1 PIYƐR 1
1
1 PIYƐR Ɗɛɛrwol biitir yɔ Piyɛr bi̧i̧s Yeesufɔkya wɔ hi hɛks a waal du 1 PIYƐR 1
1Mii Piyɛr Yeesu Kristu tɔmsɔya, mii bi̧i̧ ɗɛɛrwol yɛrɛ. Mi yaasig dood wɔ hi gi rɔ̀bɛ hi hɛks hi gi a Pɔntus, a Galatiya, a Kapadokiya, a Aaziya, hi a Bitiniya waal du. 2Baa Bɛt yɔ mɛɛhin sɛw gi dorɔ, herin hi Mɔkilɔ yɔ wɛɛnin dood ɔnɛ an nɛ kɛms Yeesu Kristu tɔnɛ, gii be gi wɛɛ gi gaas kpoos nɛ hi ga̧a̧mɔ. An Bɛt gɛmsilɔ hi boolumi hi gisin tɔɔko tɔɔko.
3Yɛwɛ baan Bɛt yɔ gi Waar wɛ Yeesu Kristu Bɛtɔ hi Baatɔ! Anyɔ mɛɛsɛ ya̧a̧r gbɔɔltɔnɔ gi gaawɛ za̧a̧tig sego hi Yeesu Kristu rɛmtigɔ bɔ a wɔrkɛ teesdu an wɛ gbaak mɔkil wɛ a wɛ dag za̧a̧tig faa. 4Wɛ wɛɛ wɛ mɛɛ a wɛ dag hinrɔb yɔ Bɛt gbaas doodɔ hiya. Bɛt gbaasɛ rɔɔsɔ gi a bɛtha. Rɔɔsɔ ɗɛ̄ɛ̄ an gi dog gɛ, ɗɛ̄ɛ̄ an gi ha̧tir gɛ, wɛɛ ɗɛ̄ɛ̄ an gi ɓɛ̧ɛ̧r gɛ be. 5Anyɔ nɛ ɗɔbsig Bɛto, Bɛt gin ook hi tɛŋkɔ a za̧a̧tig nɛ yɔ gɛms gi da̧a̧ an gi zuunig a ɔ̧t yɔ̧ɔ̧sum bɔ gedu gi dɔŋgo.
6Dagin hat a rɔɔs bɔrɔ gi dɔŋgo, gi gi nɛ an ɓɔri hɛw ya̧a̧rhant zaadɛ sɔmsɔm hi zɛ̧nɛ, hi kɔm ɔ̧t kaasi du hɛw. 7Bɛt gi gook ɗɔbsig nɛ bɔ hi ya̧a̧rhant an gi zuun a gi hinrɔbo. Hɛɛlmɔt yɔ gɔ wāā faa gɛ, gɔ hi yaag laa du gi ya̧a̧ an hi googe. Yɔ anbɔ, ɗɔbsig nɛ taa hin gbɔɔl dāār hɛɛlmɔt bɔ gɛ ya? Gi an hi googe an hɛɛlmɔt bɔ be. Yɛrɛ nɛ́ waak ɗɔbsigi anyɔ ya̧a̧rhant gi nɛ si̧, banti, ɗɔbsigi hi gbɔlumsɛ hi giro a ɔ̧tyɔ Yeesu Kristu gɔ gi mits dood gedu.
8Anyɔ nɛ gbɛn Yeesu Kristu gɛ nɛ si̧, gin ha̧a̧k a ge. Anyɔ nɛ gbɛnig nɛ gɛ ɓɛ, nɛ ɗɔbsige wɛɛ kpoos nɛ gi kpɛ̧ɛ̧ gi daarlɛlɛ, nɛ dag hat yɔ doo ɗɛ̄ɛ̄ an gi raa hinɔ gɛ. Hat bɔrɔ hatɔ be, tɔɔ hi Bɛt gbɔlumsɛ. 9Ya̧a̧nɛ nɛ dag ɗɔbsig nɛ dɔɔrɔɔs yɔ gi kol nɛ za̧a̧tigɔ giya.
10Bɛtya̧a̧kɛŋkya wɔ hi tɛb nɛ za̧a̧tig yɛrɛ dɔglɔ ha̧a̧l-tɔnɔ, hi wɛɛ hi dɔg nɛ Bɛt gɛmsil yɔ gɔ nɛ dag dɔglɔ. 11Anyɔ Kristu Mɔkilɔ gi nɛ hi kpoos du be, Mɔkilɔ bɔ dɔg dorɔ a Kristu gi ha̧a̧ya̧a̧r kete ɓɔr gi ɔɔ gbɔlumsɔ dako. Bɛtya̧a̧-kɛŋkya wɔ hi tɛb nɛ za̧a̧tig dɔgl bɔ an hi mɛɛ ɔ̧tyɔ hin wɔrɔ gɔ hi tal du.
12Bɛt zunsihi ɗɔglɔ a hin wɔrɔ hi ɓɛɛk anbɔ labɔ, hi taas zulya̧ ɓɛɛko, hi ɓɛɛsig nɛya. Yɛrɛ dood hi dɔgsin Dɔgl Rɔb bɔ, hi dɔgsin hin wɔrɔ dɔgsɔ hi Bɛt dɔglɔ hi Bɛt Mɔkilɔ tɛŋkɔyɔ fu̧u̧z a bɛtha. Bɛt walɛsɛrɛ wɔ hɛw ha̧a̧hi an hi gbɛn hin wɔrɔ hinya̧.
13Yɔ anbɔ, mɔkin woosɛ hi lɛl-ook dɔgl rɔbtɔnɔ. Wa̧a̧n zul nɛ, nɛ wɛɛ nɛ gbaa mɔkil nɛ hi kpoos nɛ sɛw a Bɛt gɛmsilɔ yɔ gɔ gi gàan hage. A ɔ̧tyɔ Yeesu Kristu gɔ gi midza gedu. 14Bɔnɛ fɔb ɗɔkum ha̧a̧l wɔ nɛ gihi nɛ fɔk amntɔnɔ yɔ nɛ mɛɛdir nɛ hin gɛ. Yɛrɛ wɛɛn an waat wɔ gɔ hi kɛmsig baaya̧ tɔnɛ. 15Wɛɛn dood gaatɛ an Za̧a̧nyɔ elinɛ gi Doo gaat be. Nɛ gi wook nɛ hinɔ an nɔ, woosin Bɛt gii hi kpoos nɛ esigi. 16Bɛt ɗɛɛrwolɔ raa
a wɛɛn dood gaatɛ an bee yɔ be gi Doo gaat be, ya̧a̧nɛ.
17Gɔ nɛ gi Bɛt zɔ̧ko nɛ gig elik a Baa Bɛto. Gii be, gɔ gis dood dɔgl-gbaak gbunu gbunu sɛw an bɔ be hi woosɔyɔ woo. Wɛɛ sɔ̧̄ɔ̧̄ doo za muutɔ gɛ. Hoob-ha̧a̧nɛg Bɛto a ɔ̧t nɛ yɔ zɛ̧rsin an nɛ waa gedu a hɛbtdi. 18Nɛ mɛɛ a yɔ Bɛt ginɛ zek nɛ an gi tudzin a baa nɛ maakya̧ tɔs wɔ hi ɔɔnin nɛ gedu, tōō hinza an tusɛ, zaabe hi hɛɛlmɔt yɔ gɔ wāā faa gɛ an gi zemn za̧a̧tig nɛ bɔ gɛ. 19Too Kristu ga̧a̧mɔ yɔ gi hin gbɔɔl yɔ daarlɛl giya. Kristu gi an tamwaa yɔ hi gbɛɛrige hi woons Bɛt maako, wɛɛ Bɛt zɛm bɛɛrɔ, hinza a̧a̧b taa a ge nɛ zaŋ.
20Yɔ Bɛt kimdir nɛ waal kɛn gɛ, her Yeesu gaati. Yɛrɛ midzig gɔ ma a ɔ̧t yɔ̧ɔ̧sum du a nɛ dɔŋgo. 21Nɛɛ be, nɛ ɗɔbsig Bɛt a Yeesu yɔ Bɛt ɗunsig a wɔrkɛ tees du gi wɛɛ gi gaag gbɔlums gi dɔŋgo. Yɔ anbɔ nɛ ɗɔbsig Bɛt giya nɛ wɛɛ nɛ gbaak mɔkil nɛ a hinyɔ gii gɔ gi woosin gedu. 22Yɔ nɛ fɔk rɔb-gbɔnɔ, nɛ gaas zul nɛ gaas ma, wɛɛ ha̧a̧n yɛ̧ɛ̧dɛ Yeesu fɔkya wɔ hi rɔbo. Yɔ anbɔ, ha̧a̧tinnɛ gbɔɔltɔnɔ hi kpoos nɛ sɛw.
23Nɛ mɔɔy seg hi dɔ̧ɔ̧t za yɔ gɔ ha̧tir gɛ, nɛ mɔɔy hi dɔ̧ɔ̧t yɔ gi kɔmbik faa: gɛ Bɛtdɔglɔ za̧a̧tigya bɔ gɔ waa faa giya. 24Gi anyɔ Bɛt ɗɛɛrwolɔ raa
a dood sɛw hi gi an hɛto, gbɔlumsya̧ sɛw riitin an hɛtkɔ̧ɔ̧rɛ. Hɛt gɔ kootɔ, kɔ̧ɔ̧rɔ bɔ mɛɛ hɛbtdi. 25Yɛrɛ Waar Bɛt dɔglɔ gi waak faa.
Dɔgl bɔrɔ gi Dɔgl Rɔb bɔ hi dɔgsin giya.
Currently Selected:
1 PIYƐR 1: NTD
Highlight
Share
Copy
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.