1 Batesalonika 1
1
1 #
Inc 17:1
Ume ndi Paulu, antoomwi u Sailasi u Timoti tulalembela imbungano yaku Tesalonika ili mu lukamantano u Leza Taata u Mwami Jeso Kilisito. Luse u luumuno ashibe kuli umwe.
Paulu Watembaula Milimo ya Batesalonika
2Uswe tulalumba Leza coonse ciindi ukaambo kenu umwe noonse. Tulamuzhibaluka mu kukomba kwesu, 3ulimwi tulamutelaika ciindi nitukomba kwa Leza Tatesu ukaambo ka milimo yenu itondezha lushomo u lufwuno lwenu u bushicamba bwenu mukulanjila Mwami Jeso Kilisito. 4Nubakwesu, tulizhi ati Leza ulimufwini ulimwi wakamusala kwaamba mube bakwe. 5Nkaambo twakamuletela Makani Mabotu, kaatali mazwi bulyo pe, pele kaakwete insana sha Moza Usalala shakusandula myonzo mu lushinizho. Mulizhi mbutwakapona akati kenu ciindi nitwakaakuli amwe, twakaakuzanda kumuyohwa. 6#Inc 17:5-9Inzho mwakatwiiya uswe u Mwami. Nikuba kuti mwakaakuli mu mapenzhi, makani esu mwakaatambula calutangalo lwa Moza Usalala. 7Ubobo, mwakaba citondezho ku bashomi boonse bamu Masedoniya umu Akaya. 8Inzho kuhwa kuli umwe, makani a Mwami akaya impuwo cakuti lushomo lwenu mwa Leza lwakazuwa kumasena oonse, kutali bulyo ku Masedoniya uku Akaya. Ubobo uswe kwiina cinji ncitukonzha kwaamba. 9Nkaambo bantu boonse balaamba a butambule mbumwakatutambula ciindi nitwakamuswaya, ulimwi u mbumwakashiya baleza bakupanga u kusanducila kwa Leza mwini mwini upona kwaamba mumumanine milimo. 10Inzho mulalindila kwiza kwa Mwanakwe kuhwa kwizeulu, wezo ngu Jeso ngwaakabusha kuhwa ku bafwu. Ulimwi ulatuhuna kuhwa kubukali bwa Leza buzhiza.
Currently Selected:
1 Batesalonika 1: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.