwa kubaala beenzhinoko boonse.”
10 # Inte 102:25-27 Inzho Leza wakaamba ulimwi ati,
“Uwe, Mwami ku makancilo ndiwe uwakalenga inshi.
Wakapanga izeulu u matashi ako.
11Shilakamana pele uwe ulaakuliko.
Shilakakulumpana shikazapauke ukoya shisani.
12Izeulu iinshi ulaashihunga ukoya cakusama.
Shilakahungana ukoya shisani.
Pele uwe ulaakuli mbubona lyoonse.
U mazuba ako taamana.”
13 # Inte 110:1 Sa Leza ulikwete naakaambila anjelo wakwe naaba womwi ati,
“Kala kwitashi lyangu lya cilyo,
kushicila ciindi ninkaacita ba shinkondonoko kwaamba babe cilyatilo ca matende ako?”
14Sa baanjelo teeli myoza yakatumwa kusebezela babo bakaatambula lufwutuko?

Currently Selected:

Bahibulu 1: ILL

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy